Алғашқы қоңырау мерекесіне арналған сценарий

“Сәлем саған, алтын ұя мектебім!”

Фанфары

1-жүргізуші:

Ассалаумағалейкум, қадірлі ата-аналар мен қонақтар!

2-жүргізуші:

Қайырлы күн, құрметті ұстаздар мен дарынды шәкірттер!

1-жүргізуші:

Өмірдің бейбіт бағы бұл,

Асудан асып асқарлы.

Мінекей достар тағы бір,

Жаңа оқу жылы басталды.

2-жүргізуші:

Мектеп қой Еліміздің қаны, жаны,

Мектептен басталады бәрі-бәрі.

Бүгінгі салтанатты жиынында,

Шырқалсын Қазақстан әнұраны!

(Әнұран орындалады.)

1- жүргізуші: Құрметті ұстаздар мен ата-аналар, дарынды шәкірттер. Міне бүгін қызығы мен қиыншылығы мол, әр оқу жылы қайталанбас тарихқа толы мектептің мерекесі, оқушылардың сыныптан-сыныпқа көшіп, асыға күткен мерекесі 2018-2019 оқу жылын қарсы алуға арналған “ Сәлем саған, алтын ұя мектебім!”атты білім күніне арналған мерекелік шарамызды ашық деп жариялаймыз.

( туш) музыка 2-жүргізуші: 30-тамыз Конституция күні.. Конституция – мемлекетіміздің мызғымас алтын қазығы, бірлігі мен ынтымағы жарасқан елдігіміздің бұлжымас бағдары, кемел келешегіміздің кепілі. Әрбір азаматы өзіне тең сезінетін, татулығы жарасқан қазақ елінің, Қазақстан халқының қарымды істері бүгінде әлем жұртщылығы үшін үлгі-өнегеге айналды.

1-жүргізуші: Қазақстанды, қазақты достықтың киелі шаңырағына теңесек,түрлі этностар оның алтын арайлы уықтары іспеттес.

2-жүргізуші: «Мектеп – кеме, білім - теңіз» десек, сол білім теңізінде шұғылалы сәуле шашып, нұр құятын – мектеп. Осы нұрлы кемеміздің биыл 7 сыныбына сергек ойлы, сезімтал дарыны бар, жаңалыққа жаны құмар шәкірттерімізге қош келіпсіздер, - дейміз!

7 сынып оқушылары: Хормен «Сәлем саған, алтын ұя мектебім!»

1- жүргізуші: Біліммен асып-тасайық..

Тілеуін берсін көп- көптен!

Тілекпен оны ашайық ,

Есігін енді мектептің.

Бүгінгі салтанатты жиынымызды ашып беру үшін мектебіміздің директоры Құрбанбаев Күмісбек Әбиұлына сөз береміз.

( туш) музыка 2-жүргізуші: Жәй шәкірт едің кеше сен

Ойынның жағын айырған

Дарын болдың сен бүгін,

Құтты болсын қадамың!

Екінші үйің енді бұл,

Оң аяқпен қадам бас

Бақыттысың дәл бүгін

Дарынды болғын мәңгі жас.

1- жүргізуші:

Шаттықпен шалқып толғана Ой толқытқан жүрегін Өмірге алмақ жолдама Сыр шертсін енді түлегің,- құрметті жас шәкірттер сөз кезегі өздеріңде.

7 сынып оқушылары

1 оқушы

- Қайырлы күн, құрметті ұстаздар мен дарынды аға-әпкелер! Біз бүгін осы мектеп табалдырығын аттағанымызға шексіз бақыттымыз. Дарындылығымен дараланып, үздік білім көрсетіп «Дарынға» қабылданған оқушының атынан 1 қыркүйек – Білім күні мерекесімен және Қазақстан Халқы Ассамблеясының,Конституцияның 20 жылдығымен шын жүректен құттықтауға рұқсат етіңіздер.

2 оқушы

Туған елім,

Құдіретімсің аңсаған,

Алдан жарқын күн шыққанша,

Кескініңді көрмейінші шаршаған.

Пасық ойлар тұншыққанша

Дулығаны қақ жарып гүл шыққанша,

Жер астынан қарап жатам мен саған.

3 оқушы

Біз жас ұлан – Отан өлкені,

Үміт атқан болашағы ертеңі.

Туған елдің даңқын көкке өрлетіп,

Гүлге бөлеп жасартамыз өлкені.

Біз намыскер – Қазақ елі ұланымыз,

Қорғайтын Жерді Отан қыранымыз.

«Талап, Еңбек, Терең ой, Қанағат қыл,

Рақым ет»- дер Абай айтқан ұранымыз.

4 оқушы

Қазақстан! Туды алтын дәуірің,

Алғандайсың жұлдыздардың жарығын.

Алтын заңың құтты болсын, қымбаттым,

Туған күнің құтты болсын, Алыбым.

5 оқушы

Тәуелсіздік – тірлігімнің айғағы,

Татулығым – бірлігімнің айғағы.

Сөгілмесе еліміздің іргесі,

Әлде де бар ұрпағымның арманы.

Бейбіт өмір тілеймін мен халқыма,

Туған тілім шұбарланба, жарқыра!

Тарихымда таланттылар көбейсін,

Бас иемін ата-баба рухына.

6 оқушы

Ортақ мекен жер шары,

Төбемізде бір аспан.

Барлық ұлттың баласы,

Достығымыз жарасқан.

Ортақ бізге бір Отан,

Ортақ жердің байлығы.

Еңбек ортақ, жыр ортақ,

Ортақ бізге барлығы.

7 оқушы. Құрметті жас шәкірттер! Еліміздің патриоты болайық! Отанымыздың арқа сүйер азаматы болайық! Отан қорғауға әрқашан дайын болайық. Отан – біздің ақ бесігіміз. Сондықтан оны анамыздай сүйейік!

Хормен: ЖАСА, ЖАСА ҚАЗАҚСТАН!

ЖАСА МЕНІҢ ОТАНЫМ!

Ән:

1- жүргізуші:

Елді бүгін қарасам, Айналам бақыт кең жатыр. Бірімен – бірі туысқан. Қол ұстасқан ел жатыр Қырғыз, қазақ, Өзбектер Армян, түрік, грузин. Орыс пенен Украин Терезесі тең жатыр, Алатау Кавказ ұласып Баурайы бұйрат кең жатыр. Бақыттың әні асқақтап Құлаққа даусы кеп жатыр-дей отырып түрлі ұлт өкілдерінің биін тамашалаңыздар.

Би:

2-жүргізуші: Талапты бала-талпынған құстай,