Алтын қақпа 6 сыныпқа арналған зияткерлік ойын

«Алтын қақпа» зияткерлік ойыны

Сабақтың мақсаты: Қазіргі өмір талабына сай қоғамда еніп отырған жаңалықтарды оқушы санасына қалыптастыруды ,өз білімдерін жетілдіруде , оқушылардың пәнге деген қызығушылығын оятып, танымдық белсенділігін арттыруда сыныптан тыс жұмыстардың маңызы зор. Қазақ тілі мен қазақ әдебиеті пәндерін халықтың педагогикамен ұштастыра білсек,ой-өрісі,тіл байлығы дамып, шапшаң ойлайтын,ойын жинақтап жеткізе білетін саналы жастар тәрбиелейміз.Сабақтың көрнекілігі: интерактивті тақта, слайдтар, тас,күміс,алтын қақпалар. алтын сандықша.

Сабақтың түрі: Жарыс

Сабақ барысы:

Жүргізуші: Құрметті ұстаздар, қонақтар, оқушылар! «Алтын қақпа» зияткерлік ойынымызға қош келдіңіздер! Бақ пен бап сыналар бұл жарысқа қатысып отырған оқушыларға сәт сапар тілейміз.

Жүргізуші:

Ұлы Абай атамыздың «Адам ата – анадан туғанда есті болмайды, естіп, көріп, ұстап, татып есейе жақсы – жаманды таниды. Сондайдан білгені, көргені, тоқығаны көп болған адам білімді болады»- деген нақыл сөзін ескере отырып, ойынымызды бастайық.

Жүргізуші:

Бүгінгі «Алтын қақпа» зияткерлік ойынына қатысушы оқушылар!«Тіл ұстарту жұмыстарында оқушылардың шығармашылығын арттыру» тақырыбындағы қазақ тілі мен әдебиет пән бірлестігінің он күндік аясында жарыс өткізбекпіз

- Енді сіздерді ойынның шартымен таныстыра кетейін. Ойын үш кезеңнен тұрады. І кезең «Тасқақпа», ІІ кезең «Күмісқақпа», ІІІ кезең – «Алтын қақпа» шешуші кезең- «Алтын сандық» деп аталады. Сұрақтар салмағы әр кезеңнің атауына байланысты болады. Мысалы «Тасқақпада» сұрақ сәл жеңілдеу болса, «Күмісқақпада» сұрақтар алдыңғы кезеңге қарағанда күрделене, қиындай түседі. «Алтын қақпаның» сұрақтары болса, алдыңғы екі қақпаның да сұрақтарынан салмақты, алтындай бағалы болады. Берілген тапсырма сұрақтарға дұрыс жауап берілген жағдайда қақпа ашылады. Үш қақпа ашылған соң «Алтын сандықты» ашу керексіздер. - Ойынның шарты түсінікті ме? Олай болса жарысымызды бастайық.

Жүргізуші: Қазір мен тас қақпаны ашып,қақпада берілген сұрақтарды сендерге таратып беремін.Сұрақтардың жауабын білсеңіз, жауап бере беруге болады. Уақыт беріледі

Жүргізуші: І кезең «Тасқақпа» сұрақтары:

Бес асыл талап, еңбек, терең ой, қанағат, рақым

Бес дұшпан өтірік ,өсек, мақтаншақ, еріншек, бекер мал шашпақ

Бес қару қылыш, айбалта, найза, шоқпар, садақ.

Қонақтың түрлерін атаңдар. Арнайы қонақ, Құдайы қонақ. Қыдырма қонақ. Қылқыма қонақ. Құтты қонақ. Ерулікті қонақ.

Жүргізуші: Қонақтардың түрлеріне түсінік беріп кетейін.

Арнайы қонақ. Ол – әдейі шақырылған ағайын-туыс, дос-жаран, көрші-қолаң, құда-құдағи, сыйлы, құрметті кісілер. Құдайы қонақ. Бұлар – шалғай елден, алыс жерден жолаушылап жүріп сапарында көлігі болдырып немесе жолдан адасып, шаршап, тынығу үшін қонған тосын, бөгде қонақ. Қыдырма қонақ. Үйден-үйді, ауылдан-ауылды кезіп, ерігіп желіккен, үлкенге сәлемшіл, кішіге баташыл, әжені аялап, жеңгені паналап, ағаға жол, ініге жел бергіш «кіріп-шық» кезбе қонақтарды осылай атайды.

Қылқыма қонақ. Ол– ауыл ішіндегі, үй аралығындағы түтіні түзу шыққан үйді торып, құлқынын тойдыру үшін қолына тигенін, аузына түскенін қылқытып жалмай беретін ашқарақ, ар мен ұятты белге буған тойымсыз, қонақ. Құтты қонақ. Қазақ халқында: «Құтты қонақ келсе, қой…