Әлемнің жарығын сыйладың сен маған сценарийі 7 сынып

Тақырыбы: «Әлемнің жарығын сыйладың сен маған...» Мақсаты:Ананың бойындағы ізгі қасиеттерді оқушыларға сездіру;оқушылардың өз анасына,барлық аналарға деген құрмет сезімін ұштап,оларға қамқор болуға тәрбиелеу. Көрнекілік: слайд,диапроектор,интерактивті тақта,музыка,аппликация т.б. Өтілу барысы: І.Ұйымдастыру кзеңі

1. Қонақтарды қарсы алу. 2. Мектеп директорының кіріспе сөзі ІІ. Негізгі бөлім. 1-ші жүргізуші : «Ана туралы ән» әні жай орындалып тұрады.

Қар астынан қылтиып бәйшешек бой көтергенде, көктемнің алғашқы хабаршысындай болып - Аналар мерекесі келеді. Бәйшешек нәзіктігіне қарамастан, қалың қардың астынан бүршік жара біздің асыл аналарымызда, соншалықты нәзіктігіне қарамастан, барлық қиындық атаулыға төзімді.

Слайд №1-3 Аналар көктемгі күндей жарқырап, гүлдей құлпырған гүл мерекелеріңіз, күн мерекелеріңіз құтты болсын!

Құрметті аналар, қыз- қызғалдақтар, қадірлі ұстаздар! Баршаңызға көктем мерекесі құтты болсын! Сіздердің құрметтеріңізге арналған «Әлемнің жарығын сыйладың сен маған..» атты кешімізді бастауға рұқсат етіңіздер!

Слайд аналар туралы № 4-14

2. Жүргізуші: слайд №15 Сіздерден өскен балалар- Батырлар мен даналар- Құттықтаймыз мейраммен Құрметті біздің аналар!

Жансаяның орындауындағы ән сіздердің құрметтеріңізге құрметті аналар! 1-ші жүргізуші: Шуақты көктем келді гүлін алып Көктемнің мерекесі бүгін анық, Өмірдің көктемі де , гүлі - аналар, «Ана » деп бас иеді күллі халық. 2- жүргізуші: Ана – бала, бала- ана – бір ұғым, Бір- бірінсіз жоқ олардың бақыты. Ана- бала, бала – ана, әрдайы Бірге жүрсін, бірге көрсін шаттықты.

1-ші жүргізуші: Құрметті аналар! Бүгінгі мерекеге сіздердің тәрбиелеп, жеткізіп, өмірде өз орындарын дұрыс тауып, қазіргі кезде әр салада қызмет атқарып жүрген балаларыңыз қатысып отыр. Сіздердің балаларыңыз болса бізге де бөтен емес, себебі олар осы мектептің әр жылғы түлектері. Мектеп қабырғасынан ұшып, жоғарғы оқу орнын тәмәмдап, қазіргі кезде әр салада қызмет атқарып, көбісі үйлі- баранды болып, өздері ата- ана атанып отырған жайлары бар. Сіздерге Құрметті түлектер, алтын ұя метептеріңізге қош келдіңіздер дейміз!

Слайд түлектер туралы №6-26

Ақмаралдың орындауындағы сіздерге арналған келесі әнді қабыл алыңыздар.

2-ші жүргізуші : Ұрпақтарға бақыт жолын аңсаған Тілейтүғын сырттай жүріп бақ саған Тіршіліктің тынысы мен ажары, Ана- деген, теңдесі жоқ, жақсы- Адам!

1-ші жүргізуші: Бүгінгі біздің кешке журналист келген екен, сол кісіге сөз кезегін берейік.

Журналист: Құрметті аналар, қонақтар, кешке қатысушылар, мерекелеріңіз құтты болсын! Мен сіздердің осы мерекелік кештеріңізге қатысып, сұхбаттысып, баспа бетіне мақала жазбақ едім.

Аналарға сұрақтар: 1. Бала тәрбиесінде ең бірінші орынға нені қоясыздар? 2. Қазіргі кездегі жастарға көңіліңіз тола ма? 3. Әже атану, әже болу қиын ба? Сіз қандай әжесіз? 4. Немерелеріңіздің тәрбиесіне араласасыздарма? 5. Сіздер бақыттысыздар ма?

Мардан Асқарұлының орындауындағы ән аналарға арналады

2-ші жүргізуші: слайд -28 Кең жазира, ұланғайыр даласың, Данышпансың, ақылғойсің, данасың. Арқалап үш апарсам да Меккеге, Қарызымды өтей алман , Анашым- дей отырып сөз тізгінін түлектерімізге береміз.