Бірінші сыныпқа арналған мектепке бару ертеңгілігі

Жаңаарқа негізгі орта мектебі

Тақырыбы:

«Біріншіге барамын»

1 сынып

Сынып жетекшісі: Н.Тукенова

2016-2017 оқу жылы

Мұғалім: Құрметті қонақтар,ата-аналар,ұстаздар,оқушылар,биылғы 2016-2017 оқу жылы құтты болсын! Бүгін көптен күткен жаңа мектептің ашылу салтанатымен қатар алғаш мектеп табалдырығын аттап отырған 1 сынып оқушылары үшін де үлкен той.Олай болса мектеп табалдырығын алғаш аттағалы отырған бүлдіршіндеріміздің шағын концертін тамашалаңыздар

1.Басталды бүгін тілашар, (Әли)

Тойымыз тойға ұласар.

Кітаппен дос боп өсеміз,

Көп білмей бізден кім асар?

Жарыса кітап оқимыз,

Оқимыз, ойға тоқимыз.

2.Кешегі сәби балаңыз, (Абдулла)

Жарады, міне, қараңыз.

Ғылым, білім жолына

Енді қайық саламын.

3.Қалмаймын мен қатардан, (Нұрай)

Мектепте үлкен мереке.

Білім күні аталған,

Бүгінгі күн мереке.

4.Кеттім, міне, мектепке, (Аружан)

Қолыма көп гүл алып.

Құттықтаймын барлығын,

Шын жүректен қуанып.

5.Мектеп анам бүгінде, (Ақбота)

Мектеп алтын босағам.

Мектеп берген біліммен

Марқаяды жас адам.

6.Алты жасқа жеткенім, (Ернұр)

Еркеліктен кеткенім.

Кітабымды қолтықтап,

Мектебіме беттедім.

7.Сыңғыр-сыңғыр қоңырау, (Аяулым)

Сыңғырлаған көңіл-ау.

Алып-ұшып жүректер

Гүлге толы омырау.

8.Қоңыраудың жаңғырған, (Әліби)

Тәтті әуені ән-думан.

Әлдилеген әсем үн,

Біз бақытты балдырған.

9.Біз бақытты баламыз, (Омар)

Қағаз, қалам аламыз.

Ұстазымыз үйреткен,

Әріптерді саламыз.

10.Сәлем саған, мектебім, (Ерназар)

Сәлем, білім ордасы.

Жасыл бақты көктемім,

Жастық шақтың жолдасы.

11.Алақайлап жүрегім, (Елдос)

Қуанышқа толып тұр.

Асыққан қыркүйегім,

Қоңырауын соғып тұр.

12.Ата-анамнан кейінгі, (Райым)

Жақыным сенсің мектебім,

Ер жеткенге дейінгі,

Ақылым сенсің мектебім.

13.Іші толған әріпке, (Асылхан)

Жақсы кітап әліппе.

Әліппені аламыз,

Біріншіге барамыз.

14.Мектеп қамқор анамыз, (Сырым)

Оқып білім аламыз.

Өнерпаз болып өсетін,

Біріншіге барамыз.

15.Мен талапты баламын, (Дінмұхаммет)

Біріншіге барамын.

Үйреткенін үйреніп,

Ұстаздан көп аларым.

16.Мен тәртіпті баламын, (Батырхан )

Түгел, қағаз, қаламым.

Бір күн қалмай сабақтан,

Кілең «бестік» аламын.

17.Мен намысшыл боламын, (Қасымхан)

Тек үлгілі боламын.

Білім іздеп жалықпай,

Кең дүниені шоламын.

Хор: «Ұстазға құрмет»