Алгоритм атқарушы командалар жүйелері конспект 9-сынып

3 – сабақ сыныбы____ күні _______ Пән мұғалімі ________________

Сабақтың тақырыбы: Алгоритм

Атқарушы командалар жүйелері

Сабақтың мақсаты:

Білімділік – Алгоритм ұғымымен таныстыру, оның қасиеттерін пайдалану жолдарын және атқарушы командалар жүйелерін пайдаланып жұмыс істеуге баулу.

Дамытушылық – Оқушылардың іскерлігін, ойлау қабілетін, ізденімпаздық дағдысын қалыптастыра отырып дамыту

Тәрбиелік – Оқушыларды шапшаң ойлауға, өздігінен талпынып жауапкершілікті сезінетін өнегелі тұлғаны тәрбиелеу.

Сабақтың түрі: Білімді меңгерту

Сабақтың әдісі: Баяндау, сұрақ жауап

Сабақтың барысы

Ұйымдастырылу кезеңі

оқушылармен сәлемдесу

келмеген оқушыларды белгілеу

сабаққа дайындығын, құралдарын тексеру

Үйге берілген тапсырманы сұрау

Алгоритм дегеніміз не?

Алгоритм ұғымы қайдан пайда болған?

Алгоритмнің қандай қасиеттері бар?

Атқарушыларды басқару командасы дегеніміз не?

Жаңа сабақты түсіндіру

Егер сіз берілген есепті шешу үшін қандай да бір программалау тілінде программа жазғыңыз келсе, онда алдымен есепті шешудің алгоритмін құруыңыз керек.

Алгоритм деп берілген есепті шешудегі жасалатын әрекеттерді дәл және қарапайым етіп жазуды айтамыз.

Алгоритм ұғымының мәнін аша түсетін оның мынадай қасиеттері бар:

Алгоритм дискретті информацияларменжасалатын әрекеттерді тағайындайды және өрнектейді

Алгоритм біздің қалауымызға қарай өзгертуге болмайтын нақты нұсқау. Алгоритмде не істеу керектігі алдын ала айқын беріледі. Алгортмнің осы қасиетін анықталғандық қасиеті дейміз.

Бір алгоритмнің өзін бірнеше есептің шешімін табу үшін пайдалану мүмкіндігі Алгоритмнің мұндай қасиетін көпшілікке бірдейлік, басқаша айтқанда жалпылық қасиеті дейміз.

Әрбір алгоритм белгілі бір бастапқы деректердің болуын талап етеді және іздеген нәтижені алуға жеткізеді. Осылайша, алгоритмнің әрекеттердің белгілі бір санының орындалуынан кейін қажетті нәтиже алу мүмкіндігі алгоритмнің нәтижелілігі деп аталады.

Алгоритм белгілі бір реттілікпен бірінен соң бірі орындалатын бірнеше қадамдардан тұрады. Алгоритмнің әрбір қадамы бір немесе бірнеше қарапайым операцияларды қамтиды.

Мысалы: Компьютерді өшіру алгоритмін құрайық

Барлық ашық тұрған қосымша терезелерін жабу

«Бастау» (пуск) батырмасын шерту.

Басты менюден «Выключить компьютер» пунктін таңдау.

Диалог терезесінде «Выключить компьютер» пунктін таңдау.

«Да» батырмасын шерту.

Мектептік алгоритмдік тілде алгоритмді құру және оларды жазып көрсетуде атқарушыларды басқаратын командалардан тұратын алгоритмдерді оқып үйренуден бастайды.