Әліппемен қоштасу ертеңгілігі 1 сыныпқа арналған

Тақырып: Әліппемен қоштасу

Мақсаты: Оқушылардың сауат ашу пәнін оқу барысында алған білімдерін тиянақтау, өз өнерлерін ата — аналарға көрсету, эстетикалық талғамдарын тереңдете түсу, өзін өзі басқаруы мен ана тілін сүйіп, қастерлеуге тәрбиелеу.

Мұғалім: -Сәлеметсіздер ме, құрметті қонақтар, ата-аналар! Балаларыңыздың білім шыңына басқан алғашқы қадамдары құтты болсын! «Әліппемен қоштасу» мерекесіне арналған ертеңгілігімізді бастауға рұқсат етіңіздер!

Өсті міне бойларың

Өсті,міне ойларың.

Қуанышқа ортақпын

Құтты болсын тойларың!

Армандасаң да, қиялдасаңда балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне, бүгін біздің бүлдіршіндер өміріне өшпес із қалдырған әліппемен қоштасқалы отыр. Ендеше қызықты да ғаламат өзгерістер сыйлаған , білім нәрімен сусындатқан, өмірде өз жолдарын табуға жол сілтеген ұстаздарына, ата- аналарына өз өнерлерін көрсетуге дайын.

Оқушыларымызды қарсы алайық.

Данияр: Қош келіпсіз, ақ жаулықты аналар,

Жүздеріңнен мейірім мен нұр тамар.

Алдарында қызғалдақтай құлпырған,

Біз алаңсыз балғын шақты балалар.

Акеркем: Көз салып қараңызшы бойымызға

Ортақ боп бүгінгі өскен ойымызға.

Хош келіпсіз, ұстаздар, ата-аналар,

Әліппемен қоштасу тойымызға.

Батырхан: Ең алғаш алғанымда «Әліппені»,

Қызығып қарай бердім әріптерді.

Мен үшін жұмбақ болып қалар ма еді,

Ұстазым оның кілтін алып берді.

Еркежан: Сөзімізге құлақ салыңыз,

Бір серпіліп қалыңыз,

Әліппеге арналмақ

Бүгінгі жыр-әніміз.

Ұлан: Жақсы білім көрімдік,

Болсын бізге халайық.

Не үйреніп, не білдік

Кәне, ортаға салайық.

Ақбота: Әліппем, менің әліппем,

Сені қолға алып мен,

Есігін аштым мектептің

Ертеңгі сәуле жарықпен.

Нұртаза: Өтті оқу,сан сабақ

Бүгін үлкен салтанат

Оқулықпен достассақ,

Әліппемен қоштаспақ.

Ән:Әліппе

1.Менің атым 2 әліппе,

Үйретемін 2 әріпке,

Оқу – білім 2 сыйласам

Барлық бала дәріптер

Ал, балалар, келіңдер,

Үйреніңдер, көріңдер,

Қырық екі әріпті

Жатқа айтып беріңдер

2.А – дегенім 2, ана ғой

Б – дегенім 2, бала ғой

Меніменен 2 достасып

Білім нәрін 2 ала ғой

Мұғалім: – Осы сендер қандай оқушысыңдар?

Аяз: Әліппені бітірдім,

Жаза аламын атымды.

Әліппені бітіріп,

Бала болдым ақылды.

Тәнзиля: Енді біз жаза аламыз,

Әріпті қосып әріпке,

Риза боп саған жүреміз,

Сүйікті біздің Әліппе.

Манас: Білім алып мектепте

Талай пәнді оқимыз

Мұғалімнің айтқанын

Зердемізге тоқимыз.

Алина: Бүкіл қазақ баласы дәріптеген

Қоштаспақпыз сүйікті әліппемен

Ризамыз бәрімізді таныстырған

Сөз бен дыбыс әртүрлі әріптермен.

Мейрам: Таныстырған 42 әріппен

Қош бол, менің сүйікті әліппем

Сенің арқаң оқи жаза білгенім

Сауатты адам қатарына кіргенім.

Диана: Әліппе – білім анасы

Әліппе – кітап данасы

Әліппе бетін ашпаған,

Адамның бар ма баласы?!

Дидар: Ашыла берді алдымнан

Кең дүние есігі

Соғылған сандар алтыннан

Әліппе білім бесігі

Ерсаят: Қош бол,құтты Әліппем!

Тіл тұсауын кестің сен.

Аяулы апам болып сен,

Айыбымды кештің сен.

Хормен: Жасұланбыз, жастармыз

Жарқын істер бастармыз,

Жерімізді түлетіп,

Жайнатып –ақ тастармыз

Би: вальс

Мұғалім: Өсті міне бойларың,

Өсті ақыл – ойларың.

Қуанышқа ортақпын,

Құтты болсын тойларың!

– Балалар мен сендерге сұрақ қоюдан бастаймын. Сендер оған жауап айтыңдаршы.

Іші толы әріпке,

Білімдегі жарық не?

Хор: Болашаққа жол ашар,

Ол - сүйікті Әліппе!

Мұғалім: - Олай болса, «Әліппені» ортаға шақырайық.

Хор: - Әліппе, Әліппе!

Әліппе:

Армысыңдар жас достар!

Армысыздар ата –аналар!

Менің атым Әліппе

Болашаққа жол бастар

Білім деген ғажаптың

Әліппесін меңгерген

Келешегі қазақтың

Басталады сендерден!

Әліппе: Қазақ тілінде қанша әріп бар?

Хор: 42 әріп бар

Әліппе: Алғаш «Әліппені» кім жазды?

Хор: Ыбырай Алтынсарин жазды.

Кел, балалар, оқылық!

Оқығанды көңілге ықыласпен тоқылық!

Мұғалім: Әліппе бүгінгі кешіміздің ең қадірлі қонағы сіз, сондықтан құрмет тағына жайғасыңыз

Алфавитті жатадық

Онда жүйе, қалып бар,

Біздің қазақ тілінде

42 әріп бар.

Данияр: А-дегенім ардақты,

Ақсүт берген апамыз.