Әлеуметтік желіні қолдану және тәуелділіктен сақтану

Өркениет және жас ұрпақ

ҚОЛДАНАЙЫҚ, БІРАҚ ТӘУЕЛДІ БОЛМАЙЫҚ

Уақыт алға озған сайын адам баласының әлеуметтік желілерге тәуелділігі артуда. Бүгінгі таңда әлем халқының 57 пайызы интернет арқылы, оның ішінде әлеуметтік желілерде сөйлескенді ұнатады. Соңғы жылдардағы статистика мәліметтері отыз жасқа дейінгі адамдардың 50 пайызы, жиырма жасқа дейінгі жастардың 96 пайызы әңгімелесу үшін әлеуметтік желілерді тұрақты қолданатынын көрсетіп отыр. Олардың арасында мектеп оқушыларының саны жылдан жылға өсіп бара жатыр.

Тиынның екі жағы бар дегендей, әлеуметтік желінің адамдар арасындағы қарым-қатынасқа тигізетін оң және кері әсерлері бар екені анық. Алдымен оның пайдалы жағына тоқталмақшымыз. Әлеуметтік желілерді тұрақты қолданатын адамдар қарым – қатынас жасаудың арзан әрі тиімді жолына қол жеткізгендер болып саналады. Олар қоғамда болып жатқан жаңалықтардан дер кезінде хабардар болып жүреді, қажеттілік туындаған кезде өзгелермен тез байланысып, жедел ақпарат алысу мүмкіндігіне ие болады. Таныстары көбейіп, олардың арасында көзқарасы, пікірлері үндесетіндермен достасып үлгереді. Бұған олардың әлемнің қайсы бұрышында тұрып жатқандығы кедергі бола алмайды. Басқасын айтпағанда әлеуметтік желілер арқылы танысып, отау құрып жатқандар да аз емес. Бір сөзбен айтқанда, әлеуметтік желілер адамның физиологиялық қажеттіліктерін өтеудің бірден бір құралына айналып, адам баласын өзіне тәуелділікке алып келді.

Әлеуметтік желілердің түрі көбеюде. Олардың арасында Facebook ең танымал желілердің бірі болып табылады. Қолыма түскен соңғы статистикалық мәліметтер ғаламның 350 миллион адамы міне осы желіге тәулігіне 6 сағаттан көп уақытын бөлетінін көрсетеді. Осылайша тәуелділік синдромы уақыт өткен сайын ұлғаюда. Вконтакте желісі Қазақстан, Ресей, Белорус, Украина елдеріне кеңнен танымал. Ғалымдардың анықтауынша соңғы жылдары осы желіні 175 миллионнан аса адам қолданады, олар желіге тәуліктің тең жартысын арнап, 12 сағат отырады екен. Өйткені бұл желіде соңғы жаңалықтармен танысумен бірге музыка тыңдайды, кино көреді. Бір қарағанда бұлардың барлығы дұрыс.

Бірақ, әлеуметтік желілердің негізгі және тұрақты қолданушысы болудың пайдасынан зияны көп,- дегенді ескертеді ғалымдар. Оксфорд университетінің профессоры Сьюзан Гринфилдтің пікірінше әлеуметтік желілерге тәуелді болып қалғандардың отбасылық қарым-қатынасы да бұзылады. Олар шынайы өмірдегі адамдармен қатынас жасауды емес, интернет…