Әлеуметтік желінің жасөспірімдерге әсері туралы мақала

Әлеуметтік желілердің жасөспірімдерге әсері

Қазіргі таңда әлеуметтік желілер адам өмірінің ажырамас бөлігіне айналды. Әсіресе, соңғы жылдары әлеуметтік желілер жасөспірімдердің өміріне тікелей әсер етеді. 2023 жылғы Pew Research Center ұйымының деректеріне сүйінсек, 13-17 жас аралығындағы жасөспірімдердің 95%-ы күн сайын әлеуметтік желілерді пайдаланады. Бұл құрал арқылы білім алуға, қарым-қатынас орнатуға және шығармашылық танытуға мүмкіндік бар. Бірақ әлеуметтік желілердің пайдасы бар болғанымен, зияны да жоқ емес.

Әлеуметтік желілір ақпараттық қолжетімділікті қамтамасыз етеді. Жасөспірімдер тез әрі қолайлы түрде білім алу мүмкіндігіне ие болады. UNICEFF мәліметтері бойынша , әлеуметтік желілер заманауи технологиялармен жұмыс жасауға және оқуға қосымша мотивация береді. Мысалы, Ted, Khan Academy немесе Dualingo секілді ресурстардан білім алып, түрлі онлайн курстарға қатыса алады.

Әлеуметтік желілер жасөспірімдердің коммунакациялық қабілеттерін дамытуға ықпал етеді. Олар интернет арқылы түрлі елдердегі құрдастарымен сөйлесіп, тіл үйреніп, өз ойын жеткізі қабілетін арттырады.

Жасөспірімдер интернеи ресурстарын қолдану кезіндн шығармашылық тұстарын жетілдіреді. Фото, видео және пост салу жас ұрпақтын креативтілігін дамытады. Сондай платформаларға ең көп таралған Instagram мен Tik Tok кіреді.

Көптеген адамдар әлеуметтік желілер жасөспірімдердің өмірге қанағаттануына теріс әсер етеді деп есептеуге үйренген. Бірақ Oxford зерттеушілері зерттеу жұмыстарын жүргізіп, бұл ойды теріске шығарды. 8- жылдық зерттеуге 10-15 жас аралығындағы 12 мың британдық жасөспірім қатысты . Нәтижесінде, “жасөспірімдердің өмірге қанағаттануына отбасындағы қарым- қатыныс, достары және мектептегі орта әсер етеді, ал әлеуметтік желілердің бұл мәселеге қатысы жоқ” деген пікірге келді [1].

Жағымды жақтарымен қатар, зияны да жүреді. Статистикаға сүйінсек, жастардың 49,2% әлеуметтік желіні күнделікті, 19,7% аптасына бір рет тексереді[2]. Ол дегеніміз жасөспірімдер интернетте көп уақыт өткізеді, ал бұл өз кезегінде психологиялық қысымға себеп болуы мүмкін. Лайк пен пікір санауға деген тәуелділік, өзін басқалармен салыстыру және интернеттегі қорлау сияқты мәселелер стресске, өзін-өзк бағалаудың төмендеуіне әкелуі мүмкін. 15 пен 24 жас аралығындағы жастардың 70% кибербуллингке тап болады[3]. Сол себепті қазіргі жастарда психологиялық денсаулықпен проблемалары туындайды.