Әл-Фарабиге арналған зияткерлік ойын 6 сыныпқа

Тақырыбы: «Оқысаң ғылым қорын білім асар, Көңілдің кіршік басқан көзін ашар» - зияткерлік ойыны

Мақсаты: Оқушылардың білімге деген құштарлығын арттыру арқылы білімін тереңдету, зияткерлік қабілетін дамыту. Сөздік қорларын байыту; Отансүйгіштікке, бір-бірін сыйлауға, ұжымшылдыққа тәрбиелеу.

Техникалық құрал: компьютер, интерактивті тақта

Барысы: - Қайырлы күн, құрметті қонақтар, ұстаздар мен білімге құштар жас өрендер! «Оқысаң ғылым қорын білім асар, Көңілдің кіршік басқан көзін ашар» - Ұлы даланың ұлы тұлғасы, ұлтымыздың мақтанышы Әбу насыр әл-Фараби бабамыздың 1150 жылдық мерейтойына арналған зияткерлік ойынына қош келдіңіздер! Бұл ойында 6-сынып оқушылары өз білімдерін сынамақ.

Мозайка арқылы топқа бөлу.

Көне қалалардың суреті бейнеленіп қиылған суреттер беріледі. (Тараз, Отырар)

Ендеше ойын шартымен таныстырсақ: Ойынға 6 оқушыдан тұратын 2 топ қатысады. Ойын 7 турдан тұрады.

І тур «Ұшқыр ой»

ІІ тур «Эрудиттер сайысы»

Әр топ тест тапсырмаларына жауап беріп, әр дұрыс

жауапқа теңге жинайды.

ІІІ тур «Таңдау – табыс»

Әрбір таңдаған сан бойынша берілген тапсырманы орындайды.

ІҮ тур «Логикалық сұрақтар» видео

Ү тур «Білгенге маржан»

ҮІ тур «Капитандар сайысы»

ҮІІ тур «Бұл сандар не білдіреді?»

І тур «Ұшқыр ой»

1-сұрақ: «Алтын адам» қайдан табылды? Жауабы: Алтын адам — Алматы облысындағы Есік қаласының солтүстігіндегі Есік өзенінің сол жақ жағалауындағы темір дәуірінен сақталған сақ обасынан табылған алтын киімді сақ жауынгерінің мүрдесі (5 ғасыр). 1969–1970 жылы археолог Кемел Ақышев тапқан.

2-сұрағы: Қазақстан жер көлемі жөнінен дүние жүзі елдерінің ішінде нешінші орында? Жауабы: Қазақстан жер көлемі жөнінен дүние жүзі елдерінің ішінде тоғызыншы орында

3-сұрақ: Қазақстандағы қорықтарды ата. Жауабы: Қазақстандағы қорықтар: Алматы, Наурызым, Ақсу –Жабағлы, Барсакелмес, Марқакөл, Қорғалжын, Үстірт, Қатонқарағай.

4-сұрақ: Қазақстанның тұңғыш ғарышкері Тоқтар Әубәкіров қай жылы ғарышқа ұшты? Жауабы: Тоқтар Әубәкіров - Байқоңырдан 1991 жылы 2 қазанда «Союз ТМ-13» кемесімен ғарышқа ұшты.

5-сұрақ: Қазақ халқы жігіт адамның үш жұрты бар есептеген. Оларды ата. Жауабы: Өз жұрты, нағашы жұрты, қайын жұрты.

6-сұрағы: Тәуелсіздік күні қай күн? Жауабы: Тәуелсіздік күні – 16 желтоқсан.

ІІ тур «Эрудиттер сайысы»

Тест тапсырмалары: 1. Елді кім басқарады? А) Парламент; Ә) Президент; Б) Премьер-министр. 2. Қазақстан Республикасы қай құрлықта орналасқан? А) Еуразия; Ә) Африка; Б) Австралия. 3. Бір-бірімен туыстық қатынастағы адамдарды қалай атайды? А) Көршілер; Ә) Достар; Б) Туысқандар. 4. Биіктігі 97 метр болатын бас қаланың симфолы. А) Хан шатыры; Ә) Қазақ елі Б) Бәйтерек. 5. Медеу мұз айдыны Қазақстанның қай қаласында? А) Астанада; Ә) Алматыда; Б) Көкшетауда.

ІІІ тур «Таңдау – табыс» деп аталады.

Тақтада суреттер ілулі тұрады. Оның артында сұрақ жасырылған. Берілген сұрақтарға жауап беру керек.

1. Қазақстанның жер көлемі Батыс Европадағы ең ірі деп есептелетін Франциядай 5 мемлекеттің немесе Ұлыбританиядай 11 мемлекеттің, Жапониядай 17 мемлекеттің жерімен пара-пар. Сұрақ: Қазақ жері қанша шаршы километр аумақты алып жатыр? Жауап: 2,7 миллион шаршы км ( 2724,4 мың шаршы км).

2. Бұл қала 1925-29 жылдардағы Қазақстанның астанасы болған. Бұл қаладан Мадина Садуақасова, Алмас Кішкенбаев, Батырхан Шөкенов сынды тагы да басқа атақты адамдар шықты. Сұрақ: Бұл қай қала? Жауап: Бұл - Қызылорда.

3. 2009 жылы 20 қазанда, Елордамыз Астанада Қазақстанның мемлекеттілігінің басты бейнесі ретінде ерекше монумент тарихқа енді. Авторы - еліміздің тұңғыш президенті Н.Ә.Назарбаев. Бұл - ғасырдан ғасырға, атадан балаға кететін айрықша тарихи рәміз.

Монументтің биіктігі 91 метр. Сұрақ: Монумент қалай аталады? Жауап: Бұл монумент «Қазақ елі» деп аталады.

ІҮ тур «Логикалық сұрақтар» видео

Ү тур «Білгенге маржан»

Өз топтарының атау туралы, яғни қала туралы не біледі? Сол қала туралы постер құрастырады.

ҮІ тур «Капитандар сайысы»

ҮІІ тур «Бұл сандар нені білдіреді?»

- Елбасы Н.Ә.Назарбаевтың «Қазақстанды 2030 жылы барысқа апаратын – бүгінгі мектеп партасында отырған оқушылар» деген сөзін әрқашан жадымызда ұстап, Елбасының сенімін ақтауда дәл бүгінгідей зияткерлік сайыстарда өз білімімізбен биіктерден көріне берейік.

- Бүгінгі зияткерлік сайысқа қатысқан топтарды марапаттасақ.

- Қорытынды жасаймыз, сөз әділқазы алқасына беріледі.