Әлемнің жарығын сыйладың сен маған тәрбие сағаты

Тақырыбы:Әлемнің жарығын ,сыйладың сен маған.

Мақсаты:Халықаралық аналар мерекесі қарсаңындағы ана мен балаға деген қамқорлық,қоғамдағы ананың орны,ананы,ұстаз аналарды құрметтеп сыйлай білуге баулу,анасының еңбегін бағалап құрметтеуге,ардақтауға тәрбиелеу,ой –өрісін,тіл байлығын ,сөздік қорын дамыту.

Барысы:І Ұйымдастыру кезеңі

І жүргізуші :Той пердесін ашайық

Тойға шашу шашайық

Аналарды құрметтеп

Ән-күйден сый жасайық

Ән: «Ана туралы жыр»

«Жер бетіндегі жақсылық,ізгілік,қайырымдылық атаулының бәрі де ананың ақ сүтінен тарайды», деп Елбасымыз Н.Ә.Назарбаев айтқандай,адам бойындағы барлық жақсы қасиет күннің нұрынан, ананың ақ сүтінен таралған.Бүгін аналардың, әпкелердің қыздардың мерекесі.

8-наурыз Халықаралық әйелдер күні мерекесімен құттықтай отырып,дендеріңізге саулық,құт береке тілеймін.

ІІ жүргізуші: Ана... Ана... Ана...!!! Не деген мейірімді,не деген шапағатты сөз еді. Осынау үш әріптен құралған қасиетті сөздің түп төркінінде қаншама ұлы сезім жатыр десеңші. Сезім мен қасиетті,бар махаббат пен шапағатты сидырып тұрған ана сезімін қадірлемейтін жан бар ма?!Жақсылық атаулының барлығы ананың ақ сүтінен жаралған.Олай болса алғашқы сөзімді аналардың анасы әжелерге,аналарға және аналардың көмекшілері апаларымызбен сіңлілерімізге,гүлдей жайнаған сұлу қыздарымызға арнаймыз.Күлімдеген күніміз жер бетіне молынан шуағын шашып,тіршілік ояна бастаған кезде Аналар мерекесі тойланады.

Дәрия:Ана деген - адамзаттың данасы

Ана деген- сәбилердің панасы

Ана деген – жарық жұлдыз шырағың,

Ана деген- қайнар ыстық бұлағың

Ана деген- өмірдегі қамқорың

Ана деген- сүйенерің,жан құрбың.

Бекарыс: Армысыздар елімнің асылдары

Жайнасын көңілдердің жасыл бағы.

Сендер үшін ән мен күй,өлең мен би.

Сендер үшін мереке шашулары

Жігер:Ана-жұмақ,мен шуақ,саябағы,

Ана- шырақ, мен сұрақ санадағы.

Ана –теңіз, мен қайық тербетілген,

Ана –бұлақ,мен құрақ жағадағы.

Эльдар: Ана десем шешек атып жанары,

Өмірімнің бастау алар жаңа әні

Ана деген тіршілікте пана боп,

Әрбір үйде жұлдыз болып жанады.

Аңсаған:Таусылмайды өлеңі

Күнде айтып береді

Барған сайын бір жаққа,

Кәмпит алып келеді.

Әжем мені өйткені

Өте жақсы көреді.

Ән: «Асыл әжем»

Дәрия: Өзіңсің,сүйікті ана құдіретім,

Жанымды жадыратып күлдіретін

Сендегі маған деген махаббатты,

Нұр толы қос жанарың білдіреді.

Арулар,аяулылар,ардақтылар

Өмірдің жылуы боп қалмақ бұлар

Арулар тіршілікке күре тамыр

Өмірді бір-біріне жалғап тұрар.

Жанерке:Бала,бала,бала деп

Түнде шошып оянған