Алтын күз мерекесіне арналған сценарий, шағын орталық

Бекітемін:

Краснознаменное ОМ

директоры

Ташмаганбетов М.И.

Күзгі балл

Жүргізген : Егизбай Айгерим Маратқызы

Жүргізуші: Армысыздар, құрметті ата-аналар, ұстаздар, қонақтар! Алтын күз мерекесіне қош келдіңіздер! Ел байлығын арттырған берекелі де, мерекелі күз мерекесі құтты болсын! Ендеше «Алтын күз» атты ертеңгілігімізді бастаймыз..

Балалар музыкалық әуенмен қолдарына жапырақ алып кіреді.

Жүргізуші Балалар бізге сонау алыстан «Күз ханшайымы»келіпті

(осы кезде себетке толы жемістері бар «Күз ханшайымы» билеп кіреді.)

Күз ханшайымы: Сәлеметсіздер ме балалар? Сәлеметсіздер ме, қонақтар?

Балалар:Сәлеметсіз бе?

Күз ханшайымы:

Уа халайық, дархан далам армысың?!

Табиғатым жаны жайсаң тал мүсін.

Ханшайымы күздің бүгін келіп тұр,

Алмақ болып бар халқымның алғысын.

Мен күзгі ханшайыммын сендерді көргеніме қуаныштымын. Мен сендерге сонау алыстан «Айгөлек» балабақшасына арнайы келдім. Маған өнерлеріңді көрсетесіңдер ме?

Балалар:Ия

Жүргізуші: Қош келдің, Күз ханшайымы! Төрлет.Біздің балалар әнде,тақпақта ,биде билей алады. Біздің балалардың барлығы ақылды.

Балалар тақпақтары

1) Дидар: Армысыздар халайық,

Бармысыздар халайық.

Күзгі тойда жұп жазбай,

Келіңдер қарсы алайық.

Ерке: Күздің айы тамаша

Жеміс жидек піседі

Астықтар оралып

Қоймаларға түседі

2) Жансая: Күздің қазан айында,

Алма, алмұрт піседі.

Жапырақтар сарғайып,

Сыбдыр-сыбдыр етеді.

Алдияр: Күзде жайнап ашыла,Күннің нұры көшкендей.Алма ағаштың басына ,Қызыл қарбыз өскендей.

3) Таир: Алақай,алақай! Шаттанды балақай. Күз түсті,дән пісті, Айтамыз алғысты.

Айнур: Қуандырып біздерді,Мерекелі күз келді.Кел,жемісті алтын күз,Кемелденсін халқымыз.

4) Кәусар: Алтынға бояп өңірді, Күзде келді көңілді. Бау- бақшада , орманда, Сары жапырақ төгілді.

Исламбек: Қамба толды астыққаАлғыс саған,Алтын күз!Бір уыс дән шаштық,та,Қап-қап астық алдық біз.

5) Айбек: Берекелі, мерекелі

Келді жомарт Алтын күз.

Қалада да, далада да,

Жанның бәрі жарқын күз.

Аяулым: Көк майсалы, көрікті.Алқаптағы көп егін,Бұл күндері киіпті,Сары жібек көйлегін

Ән салайық күліңдер,

Жайнап гүлдей жүріңдер.

Күздің тойын тойлайық,

Би билейік ойнайық.

Би: кап-кап

Күз ханшайымы: Жарайсыңдар, балалар, Ондай болса мен сендерге жұмбақ жасырайын

Жүргізуші:Күзгі жемістер мен көкөністер адамның еңбегімен келмей ме? Сондықтан Күз ханшайымы сіздерге жасыратын жұмбақтар алып келіпті,шешуін тапқандарға сыйымды беремін дейді Жұмбақтар:

Ағайынды бәрі,Шықса жасыл,Түссе сары.(Жапырақ)