Алтын күз мерекесіне арналған сценарий балабақшаға

(Балалар музыкамен залға кіреді)

Жүргізуші: Құрметті қонақтар, ата-аналар! Алтын күз мерекесіне қош келдіңіздер. Мінеки өлкемізге алуан түсті жапырақтарымен айналаны сары алтынға бөлеп күз де келді. Күздің келуін бәріміз асыға күттік. Ал күз бізге мол өнімін сыйға тартуда. Ендеше, алтын күзімізге арналған мерекемізді бастаймыз.

Өнер десе жайнаймыз,

Сандуғаштай сайраймыз.

Алтын күзге арнаған

Әнімізді шырқаймыз.

Ән « Я, солай » ортаңғы топтың балалары.

Жүргізуші:Балалар, күзде болатын өзгерістерді тақпақпен айтып беріңдерші.

Балалар тақпақтар айтады.

Айзере

Алтын сары, қызыл, көк,

Алуан-алуан жапырақ.

Күзгі бақта күлімдеп,

Көз тартады атырап.

Анастасия

Келді міне күз,

Айнала сары түс.

Керемет, тамаша,

Қандай әсем күз.

Ерасыл

Сап-сары маңай,

Сап-сары тоғай,

Саңғы әнін айтып,

Құс кетті қайтып.

Ән: « Қоңыр күз » ортаңғы топ.

Би: « Жаңбыр » биі ортаңғы топ.

Жүргізуші:Мінеки, күз келіп, күн суытып, аспан бұлттана бастады.

Бұлттар: Біз бұлттармыз, бұлттармыз

Қолымыздан ұстаймыз.

Көк аспанды торлаймыз,

Күнді жасырып қоршаймыз.

Жүргізуші: Көрінші бізге қымбатты күнім

Қуантшы бізді нұр шашып бүгін

Күн: Қуантар ем бұлттар мені қоршап алды,

Көк аспанды қара бұлттар торлап алды

Шуағымды шаша алмаймын мен жерге

Желді шақыршы көмектессін сендерге.

Жүргізуші: Күзгі жел, тез келші мұнда қалыспа

Бұлттарды ұшырып, қушы өте алысқа

(Музыкамен жел келеді)

Жел: Мен күзгі желмін, өте жылдам желемін,

Бұлттарды алысқа қуу үшін келемін.

Бұлттар: Біз бұлттармыз, үлкее береміз, (шеңберді үлкен жасайды)

Ашуымызға тисеңдер,

Жаңбыр болып нөсерлетіп төгеміз.

Жүргізуші: Сұрғылт бұлттар! Біз сендерден қорықпаймыз,

Күнді сөндіре алмайсыңдар.

Күштіміз деп, мықтымыз деп

Мақтануды неге қоймайсыңдар?

Жел: Балалар, бұлттар қанша мықты болса да олар желден қорқады. Сондықтан маған көмек керек, кәне бұлттарды үрлейікші, әйтпесе жалғыз шамам жетпейді. (Бәрі үрлейді)

Бұлттар: Ай, ай, ой, ой бізді қуып жатыр, қашайық.

(Жел бұлттарды қуып кетеді, күн қалады)

Жүргізуші:Мінеки балалар, күзгі жел бұлттарды қуып әкетті. Ал шуақты күніміз ортамызда жарқырап тұр. Енді біздің мерекеміздің шырқын ешкім де бұза алмайды. Олай болса күнімізбен қосылып ойын ойнайық.

Ойын «Қол шатыр кімге тиеді » балалармен және ата – аналармен.

Жүргізуші: Жарқын күн! Мерекеміз одан сайын жандана түссін, бізге шуақты сәулелеріңді шашып, нұрыңды төкші.

Күн: Жарайды, онда мен бар әлемге шуағымды шашайын.

Ән: « Қызыл, сары жапырақтар » ортаңғы топ

Би « Балалық шақ » ересек топ.

Жүргізуші:Қараңдаршы, балалар, бізге күз ханшасы өзінің үш айымен келе жатыр, кане қарсы алайык.

(Музыкамен күз, қыркүйек, қазан, қараша кіреді)

Күз: Сәлеметсіңдер ме балғын балалар! Мені сағына күтіп отырған боларсыңдар. Мен астықты жинап, Табиғат –Ананы қыс мезгіліне әзірлеп қойдым. Бүгін мен өзіммен бірге үш айымды ертіп келдім.

Қыркүйек: Нұрай

Мен кыркүйек айымын

Жылы күн райымын

Аспанды құс шарлай бастады

Алғашкы қоңырау қуантты жастарды

Қазан: Б.Аделя

Қазанда халкымыз

Тойшыл ол салтымыз

Береке байлығын

Беріп тұр алтын куз

Қыркүйекке еремін

Молшылық беремін

Қараша: Дарын

Күз мезгілі тамаша

Менің атым қараша

Қараша айында

Қыс қамын дайында!