Әлеуметтік желілердің жасөспірімдерге әсері туралы мақала

Әлеуметтік желілердің жасөспірімдерге әсері

Қазіргі таңда цифрлық технологиялардың дамуы нәтижесінде әлеуметтік желілер адам өмірінің бір маңызды бөлшегіне айналды.Әсіресе,жастар үшін үшін бұл платформалар тек байланыс құралы ғана емес,сонымен қатар өзін-өзі таныту,ақпарат алу және уақытты бос өткізу болып отыр.Алайда,бұл желілердің екі түрлі әсері бар:бір жағынан,әлеуметтік желілер білім мен даму көзі ретінде пайдалы болса,екінші жағынан,олар психологиялық және барлық әлеуметтік мәселелерге себеп болуы мүмкін.

Жасөспірімдерр әлеуметтік желілер арқылы әртүрлі мәдени,ғылыми,шығармашылық мазмұндағы ақпараттарға еркін қол жеткізе алады десек те болады.Бұд олардың ой-өрісін кеңейтіп,жаңа ақпарат пен білім алуға деген ынтасын арттырады.Сонымен қатар,әлеуметтік желілер өзіндік көзқарастыы білдіру,жеке пікірін ашық айту және шығармашылық қабілетін көрсету үшін де үлкен мүмкіндік береді.Мысалы,көптеген жасөспірімдер блог түсіру,немесе өлең,сурет сияқты туындыларын жариялау арқылы қоғаммен байланыс орнатып,өз ортасын таба алады.

Әлеуметтік желілер біраз жастардың дамып,кәсіп бастауларына да алып келуде.Мысалы,SMM,контент жасау,мобилография,графикалық дизайн секілді салалар арқылы өздерінің алғашқы тәжірибелерін жинауда.Және бұл қуантарлық жағдай.Себебі ,бұл болашақта өз қабілеттерін ерте тануға,кәсіби бағыт таңдауға көмектеседі.Сонымен қатар, кейбір жастарымыз қайырымдылық акцияларына да қатысып,волонтерлік бастамаларды желі арқылы насихаттайды.

Алайда әлеуметтік желінің кері,жағымсыз тұстары да аз емес.Жасөспірімдер бар уақытын экран алдына жұмсап,шынайы өмірдегі қарым-қатынастан алшақтап жатады.Сонымен бірге,интернет желілеріндегі “мінсіз” өмір көріністері мен тартымды видеолар жастардың өзін-өзі бағалауына әсерін тигізуі мүмкін.Олар өздерін басқалармен салыстырып,сенімсіздікке бой алдыруы мүмкін.Бұған қоса,кибербуллинг,интернет қауіпсіздігінің болмауы,жалған ақпараттардың таралуы сияқты факторлар жасөспірімдерің психологиясына зиян келтіреді.Әсіресе дәл сол санасы қалыптасу кезеңдерінде,кез келген теріс пікірлер мен ойлар олардың ішкі жан дүние күйзелістеріне әсерлерін тигізіп,соққы болуы мүмкін.

Ғылыми зерттеулерге сүйенетін болсақ,ғаламтор мен көптеген сайттардың шектен тыс пайдаланылуы жасөспірімдер арасында күйзеліс,ұйқы мен тамақ режимінің бұзылуы,әлсіздік,әлеуметтік бейімделудің төмендеуіне әкелуде.Бұл - ата-ана мен педагогтар үшін ескертетін аса маңызды жайт.

Қорытындылай келе,әлеуметтік желілер-заман талабы.Бірақ, оны қалай пайдалану керектігі-ең басты мәселе.Жасөспірімдер бұл құралды мақсатпен,саналы түрде және шектеумен қолданса ғана,ол дамуға,тұлғалық өсуге алып келеді.Сондықтан қоғамның,отбасының,және білім беру мекемелерінің басты міндеті-жастарға бұл құралды дұрыс және пайдалы бағытта қолдануға үйрету.