Алтын күз мерекесі тәрбие сағаты 2 сыныпқа

Тақырыбы: «Алтын күз!»

Мақсаты: Балалардың күз мезгілі туралы алған білімдерін тиянақтау, күз ерекшеліктерін, күз сыйын ұғындыра отырып, балаларға мерекелік көңіл-күй сыйлау.

Көрнекіліктер: Сыныптың іші күз мерекесіне сай безендірілген.

1 - жүргізуші:

Келді міне, алтын күз,Сары шашты жарқын жүз.Мол өнімді ісімен,Таңдандырып халқын күз.

2 - жүргізуші:

Күз - халқымның ежелден берекесі,Жерден ғой адамзаттың несібесі.Тойлаймыз біз де бүгін күз мейрамын,Алтын күз құтты болсын мерекесі!

1 - жүргізуші:

Құрметті қонақтар, ұстаздар және оқушылар. Күз жыл мезгілінің бірі. Күз мерекелі, берекелі ай. Бүлдіршіндеріміз бұл мезгілде алғаш рет білім ордасына қадамдарын басады. Әрбір шаңырақта той тойланып, көңілдері қуанышқа толы болады. Бүгінгі 2 «А» сынып оқушыларының дайындаған «Алтын күз» атты ертеңгілігімізге қош келдіңіздер!

2 - жүргізуші:

Бүгін оқушылар екі топ болып өз өнерлерін көрсетеді.

топтың аты – Жемістер

топтың аты – Көгөністер

1- жүргізуші:

Алқаптан бидайдыҚоймаға жинайдыТырнасы тізілгенҰнатам күзді мен!-дегендей бәріміз де күз мезгілін жақсы көреміз. Ендеше қошеметпен қол соғып Күз ханшайымын ортаға шақырайық.

Күз ханшайымы:

Уа, халайық, дархан далам армысың!Табиғатым, жаны жайсаң тал мүсін.Ханшайымы күздің бүгін келіп тұр,Алмақшы боп бар халқымның алғысын.2-жүргізуші: Қымбатты Күз ханшайымы! Біздің бүгінгі ертеңгілігімізге қош келдіңіз! Сізді көргенімізге қуаныштымыз. Сіз жайланып отырып, балалардың өнерін тамашалаңыз!

Әлижан:

Береке, бақ, дарыған

Жомарт көңіл жарқын жаз,

Сары алтынға малынған

Жетті міне алтын күз!

Мадина:

Табиғат – күллі тіршілік атаулының құтты қонысы, алтын ұя бесігі, құт берекесі. Осы табиғаттың төрт мезгілінің өзіне тән ерекшелігі жақсылығы, әртүрлі мерекесі бар. Сосың ішінде күз мезгілінің алатын орны ерекше.

Арна:

Күз – адам баласына молшылық, береке әкелетін мезгіл. Сондықтан да адамдар күзге берекелі күз, алтын күз деп баға берген. Алтын, себебі, біріншіден, айналаның бәрі сап-сары бояуға малынған, екіншіден, алтын – байлықтың белгісі. Екеуін астастырып Алтын күз деп атаған.

Саян:

Берекесін сыйлауға,

Өлкемізге күз келді.

Жемістерін жинауға,

Шақырады біздерді.

Мұстафа:

Құстар қайтты ән салып,

Бұлт торлады аспаңды.

Қыс келеді жар салып,

Күзге суық басталды.

2-жүргізуші:

-Балалар, қазір мен сендермен « Күз мезгілі неде?» деген ойын ойнаймыз. Мен күз мезгіліне қатысты сөздер айтамын, сендер аяқтайсыздар.

- Күзде жапырақтар (сарғаяды)

- Күзде күн (суытып, жаңбыр жауады)

- Күзде құстар (жылы жаққа ұшып кетеді)

-Күзде көкөністер мен жемістер ( піседі)

-Күзде жиі (күн бұлттанады)

-Күзде ағаштардың (жапырағы түседі)

-Күзде адамдар (жылы киінеді)

-Күзде кейде (қар жауады)

1-жүргізуші: Жарайсыңдар! Олай болса, өз өнерлерін көрсетуге «Көгөністер» тобын ортаға шақырайық.

Көрініс: «Көгөністер таласы»

Бағбан: (Тырмамен жер жыртып жүреді)

Інжу:

Мұқалмаған жігері,

Атай әлі күшінде.

Қашан көрсең жүреді,

Бау-бақшаның ішінде.