Арайлы алтын күз тәрбие сағаты 4 сыныпқа

Сабақтың тақырыбы: «Алтын күз».

Қарсы алайық бәріміз,

Жасымыз бен кәріміз.

Қырдан кепті қыдырып,

Алтын күз бізге нұр төгіп.

Жүргізуші: -Армысыңдар ағайын! Сәлеметсіздер ме, қадірлі қонақтар! Бүгінгі біздің жыл мезгіліндегі ең тамаша «Алтын күз» атты ертеңгілімізге қош келдіңіздер!Алтын күз мерекесіне балаларды қарсы алайық!

(әуенмен балалар ортаға кіреді).

Ән: Тырналар

Жүргізуші: Ел байлығын арттырған берекелі де, мерекелі күз мерекесі баршаңызға құтты болсын!Сары алтындай Сары күз себетке толы жемісін, қамбаға толы егінін сыйлады. Ендеше Алтын күз атты ертеңгілігімізді бастаймыз!

Күз мерекесіне арналған балалардың тақпақтарын тыңдайық!

1. Астық жеміс жиылды ,

Қамбамызға құйылды.

Ардақты күз мың алғыс,

Алдың өнім сыйыңды.

2. Қазан айы молшылық,

Дәулет қорын қалаған.

Заңғар көкке қол соғып ,

Құстар ұшып барады.

3. Қарашы күз келді, күз келді ,

Жапырақ жауыпты іздерді.

Құс біткен керуен түзеді,

Қара бұлт қабағын түйеді.

4. Келеді міне алтын күз ,

Сары шашты жарқын күз.

Мол өнімді ісімен ,

Таңдандырып алтын күз .

5.Жүргізуші: Ал ,балалар ,балалар,

Енді бері қараңдар .

Бізге қонақ келмекші ,

Әуелі жұмбақ жасырам.

Қулығымды асырам,

Таба алсаңдар шешімін .

Қонағымды ортаға шақырам .

Жұмбақ: Жиын-терін болатын,

Қамбаға астық толатын.

Қызыл қырман ойнайтын,

Қай мезгіл деп ойлайсың?

(Осы кезде әдемі әуенмен күз ханшайымы келеді).

Күз ханшайымы: Сәлеметсіздер ме балалар! Армысыңдар, қадірлі қонақтар!

Балалар: Сәлеметсіз бе?

Күз ханшайымы: Уа, халайық дархан далам армысың,

Табиғаты жаны жайсаң тал мүсін .

Ханшайымы күздің бүгін келіп тұр,

Алмақ болып бар халқымның алғысын.

Мен күз ханшайымымын .Сендерді көргеніме қуаныштымын.

Жүргізуші: Қош келдің, күз ханшайымы! Төрлет.Күз ханшайымы біздің балалар күз туралы өлең тақпақ, жұмбақтар шеше алады. Сіз жайланып отырып, балалардың өнерін тамашалаңыз!

Би: «Кемпірқосақ». Құрметті көрермендер келесі кезекте «Кемпірқосақ» биімен балаларды қарсы алайық.Біздің балалар өнерлі балалар. Қанекей, ата-аналар қошеметтеп қояйық.

Жүргізуші: Табиғат ана ғой,

Тағдыр ғой күз деген.

Тыныштық бұзылма ,

Үмітті үзбеген,-дей келе,

Балалардың орындауларында тақпақтарын тыңдаңыздар!

Алтын сары, қызыл көк

Алуан-алуан жапырақ.

Күзгі бақта күлімдеп,

Көз тартады жалтырап.

Берекесін сыйлауға

Өлкемізге күз келді.

Жемістерін жинауға,

Шақырады біздерді.

Аспанды сұрғұлт бұлт,

Жан-жақтан жабады.

Күнбірте суытып,

Жауын көп жауады.

Күз,күз,күз келді,

Жаңбыр мен жел әкелді.

Қап-қап-қап,

Жаңбыр мен жел әкелді.

Алтын күз бірде шуақ,бірде салқын,

Жер мен көк жалтыраған сап сары алтын,

Ағаштар жапырақтар сылдырлайды,

Төгілген алтын теңге сансыз халқын

Жүргізуші: Күз ханшайымы біздің балалар өнерлі , тапқыр, ақылды, епті,жылдам.

Күз ханшайымы: Аааа, ендеше балалардың ептілігін, тапқырлығы ойын арқылы байқап көрейін. Балалар сендер көкіністер мен жемістерді білесіңдер ме?

Балалар: Ия

Күз ханшайымы: Ал, балалар мен сендердің көкіністер мен жемістердің ажырата алатындарыңды білмеймін, олай болса көкіністер мен жемістер ойыны арқылы байқап…