Алғыс айту парызым сынып сағатына арналған материал

Тақырыбы: «Алғыс айту парызым!»

Күні: 01.03.2019ж. Класы: 6а

Мақсаты: «Алғыс айту», «сыйластық», «құрмет» адамгершілік құндылықтары туралы түсініктерін кеңейту. «Ғажайып алаң» ойынын ойнату.

Міндеттері: - үлкендер мен кішілер арасындағы сыйластықты түсіндіру; - сыйластықты қарым - қатынас жасау іскерліктерін дамыту, - үлкендерді сыйлауға, кішілерге қамқор болуға тәрбиелеу;

Әңгімелесу

Алғыс дегенді қалай түсінесіңдер?

Адам өзінің ризашылығын, алғысын қандай сөздермен білдіреді?

Сендерге кім қандай жағдайда алғыс айтты?

Өздерің қандай жағдайда алғыс айтып көрдіңдер?

–Ризашылық-адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезімі

–Алғыс-адамның адамға жасаған жақсылығы, көмегі, көңілі үшін ризашылық білдіруі, сондай-ақ оның ойы мен іс-әрекетіне, жасаған істеріне жоғары баға беруі.

Балалар, жаңа бір - бірлеріңмен амандасқандарыңдай, бас иіп сәлемдесу, алғыс айту, тіпті бір ауыз сөз айтпай - ақ та жымиып бас ию - адамға деген құрметті, сыйластықты білдіреді. Сенің айналаңдағы адамдарға деген құрметің жымиып тұрып жылы жүзбен амандасудан басталады. Сый, құрмет үлкенге де, кішіге де көрсетіледі. Тіпті үлкендер өзінен жасы кішілердің әдептілігін, көргендігін, тәрбиесін сыйлап бірінші болып амандасуы да мүмкін. Ризашылықтарын білдіріп, алғыс айтады, баталарын береді. Ендеше бүгінгі тәрбие сағатымыз да осы сыйластық, алғыс айтуға байланысты «Сыйласаң- сыйлы боласың» деп аталады.

Ал,балалар осы сыйластыққа арналған видеоролигімізді қарап шығайық.

Адамдар бір - бірін сыйлап, түсіне білсе жақсы қарым - қатынас жасауға қол жеткізеді. Өзара сыйластық достыққа әкеледі. Өмірде адамдар бір - бірін кешіре, түсіне білгенде ізгілікке жетуге болатынын және өзара сыйластық қана достыққа әкеледі.

- Бүгін балалар сыйластыққа байланысты тәрбие сағатымызда біз «Ғажайып алаң» атты ойын ойнаймыз. Оған 3 топ 3 кезеңге қатысады. Мен бүгінгі тақырып бойынша тапсырманы оқимын, ал қатысушылар жауаптарын айтады. Бірінші кезеңге қатысушы балаларды ортаға шақырайық.

І- кезең сұрағы.

Сыйлап үлкен ағаны,

Сәлем берген баланы

Кім дейміз? Жасырылған сөз (әдепті)

Әдепті екен бұл дейміз!

Енді ортаға ІІ кезең қатысушыларын шақырамыз.

- Сендерге берілетін тапсырма мынадай:

Кітап, дәптер, қаламы,

Кір шалмаған баланы

Кім дейміз?

Жасырылған сөз (Ұқыпты)

Ұқыпты екен бұл дейміз!

Ортада ІІІ кезең ойыншылары.

Тапсырмаларың мынадай:

Таудай биік талабы,

Сабағы жақсы баланы

Кім дейміз?

Жасырылған сөз (үлгілі)

Үлгілі екен бұл дейміз.