Алғыс айту парызым тәрбие сағаты 1 сыныпқа

Бастауыш сынып мұғалімі: Мамырбекова Р.

Тақырыбы: «Алғыс айту парызым!».

Мақсаты: «Алғыс айту», «сыйластық», «құрмет» адамгершілік құндылықтары

туралы түсініктерін кеңейту. «Ғажайып алаң» ойынын ойнату.

Міндеттері: - үлкендер мен кішілер арасындағы сыйластықты түсіндіру;

- сыйластықты қарым - қатынас жасау іскерліктерін дамыту,

- үлкендерді сыйлауға, кішілерге қамқор болуға тәрбиелеу;

Көрнекі құралдар: мақал- мәтелдер, миға шабуыл, «жалғастыр» , «Ғажайып алаң» ойыны ,

жұмбақ өлең, ақ сандық, көк сандық, постер қорғау, маркер,

Психологиялық тренинг: «Әр елдің сәлемдесу дәстүрі»

Топқа бөлу.

Сөздегі әрбір екінші әріпті сызып таста. -Қандай сөз шықты? РНИЛЗВАУШВЫЛЫҚ

1-топ **Ризашылық

Орны ауысқан сөздерден сөз құра. -Қандай сөз шықты? ЛЫҒСА 2-топ **Алғыс

Топқа тапсырма.

1-топқа:

–Алғыс дегенді қалай түсінесіңдер? Өзің кімге қандай жағдайда алғыс айттың? (Тобыңмен ой бөліс)

2-топқа:

-Адам өзінің ризашылығын қандай сөздермен білдіреді?(Топта анықта)

«Ақ сандық» пен «Көк сандық»

Кезектесіп сандық түстерін таңдайды. Сөйлемді оқып аяқтайды.

*Ризашылық – адамның басқа адамнан көрген .....

*Ризашылық- адамның басқа адамнан көрген ......

*Ризашылық- адамның жақсы көңілі, алғыс білдіру .....

*Алғыс –адамның адамға жасаған ....

*Алғыс- адамның адамға ризашылық .....

*Алғыс-жасаған істеріне жоғары ......

7.Түсініктемені ілу, оқыту:Алғыс - адамның адамға жасаған жақсылығы, көмегі, көңілі үшін ризашылық білдіруі, сондай - ақ оның ойы мен іс-әрекетіне, жасаған істеріне жоғары баға беруі.Ризашылық – адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезімі.

Ал ,балалар осы сыйластыққа арналған тақпақтарымызды айтып шығайық.

1.Кім үлкенді сыйласа,

Кім үлкенді тыңдаса.

Сыйлы болмақ, өзі де,

Үлкен болған кезінде.

2.Әдептілік дегенің,

Әрқашанда керегің.

Әсемпаздық дегенің,

Әуре сарсаң әлегің.

3.Сыйлап сәлем беремін,

Көршілерді көргенде.

Ізетті деп білемін,

Үйге қонақ келгенде.

Әдепсіз деп сөкпесін,

Анама айтып өкпесін.

4.Сыйла үлкен кісіні,

Қамқорлыққа ал кішіні.

Сақта көше тәртібін,

Бағдаршамның ал тілін.

Әдепті қыл бұл ісіңді,

Тазалап жүр тісіңді.

Адамдар бір - бірін сыйлап, түсіне білсе жақсы қарым - қатынас жасауға қол жеткізеді. Өзара сыйластық достыққа әкеледі. Өмірде адамдар бір - бірін кешіре, түсіне білгенде ізгілікке жетуге болатынын және өзара сыйластық қана достыққа әкеледі.

- Бүгін балалар сыйластыққа байланысты тәрбие сағатымызда біз

«Ғажайып алаң» атты ойын ойнаймыз. Оған 3 ойыншыдан 3 кезеңге қатысады.

Мен бүгінгі тақырып бойынша тапсыраманы тақтаға іліп қоямын, ал қатысушылар алдында тұрған сұрақтар арқылы жауаптарын айтады.

Бірінші кезеңге қатысушы балаларды ортаға шақырайық.

І- кезең сұрағы.

Сыйлап үлкен ағаны,

Сәлем берген баланы

Кім дейміз? Жасырылған сөз (әдепті)

Әдепті екен бұл дейміз!

Кітап, дәптер, қаламы,

Кір шалмаған баланы

Кім дейміз? Жасырылған сөз (Ұқыпты)

Ұқыпты екен бұл дейміз!

Ортада ІІІ кезең ойыншылары.

Таудай биік талабы,

Сабағы жақсы баланы

Кім дейміз? Жасырылған сөз (үлгілі)

Үлгілі екен бұл дейміз.

Көрермендермен ойын: «Жалғастыр» «Не істеуге болмайды?»

Мен басқы сөзін айтамын,балалар ойланып жалғастырып айтуы керек.