Альберт Эйнштейн туралы қазақ тілі таныстырылымы 7 сынып

Альберт Эйнштейн – көрнекті физик-теоретик

Ұлы физик Альберт Эйнштейн 1879 жылы 14 наурызда Оңтүстік Германия қаласы Ульмада , бай емес, еврей отбасында дүниеге келді .

Оның ата-анасы ұлы тумастан үш жыл бұрын , 1876 жылы 8 тамызда үйленген . Әкесі Герман Эйнштейн (1847-1902), бұл уақытта матрастар мен құс төсектерге құс жүнін толтыру өндірісі бойынша шағын кәсіпорынның бірге иеленушісі болды . Анасы Паулина Эйнштейн (1858-1920), дәулетті жүгері саудагері Юлиус Дерцбахер (1842 ж. тегін Кохқа ауыстырды ) және Йетты Бернхаймер отбасынан шыққан . 1880 ж. жазда отбасы Мюнхенге көшеді , онда Герман Эйнштейн бауыры Якобпен электр жабдығын сататын шағын фирманың негізін салды . Мюнхенде қарындасы Альберта Мария (1881-1951) дүниеге келді

Алғашқы білімін Мюнхендегі католиктік шіркеуде алды . Бұл мектепте оған барынша діни түсініктерді таңуға тырысса да, оның кейін ғылыми кітаптарға ынтызары ауып , ақыры ғылым жолына бет бұрады .

Гимназияда оқып жүрген кезде , Альберт қиын оқушылар қатарына жатқызылып , оның тәртібі туралы мұғалімдер арасында көп әңгіме жүрді . Мұғалімдермен пікірталастыруға бейім тұратын ол математика мен латын тілі пәнінен басқа сабақтарға салғырт қарап , жеткілікті деңгейде көңіл бөлмей оқыған .

Осылайша , болашақ ғалым 1895 жылы Цюрихтегі Политехникумге оқуға түсуге әрекет жасап көреді . Дегенмен , сол жолы бағы жанбай қалып , оқу табалдырығын аттай алмайды . Келесі жылы қайта бағын сынап , сол жерде білім алуға кіріседі . Ғылым мен техникаға бейім Альбертке бұл жер әлбетте , ұнады . Білім ала жүріп , осы оқу орнында өзінің болашақ жары Марич Милевамен танысады .

Оқуын аяқтаған соң , Альберт біраз уақыт бойы тұрақты жұмыс орнын таба алмай әуреге түссе де, өзінің ғылыми ізденістерін тоқтатпай , жалғастыра береді . Осылайша , 1901 жылы өзінің алғашқы " Капилярлылық теориясының салдары " атты мақаласын жариялайды . Тура төрт жылдан соң , 1905 жылы барлығымызға аян салыстырмалылық теориясы жұртшылыққа таныстырылады . Осы жылы Эйнштейннің 3 атышулы мақаласы жарық көреді . Бұл теория ол кезде " арнайы салыстырмалылық теориясы " деп аталған еді . 10 жыл өткен соң , жалпы салыстырмалылық теориясы пайда болып , барлығымызға белгілі күйге енді . Басқаша айтсақ , осы жылдары Энштейн бүкіл ғылымды дүр сілкіндіріп , теориялық физиканың жаңа дәуірін бастап берді .

1921 жылы ғалым Нобель сыйлығына ие болады . Гитлер билік басына келгеннен кейін , 1933 жылы Германиядан біржола кетіп , АҚШ- қа көшеді . Екінші дүниежүзілік соғыс аяқталған соң , Эйнштейн бейбітшілікті көп насихаттауға бет бұрып , өмірінің соңын осы АҚШ-та өткізіп , сол жерде дүние салады .

Оны білетін жұрт өте кішіпейіл , жайдары жан болғандығын айтады . Өте абыройлы ғалым болса да, өзінің де қателесуі мүмкін екендігін әрдайым мойындап , диалогтан еш қашпаған .

Асқар Серқұлұлы Жұмаділдаев