Алтын күз сыныптан тыс шараға арналған материал

Тақырыбы: «Күз – мерекем, күз - берекем»

1- жүргізуші: Қайырлы күн, ұлағатты ұстаздар, ата –аналар, жалынды да, жігерлі оқушылар.

Берекелі де, мерекелі алтын күз мерекелеріңіз құтты болсын.

1-жүргізуші:

Қош келдіңіз көрермен,

«Күзгі бал» сын-кешіне

Отырыңыз қол соғып,

Шат күлкіге бөлене.

1-жүргізуші:

Ал енді бүгінгі «Күз – мерекем, күз - берекем» кешінің сұлу, сүйкімді жас ханшайымдар мен салмақты да сымбатты ханзадаларымызды қошеметпен ортаға шақырайық.

Күз келіп, хан мен ханшайым

Өткізді күзгі бал айын

Ханшайым тапқыр қыз болды,

Ағызар сөйлеп сөз майын

Ал ханымыз ақылды,

Барша жұртты шақырды

Жүргізуші:

Әділ қазы, ақ қазыға бір сәлем

Әділдікке бас иеді күллі әлем

Жүйрік озар сайыстарда неше бір

Сарапқа сал, әділдікпен шеше біл деп, бүгінгі әділ – қазылар алқасымен таныс болыңыздар.

Директордың оқу-тәрбие ісі жөніндегі орынбасары Акшаева Гүлжан.

2 – сынып жетекшісі: Аширбаева Қарлыға

Мектеп әдіскері: Абаева Жадыра

Мектеп тәлімгері: Смағилаева Гүлжайна

Жүргізуші: Бүгінгі «Алтын күз»! мерекесінің бағдарламасымен таныс болыңыздар. Бағдарламада:

Таныстыру, құттықтау

Өнерлі өрге жүзер /ән немесе би/.

«Қас - қағым сәт»

Сән көрсетілімі.

Үй тапсырмасы /қабырға газеті/

Ас адамның арқауы /дастархан мәзірі/

Жүргізуші:

Таныстыру

Ендеше, құрметті көрермендер қатысушыларымызға сәттілік тілей отырып, «Күз – мерекем, күз - берекем» атты сайысымыздың бірінші бөлімді таныстыруға кезек берейік. Қол соғып қошеметтеп қарсы алыңыздар, біздің сұлу да сүйкімді ханшайымдарымыз бен салмақты да сымбатты ханзадаларымыз өздерін таныстырсын. (қатысушыларға сөз беріледі)

Жүргізуші:

Өнерлі өрге жүзер /ән немесе би/

Ал кімнің өнері бар қаншалықты,

Би билеп, ал біреуі ән салыпты.

«Қас - қағым сәт».

(Күз мезгіліне байланысты сұрақтарға жауап беру) кезек берейік.«Жапырақ теру» ойыны арқылы ұйымдастырылады. Алдарыңыздағы шашылған жапырақшалардағы сұрақтарға жауап беру.

сұрақ: Күз мезгілінде табиғат қандай өзгерістерге ұшырайды? - Күн суытады, жаңбыр жауады, жапырақтар сарғайып жерге түседі, құстар жылы жаққа ұшады. Адамдар, балалар жылы киінеді. 2 - сұрақ: Жұмбақ шешу.

Ағайынды бәрі,Шықса – жасыл,Түссе – сары. Бұл не? Жапырақ