Әлем картасындағы Қазақстанның орны, 11 сынып

Қысқа мерзімді жоспар

Күні:10.02.2020

Сынып:11

Мұғалімнің аты-жөні: Спабекова Карлығаш

Мектебі: Абай атындағы мектеп-лицей

Қатысқандар саны: 30

Қатыспағандар саны:-

Сабақтың тақырыбы

Әлем картасындағы Қазақстанның орны

Осы сабақта қол жеткізілетін оқу мақсаттары (оқу бағдарламасына сәйкес)

11.6.1.3 - Қазақстан Республикасының физикалық-географиялық, тарихи-географиялық, саяси-географиялық және геосаяси аймақтарында орналасуын анықтау;

Сабақтың мақсаттары

Барлығы: Қазақстан Республикасының физикалық-географиялық, тарихи-географиялық, саяси-географиялық және геосаяси аймақтарында орналасуын анықтайды және картамен жұмыс жасайды.

Басым бөлігі: Қазақстан Республикасы дүниежүзінде алдыңғы орындарға ие болатын минералды ресурстарды жіктейді және графиктік сызба құрастырады.

Кейбірі: Географиялық өңірлер картасындағы Қазақстан Республикасының өзгеруін түсінеді және өмірмен байланыстырып, мысалдар келтіреді.

Бағалау критерийі

Дүниежүзілік саяси картадағы Қазақстанның физикалық-географиялық, тарихи-географиялық, саяси-географиялық орнын анықтайды, оның басты ерекшеліктерін сипаттайды;

Қазақстан аумағында кездесетін минералды ресурстарды атайды және жіктейді;

Қазақстан экономикасының қарқынды дамуын анықтайды және оның себептерін түсіндіреді;

Әлем картасындағы Қазақстан Республикасының өзгеруін талдайды және өмірмен байланыстырып, мысалдар келтіреді.

Тілдік мақсаттар

Оқылым-айтылым: Оқулықта берілген мәтінді оқиды, топтар арасында ой бөліседі, Қазақстан Республикасының физикалық-географиялық, тарихи-географиялық, саяси-географиялық және геосаяси аймақтарында орналасуын анықтайды.

Тыңдалым-жазылым: Бейнебаяннан алған білімдерін және топтық пікірталастан алған мәліметтерді пайдаланып, графиктік сызба жұмыстарын орындайды.

Пән бойынша сөздер мен терминдер: экономикалық кеңістік, табиғи-ресурстық әлеует, жалпы ішкі өнім, шетелдік инвестиция, экономикалық даму қарқыны.

Диалогқа арналған сөз тіркестері:

Қазақстан экономикасының қарқынды дамуы....

Қазақстанның саяси-географиялық орнын......

Дүниежүзілік экономикалық үдеріс.......

Құндылықтарға баулу

«Мәңгілік Ел» ұлттық идеясының «Қазақстанның Тәуелсіздігі және Астана» және «Ұлттық қауіпсіздік және еліміздің бүкіләлемдік,өңірлік мәселелелерді шешуге жаһандық тұрғыдан қатысуы» құндылықтарын насихаттай отырып, мемлекетіміздің белсенді,теңестірілген,сындарлы және жауапты ішкі саясатының басты мәнін ұғындыру және отанға деген сүйіспеншілікті қалыптастырып, білімді шығармашылық тұрғыда қолдана білу қабілетін дамыту

Пәнаралық байланыс

Тарих-Қазақстан экономикасының даму кезеңдерін біледі.

Қоғамтану- жалпы ішкі өнім, қоғаамдық еңбек бөлінісін анықтайды.

Информатика-ғаламтор мәліметтерін қолдануды біледі

Алдыңғы білім

Қазақстан аймақтарының экономикалық даму әлеуеті

Жоспар

Жоспарланған сабақ кезеңі

Сабақтағы жоспарланған іс-шаралар

Ресурстар

Сабақтың басы

7 мин

- Оқушылармен сәлемдесу және түгендеу.

- Сыныпта психологиялық жағымды ахуал қалыптастыру:

«Бір жүрек » әдісі арқылы оқушылар бір-біріне жылулық, сенімділік білдіру үшін көршісіне жылы лебізін айтады.

- Сыныптағы оқушыларды топтастыру:

1-топ. Экономикалық кеңістік.

2-топ. Дүниежүзілік қауымдастық.

3-топ. Сыртқы саяси бағыт.

Алдыңғы білімді пысықтау: "Серпілген сауал" әдісі бойынша

оқушылар өткен сабаққа байланысты сұрақ-жауап жүргізеді (оқушыны жылдам әрі тұжырымды ойлауға дағдыландыру және құнды ой жинақтап, пікірін ашық айтады).Жаңа тақырыпқа қатысты жетелеу сұрақтарын қою арқылы оқушының алдыңғы білімін жинақтау.

Қазақстанның географиялық орны деген не?

«Жаһандану» терминінің ұғымын түсіндір.

Қазақстанның жаһандану үдерісіндегі орны қандай?

Оқулық, дәптер, сызба құралдары

Қима қағаздар

Сабақтың ортасы

28мин

«Әлем картасындағы Қазақстан» тақырыбында бейнебаяны көрсетіледі. «Бейнебаяннан кейінгі ой» әдісі арқылы жетелеу сұрақтарын қоя отырып, оқушылардың жаңа тақырып туралы ойын білу және сабақ мақсаттарымен таныстыру.

1 – тапсырма (топтық жұмыс). «Айналмалы бекет» әдісінде оқушыларға оқулықтағы мәтін бөлініп беріледі, мәтінді оқып, топ ішінде талқылайды, Қазақстан Республикасының физикалық-географиялық, тарихи-географиялық, саяси-географиялық және геосаяси аймақтарында орналасуын анықтайды және картамен жұмыс жасайды.

1-топ. Экономикалық кеңістік – Қазақстан Республикасының әлемдік экономикалық кеңістіктегі рөлі.

2-топ. Дүниежүзілік қауымдастық –Қазақстанның дүниежүзілік қауымдастық елдерімен қарым-қатынасы.

3-топ. Сыртқы саяси бағыт – Қазақстанның сыртқы саяси бағыты.

Дескриптор