Біз мектепке барамыз ертеңгілігінің сценарийі

Қызылорда облысы, Арал қаласы, №262 мектеп-гимназия жанындағы «Айгөлек» шағын орталық тәрбиешісі Қаныбетова Бибінұр

Ертеңгілік «Біз мектепке барамыз»

Жүргізуші:

Бұл оқу тамақ болар қарны ашқанда

Жол табар қараңғыда адасқанда,

Мал озбас біле білсең білім озар

Ақыры керек болар бір сасқанда, - деп Міржақып ақын айтпақшы тарыдай болып кіріп, ақыл-ойлары толысып, жақсы мен жаманды айыра білуді үйренген бүлдіршіндердің ұйымдастыра өткізгелі отырған «Біз мектепке барамыз» атты мерекесін бастауға рұқсат етпеңіздер.

Толқимыз, толқып тұрсыз баршаңызда,

Мұндай күй болған сірә қаншаңызда

Қол соғып, қошеметтеп шақырайық,

Бүлдіршін түлектерді ортамызға,-

«Айгөлек» шағын орталығының түлектерін қарсы алыңыздар!

Орынбай Айару

Өмірзақ Жантемір

Амангелдиев Нұрасыл

Елескен Айзере

Орақов Асылан

Амангелдиев Ерасыл

Әмірхан Нұрсымбат

Рахатов Нұрым

Амантай Нұрислам

Амангелдиева Аягөз

Ақылжанұлы Асылжан

Карбозов Данияр

Оңталапова Медина

Амангелдиев Рауан

Жақсылық Шәкәрім

Жолдасова Бегайым

Атағұлов Тұрлыжан

Урмбетов Диас

Шүйіншалиева Айсұлу

Ренатұлы Дидар

Қазақстан Республикасының Гимні орындалады.

Жүргізуші:

Алдындағы балалар,

Мектепке кетіп барады,

Тақпақтар айтып тамсанып,

Қимай кетіп барады

Кезекті балалардың тақпақтарына береміз.

Айару:

Қуантып әрі қинайды

Бақшамнан алыс кеткенім.

Қажет қой бірақ білімнің

Теңізінен өткенім.

Ана тілін ардақтап

Ата салтын біз көрдік.

Сурет салып, ән жаттап,

Әріп жазып үйрендік.

Дидар:

Алты жасқа толамыз

Әдепті бала боламыз

Қуантып ата-ананы

Мектепке кетіп барамыз.

Балабақшам қош енді

Әркез аман бол деймін.

Әкем менен шешемді

Ертіп енді келмеймін.

Айзере:

Шашымды да тарадым

Айнаға да қарадым

Ерте тұрдым ұйқымнан

Мен мектепке барамын

Ерасыл:

Қуанышымыз біздің мол

Мектепке біз тарттық жол!

Ұмытпаймыз өзіңді

Балабақшам қош сау бол!

Асылжан:

Мектеп ана шақырады бізді алдан

Алдымызда әлі талай сан арман

Қоштассақ та балалабақшам өзіңмен

Санамызда өзің берген өнегең.

Нұрислам:

Балабақша есігін

3-ке тола ашқанбыз

Балапандай өсіріп

Мәпелейді бақшамыз.

Бұл екінші үйіміз

Бір туғанбыз бәріміз

Біз осы үйдің гүліміз

Біз осы үйдің сәніміз.

Жүргізуші:

Ұрпақпен өмір жолы жалғанады,

Көңілді күндер тусын алдан әлі

Әсем бимен түрлі өнер,

Бүгінгі күн сіздерге арналады.

«Көңілді би» биін тамашалаңыздар!

Жүргізуші:

Ақ тілекті ағытып бір тасатайық

Қоштасатын кешімізді бастайық

Жүздеріңнен көрем шаттық арайын

Болсын солай әр бір күнің, әр айың

Хор «Біз мектепке барамыз»

Тәрбиеші: Бүгінгі той бәрімізге құтты болсын!

Дендерің сау аман-есен мықты болсын!

Жолдарың әрқашан да ашық болып,

Мектепке барар қадамдарың құтты болсын!

Кезекті «Жаяу» әнімен Шәкәрім ұлымызды ортаға шақырамыз.

Ән «Жаяу»

Жүргізуші: Мектеп ана шақырады бізді алдан

Алдымызда әлі талай сан арман

Қоштассақ та балабақшам сенімен

Санамызда өзің салған өнегең – деп қоштасқалы тұрған түлектеріміздің лебіздерін тыңдалық.

Данияр:

Балабақша келгенімде

Тәрбиешім қарсы алды

Енді міне қоштасарда

Қимастықпен ән салдық

Жантемір

Қызық күндер өткіздік

Балабақша бағында

Көп оқыдық көп білдік

Ел мен Отан жайында

Бұл қуаныш себебін

Бізге қарап ұғыңдар

Туған Отан қуансын

Ер жетті деп бөбегім

Медина

Қуанамыз, сыйлаймыз

Қуаныштың мың гүлін

Бақшамызды қимай біз

Қоштасатын күн бүгін

Ботақандай бөбектеп

Еркелеткен ұл қызын.

Анамызды ерекше

Қуантатын күн бүгін.

Нұрасыл

Барамыз біз мектепке

Бір белестен өттік біз

Өсті міне бойымыз

Өсті ақыл ойымыз

Қуанышқа ортақпыз

Құтты болсын тойымыз.

Рауан:

Достарды біз қолдаймыз

Қиын шақта қолдаймыз

Біздің топта ұл-қыздар

Тату –тәтті ойнаймыз

Аягөз

Қоштасып мен бүгін балалықпен

Қоштасамын сиқырлы балабақпен

Танысып мектеп деген әлемменен

Достасамын біліммен, даналықпен.

Нұрсымбат:

Жарастықпен жайнатып өмір көркін

Гүл бақшада жайнатып өскен еркін

Шат көңілді бақытты ел ұланбыз

Келешекте ұлы істі меңгеретін.

Отанымыз әлпештеп анадайын

Құшақтайды аялап сағат сайын

Зәулім мектеп, кең сарай, түрлі алаң.

Не керектің біз үшін бәрі дайын.

Келесі кезекті «Папито» биіне береміз

Жүргізуші: Келесі кезекте «Қайда» әнімен Шүйіншалиева Айсұлу қызымызды қарсы алайық!