Ахмет Байтұрсынұлы және ХХІ ғасырдағы Қазақстан эссесі

АХМЕТ БАЙТҰРСЫНҰЛЫНЫҢ 150 ЖЫЛДЫҚ МЕРЕЙТОЙЫНА ОРАЙ «АЛАШ ОҚУЛАРЫ» АТТЫ РЕСПУБЛИКАЛЫҚ БАЙҚАУЫНА ҚАТЫСУШЫНЫҢ СҰРАНЫСЫ

Аманбаева Салтанат Омиртаевна

Эссе «Ахмет Байтұрсынұлы және ХХІ ғасырдағы Қазақстан»

Тұрар Рысқұлов атындағы № 20 жалпы орта білім беретін мектебі

Жамбыл облысы,Меркі ауданы,Ойтал ауылдық округі

Жамбыл облысы,Меркі ауданы,С.Құралбай №16 индекс 080513

[email protected]

«Ахмет Байтұрсынұлы және ХХІ ғасырдағы Қазақстан»

Қазақ халқының маңдайына біткен Алаш зиялыларының бірі де,бірегейі Ахмет Байтұрсынұлы екенін көзі ашық,көкірегі ояу бүгінгі жас ұрпақ біледі.Ұлттың ертеңі үшін қанша уақытын да, жанын да аямаған тұлғаның еңбектері жас ұрпаққа өнеге болып отыр.Олай дейтінім,өмірінің барлық кезеңінде қазақ тілі мен әдебиетінің теориясын зерттеген,лирикалық өлеңдер мен баспасөз беттерін өз шамаларынша ашып,мақалаларын жазғанын оқып-біліп танып отырмыз.

Ахмет Байтұрсынұлының өмірлік кредосы-осы қазақ жұртына не болған? Неге ұйқыда? Неге оянбайды? Халқымды оятсам-деген тілекпен өмір сүрген.

Жол көрсеттім қазақ деген намысқа,

Жоқ сілтедім жақын емес,алысқа.

Өзге жұрттан өрге қадам басқанда,

Елім,сен де қатарыңнан қалыспа,-дей келе,публицистикалық бір мақаласында надандық,өнерсіздік ата жолдасымыз болған соң олжалы деген жерде үлестен қағылғанымыз,ордалы деген жерде орыннан қағылғанымыз,жоралы деген жерде жолдан қағылғанымыз бәрі-бәрі надандық кесапаты» деп ашына жазады. Надандықты жою жолында тынбай ізденеді.

«Қазақ» газетінің 1913 жылғы 21 сәуіріндегі нөмірінде «Оқу жайы» деген мақала жарияланады.Сол мақалада А.Байтұрсынұлы қазақ үшін ең керегі оқу-білім екендігін айтады: «Қазақ жерінде өндіріс жоқ,шикізатты сатады,ал сол шикізаттан жасалған өнімді екі-үш есе қымбатқа сатып алады.Бұл надандықтан келген кемшілік»,-дейді. ХХІ ғасырда осы пікірдің оң нәтиже көрсетіп іске аса бастауына Тәуелсіз Қазақстанда қанша тұлғалар білек сыбана кірісіп,өндіріс,зауыт,фабрика,бизнес көздері пайда болғаны көз қуантады.Әлі де Қазақстанымның дамуы бизнестің ірілі-ұсақты түрлерін тоқтаусыз дамытуда болып отыр.Кәсіпкерлікті дамыту экономиканың дамуына үлкен үлес қосарын сол кездің өзінде Ахмет Байтұрсынұлы сынды ғұламаның көрегендігіне қалай ғана мойынсынбасқа? Алайда,уақыт өте келе,Ахаң ұсынған бағытты бүгінгі жаңа қазақстандықтар білім алып,ғылымды меңгеріп,еліміздің өркендеуіне зор үлес қосып жатқаны көз қуантады,көңіл семіртеді.Алаш зиялыларының бүгінгі күн туралы арман-мақсаттары,төккен терлері мен жанын құрбан еткендерінің жарқын бейнесі қылаң беріп отыр емес пе?!.