Алғашқы сөзім – ана ертеңгілігінің сценарийі

«Алғашқы сөзім –ана» атты ертеңгілі.

Ақтөбе қаласы,

№22 « Балдырған »МДҰ

тәрбиешісі Аманбаева Айшат Бугыбаевна.

Жүргізуші: -Құрметті аналар, әжелер, апайлар, балалар бүгін біз 8-наурыз мерекесіне жиналып отырмыз. Халықаралық әйел-қыздар мерекесі құтты болсын! Отбасымызға құт береке, бірлік, дендеріңізге саулық тілейміз. Бұл көктемнің алғашқы мерекесі. Жер бетіне өмір сыйлаушы нәзік, ақылды, сымбатты, мейірімді жандарға арналған тамаша мереке.

1-бала Құрметтейік балалар аналарды

Бізді өмірге әкелген даналарды

Себебі ана деген асыл жан ғой

Ойлауменен істелік әр қадамды.

Аналар мейрамдарыңыз құтты болсын!

2-бала Армысыздар аяулы аналар!

Армысыздар мейірімді әжелер!

Армысыздар қызғалдақтай құлпырған қыздар!

Ана десем сезім билер тым ыстық,

Жарасады адамдарға туыстық.

Бар адамға берсе ананың мейірімін,

Орнар еді бар әлемде тыныштық.

Жүргізуші: Туғаннан «құлыным»деп аймалаған,

Өзіңнен қымбат адам қайда маған.

Дүние аналармаен көрікті ғой,

Онзыз бір бұлбұл да сайрамаған.

Ән: «Ақ дидарлы анашым»

4-бала Аяулы да алтын нұрлы анашым

Жүрегімнен мәңгі бірге боласың

Сен арқарсың, сен аспансың, биіксің

Сен дархансың сен жомартсың данасың

5-бала Бүгінгі көктем күнінде,

Барлық адам қуанар,

Аналарды мейраммен

Құттықтайды балалар.

6-бала Мерекеңізбен құттықтаймын.

Айтатын әнім, беретін гүлім бар.

Әжетай, сені жақсы көремін-деп.

Ақырын құлағына сыбырлаймын.

7-бала Еркелесем күлімдейтін,

Ұрысқаны білінбейтін

Маңдайымнан иіскеп менің,

Құлыншағым, күінм дейтін

Жүреді олар арман боп,

Тұрады олар маржан боп,

Балалары бақытты,

Аналарда арман жоқ

БИ: "КӨҢІЛДІ БАЛАЛАР"

Көрініс: «Өз анаңнан артық жан жоқ»

Жүргізуші: Ертеде ме, бүгін бе,

Болыпты бір оқиға.

Өте қызық өзі де

Салайын оны ортаға

Балалар: Айтыңызшы, қазір айтыңыз.

Жүргізуші: Мұнда бірақ бір ой бар

Сендерге болсын бұл сабақ

Өкпе арту жарамас

Ешкімге ол жараспас

Көрініс басталады. Әкесі креслода газет оқып, әжесі жүн түтіп, анасы кір жуып, баласы машинамен ойнап отырады. Осы кезде анасының телефоны шырылдайды.

Анасы (телефонды алып): Сәлем, жаным Алтынай,

Халің қалай, қалақам-ай.

Үйге келіп кетесің бе?

Кешке дейін жетесің бе?

Үй жұмысын айтсаңшы,

Тамақ жасау, кір жуу,

Тірлік деген бітер ме?

Баласы (қолында кітап): Ойнаудан мен жалықтым

Ертегі оқып берерсіз?

Анасы: Тынышымды алмашы, әкеңе сен барсаңшы.

(баласы күрсінеді, телефондағы анасының әңгімесін естігісі келіп, телефонға жармасады. анасы оны кері итереді. )

Анасы: Көйлек алдым дейсің бе, Әдемі ме, кидің бе?

Белдігі мен бантигі, тігісі жақсы дейсің бе?

Сөз жоқ онда тамаша, ондай көйлек қашанда,

Алу маған арманда.

Баласы: Мүмкін бірге екеуміз, ойын ойнап көрерміз.

Анасы: Уақытым жоқ балашым, әкеңе айтшы, қарағым.

Баласы: әке маған қарашы, доп ойнашы менімен, киноға мені апаршы.

Әкесі: Бүгін өзің ойнай сал, футболға мен барамын.

Мүмкін ертең қаласаң, сенімен бірге ойнармын. (кетіп бара жатып...)

Ал серуендеу туралы, әпкең сенің Жайнаға айт.

Баласы: Жайна әпке, бүгін сен, сурет салып берерсің.

Жайна: Қазір міне бауырым, институтқа керек баруым. Кешке таныс жігітпен, киноға бірге барамын. Уақытым жоқ бір минут.

(залдан шығып кетеді. Бала бір өзі қалып, іші пысады)

Бала: Бір өзім қалдым, не істеймін?

Жүргізуші: Байыз тауып бір орында, отырғысы келмейді.

Қыдыртпады оны ешкім, әкесі мен анасы, әпкесі мен әжесі.

Аяңыздар баланы, сурет салып беріңіздер, кітап оқып көріңіздер,

Бірге ойын ойнаңыздар, білсеңіздер оның үйде, іші пысар жалғыздықтан.

(балаға қарап былай дейді)

-Үйде ешкім жоқ бала, не істеу керек мұндайда?

Бала: Ойланумен отырмын, не істерімді білмеймін.

Жүргізуші: менде қызық бір ой бар, мүмкін саған жаңадан, басқа ана іздерміз?

Бала: Жаңа ана іздеуге, мен дайынмын қазірден, ойласыншы ол менімен.

Жүргізуші: Біздің таныс жас бала

Іздеп келсін жаңа ана

Осы уақытта пайдаланып

Би билейік дөңгелеп

Жайқалған жасыл айнала

Келді айым көктемім

Күлімдеп күмбез көкте күн

Гүлдерден жұпар шашылды.

Әсем әуен мен көктем кіреді.

Көктем: (музыкамен көктем келеді)