Алгоритмнің негізгі түсінігі мен қасиеттері сабағы

М.Тынышбаев атындағы Қазақ көлік және коммуникациялар академиясының Шымкент көлік колледжі

Тажибаева Бахыт Сарыбайкызы

Сабақтың тақырыбы: Алгоритмнің негізгі түсінігі, алгоритмнің қасиеттері.

Сабақтың типі: Аралас

Сабақтың түрі: Жаңа білімді меңгерту.

Сабақтың технологиясы және әдісі: Түсіндірмелі хабарлау, техникалық құралдармен жұмыс істеу әдісі.

Сабақтың мақсаты:

Оқыту (үйрету, дамытушылық): Алгоритмнің негізгі түсінігі, алгоритмнің қасиеттері. Алгоритмді ұсыну тәсілдері. Атқарушы ұғымы, атқарушы командалар жүйесі. Алгоритм типтері. Оқушыларға алгоритм туралы және алгоритмнің қасиеттері туралы мағлұмат беру. Білімділікке, сауаттылыққа, ойлау ұшқырлығын дамыту икемділік қасиетімен шабытты болуға қалыптастыру. Оқушылардың ойлау қабілетімен қызығушылығын арттыру. Тақырыптың негізгі идеясын ашу. Оқушылардың ой – өрісін кеңейту, ойларын тұжырымдау. Өз бетімен қортындылау дағдыларын жетілдіру.

Тәрбиелік: Оқушылардың компьютерлік сауаттылығын арттыру. Компьютерде өздігінен жұмыс жасауға дағдыландыру. Оқушыларды ұйымшылдыққа, еңбек сүйгіштікке тәрбиелеу және эстетикалық тәрбие беру. Оқушыларды ақпараттық сауатылыққа тәрбиелеу.

Пәнаралық байланыс: Математика, Сызу

Сабақты жабдықтау:

а) сабақтың көрнекілігі: ДК, мултимедиялық тақта, таратпа әдістемелік нұсқау.

б) үлестірмелі материалдар: жазба қағаздар, кеспе қағаздар.

в) оқытудың техникалық жабдықтары: дербес компьютерлер.

Әдебиеттер: 1. Н.Ә-1 39-41 бет.

Сабақтың барысы:

Сабақтың элементтері оқу сұрақтары оқытудың әдіс-тәсілдері

Сабақты ұйымдастыру: оқушыларды түгелдеу, сынып тазалығын тексеру, оқушылардың сабаққа дайындығын бақылай отырып, зейінін сабаққа аудару. (5 минут)

Өткен тақырыпқа шолу. Сұрақтар беру. (15 минут)

1. Ақпарат сөзінің шығу тарихы.

2. Адам ақпараттың қандай түрлерін қабылдай алады?

3. Ақпарат ресурстары дегеніміз не?

4. Қазіргі ақпарат көздерін атаңыз?

5. Техникалық қауіпсіздік ережелерін атаңыз?

Жаңа тақырыпты түсіндіру: (40 минут)

Алгоритм түсінігі.

Алгоритмнің орындалуы.

Алгоритм қасиеттері.

Алгоритмнің орындалуына мысалдар.

Атқарушы түсінігі

Алгоритм түсінігі, орындалуы.

«Алгоритм» ұғымы информатикада ақпарат сияқты іргелі ұғымдар қатарына жатады. Алгоритм атауы атақты араб математигі Әбу Жафар Мұхаммед ибн Мұса әл-Хорезми (763-850 ж.ж) есімінің латынша Algorithmi (Алгоритми) болып жазылуынан шыққан. Ол санаудың ондық жүйесінде көп орынды сандар мен арифметикалық амалдардың орындалу ережесін ұсынған. Бұл ережелер қосынды мен көбейтіндіні табуға арналған амалдарды орындауға қажетті тізбектен құрылған. Сол ереже осы күнге дейін қолданылып келеді.

Алгоритм – орындаушының белгілі бір мақсатқа жетуі үшін орындалатын әрекеттер тізбегін айтады. Кез-келген есепті қарапайым амалдарды тізбектей орындау арқылы шығаруға болады. Алгоритімді компьютерде орындау үшін оны программа түрінде жазып шығу керек. Алгоритм біздің өміріміздің әрбір тұсында кездеседі. Алгоритм күнделікті әрбір пәнде кездеседі.

Алгоритмнің орындалуы. Күнделікті тұрмыстан алгоритмге бір мысал келтірейік.

Мысал 1. Студент болу үшін мынадай алгоритм қадамдарын орындау керек:

1. Мектепті тәмамдау.

2. Бірыңғай ұлттық тестілеуден өту.

3. Керекті құжаттарды, аттестаттың түп нұсқасын емтихан қорытыдысымен белгілі бір мамандықты көрсетіп, конкурсқа тапсыру.