Әл-Фараби университетінің дінтану кафедрасы туралы

«Әл-Фараби атындағы Қазақ Ұлттық университеті Дінтану кафедрасының қызметі»

Әл-Фараби атындағы Қазақ Ұлттық университеті – Қазақстандағы жоғары білім беру саласындағы көшбасшы оқу орындарының бірі. Университет құрамындағы Дінтану кафедрасы еліміздегі діни мәселелерді зерттеу мен оқыту саласында маңызды рөл атқарып келеді.

Кафедраның негізгі мақсаты – діннің қоғамдағы рөлін ғылыми тұрғыдан зерттеу және осы салада жоғары білікті мамандар даярлау. Оқыту барысында әлемдік және ұлттық діндердің тарихы, олардың философиялық, әлеуметтік және мәдени аспектілері жан-жақты қарастырылады. Сонымен қатар, кафедра студенттерге заманауи дінтанудың өзекті мәселелері, діни экстремизм мен радикализмге қарсы тұру әдістері, толеранттылықты нығайту мәселелері бойынша терең білім береді.

Кафедра оқытушылары – өз ісінің тәжірибелі мамандары, олардың көпшілігі халықаралық ғылыми жобаларға қатысып, беделді ғылыми басылымдарда мақалалар жариялап келеді. Кафедра базасында студенттер ғылыми-зерттеу жұмыстарына белсенді араласып, халықаралық және республикалық деңгейдегі конференцияларға қатысады.

Сонымен қатар, кафедра дін саласындағы өзекті мәселелерді шешу үшін мемлекет және басқа да қоғамдық ұйымдармен тығыз байланыс орнатқан. Бұл студенттерге теориялық білімдерін тәжірибе жүзінде қолдануға мүмкіндік береді.

Қорыта айтқанда, әл-Фараби атындағы Қазақ Ұлттық университетінің Дінтану кафедрасы – дін саласындағы зерттеулер мен білім берудің ошағы болып табылады. Оның қызметі еліміздегі рухани және мәдени дамуға елеулі үлес қосуда.

Кантарбаева У.Ж., филос.ғ.к., қауым. профессор, ғылыми жетекші

Ержанова Қ.А., Дінтану мамандығының 2 курс магистранты