Алтын күз мерекесіне арналған қойылым жоспары балабақшаға

Көкшетау қаласы әкімдігінің жанындағы

№17 «Көктем» балабақшасы МКҚК

«Берекелі күз»

№4«Балауса тобы»

Өткізген: Ардабай Е

2018-2019 Оқу жылы

«Берекелі күз»

Жүргізуші: Армысыздар құрметті қонақтар, ата-аналар.

Береке бақ дарыған

Жомарт көңіл жарқын жүз

Сары алтынға малынған

Жетті міне, алтын күз!

Бүгін біздің зал қандай әдемі, қаншама түрлі –түсті жапырақтарға толы. Өйткені бүгін алтын күз мерекесі.Құрметті қонақтар «Берекелі күз» атты ертеңгілімізге қош келдіңіздер.Олай болса № 4 «Балауса» тобының балаларын қарсы алыңыздар

(Музыка әуенімен қыздар қолдарында қолшатыр ,ұлдар бұлт ұстап шеңбер бойымен кіреді.)

Ән: «Күзгі әуен»

(Осы кезде түрлі –түсті жапырақтар тағылған күз ханшайымы келеді.

Күз ханшайымы: Сәлеметсіңдер ме балалар, жиналған қонақтар. Мен сендерге қонаққа келдім. Сендер мені күтіп отырған сияқтысыңдар. О балалар қандай әдемі болып кеткенсіңдер. Мен «Көктем » балабақшасында №4 «Балауса» тобында өнерлі балалар бар екенін естіп, сендерге келіп отырмын. Қане, қандай өнерлерің бар екенін көрсетіңдерші.

Жүргізуші: Күз ханшайымы келіңіз төрлетіңіз. Біздің балалардың өнерін тамашалаңыз. Ал, балалар күз ханшайымына арнап тақпақтарымызды айтайық.Ортаға

(Жансезім, Сардар, Жәңгір, Е.Саян Аруна, Айша )шақырамыз.

Жансезім

Шоғы толан гүлдей жайнап

Жарқырайды Алтын күз.

Сайрандап күліп ойнап,

Келіп кетті қыркүйек.Қазан айы молшылық

Дәулет қорын қалаған

Заңғар көкке қол соғып

Сардар

Қыстың жақын қалғаның

Жапырақтар сезгендей

Желмен ұшып барады

Жерге қонып үлгермей

Жапырақтар жамырап

Сайға барып бекінді

Анасынан ажырап

қалған бала секілді.

Жәңгір

Жетті желмен алтын күз,Жеміс жинау салтымыз.Жиып - теріп болған соң,Той жасайды халқымыз.

Айша

Қарашы, күз келді, күз келді,Сары алтын жауыпты іздерді.Құс біткен керуен түзеді,Көңілсіз неткен күз еді.

Е. Саян

Сара ала тон жамылған

Күз атамыз секілді

Қойны толы дәмді нан

Тәттісі көп не түрлі.

Аруна

Келеді көшіп комбайн,Алтын дария егінді.Жинап маржан бидайын,Күзіміз неткен көңілді.

Күз ханшайымы: Жарайсыңдар балалар.

Жүргізуші: Бүлдіршінмен бәріміз

Отбасындай бір ұямыз

Береміз ендеше

Би өнері кезегін

Би: «Қолшатыр мен саңырауқұлақтар»

Жүргізуші: Қыздар өте өнерлі екенсіңдер, жақсы биледіңдер.

(Балалар отырады, тарсылдаған жаңбырдың дауысы естіледі)

Жүргізуші: Ой, балалар естіп тұрсыңдар ма ? жаңбыр жауайын деп тұрған сияқты. (Жаңбырдың дауысмен залға бұлт кіреді.)

Бұлт: Сәлеметсіңдер ме балалар!

Балалар: Сәлеметсіз бе.

Бұлт: Күзгі көк бұлт мен болам

Көтеріліп теңізден

Аспанға биік барамын.

Қаласаң қазір сендерге

Жаңбыр болып жауамын. (Жаңбырдың дыбысы ойналады.)

Жүргізуші: Жаңбыр жаумай тоқтай тұр.

Дабылыңды соқпай тұр.

Саяғыңды түгендеп

Үйіріңді соқпай тұр.

Біз сен жайлы ән білеміз және осы әнді сізге сыйлаймыз.

Ән: «Күзгі жаңбыр»

Бұлт: Қандай әдемі ән.

Жүргізуші: Күзде өздері пісетін

Тамаққа кеп түсетін

Мақтанбақшы сіздерге

Жемістер көкеністер сан түрлі

Ортаға жемістер мен көкеністер өздері туралы тақпақтар оқиды.(Нұрасыл, Інжу, Н. Расул, Арсен, Қ.Расул ,Ермухамед)

Нұрасыл

Асханадан шықпаймын,Атым пияз, бұқпаймын. Көзден жасты шығарам.Тұмаудан бірақ сақтаймын.

Інжу