Алтын күз тақырыбына арналған сабақ жоспары

Күні: 17.09.2013

«Балауса» естияр тобында өткен кіріктірілген ашық ұйымдастырылған оқу-іс-әрекетінің технологиялық картасы

Білім беру саласы: «Қатынас»

Бөлімі: Тіл дамыту/ағылшын тілі

Тақырыбы: «Алтын күз »

Мақсаты:Балаларды күз мезгілінің ерекшеліктерімен таныстыру, суреттер бойынша балалардың ойлау, есте сақтау қабілеттерін арттыру, сөздік қорын байыту, тәрбиешіні тыңдап өздігінен байланыстыра сөйлеуге жетелеу, билингвизм әдісін қолдану арқылы балаларды ағылшын тілінде сөздерді айтуға үйрету, балалардың қойылған сұрақтарға толық жауап беруін қадағалау. Жұмбақ жасыру арқылы қиялын дамыту. Көкеністер мен жемістерді бір-бірінен ажырата білуге ойын ойнау арқылы үйрету. Күз мезгілінің тапсырмаларын орындау арқылы оқу іс-әрекетіне деген қызығушылықтарын арттыру. Табиғатты аялауға, әсемдікке, еңбексүйгіштікке тәрбиелеу.

Әдіс-тәсілдер: Әңгімелеу, суретпен жұмыс, көрнекілік, түсіндіру, сөздікпен жұмыс, қайталау, сұрақ-жауап.

Қолданатын көрнекілік: Күз мезгілінің суреттері, ағылшын-қазақ тілінде өлең-тақпақтар, жұмбақтар, сергіту сәті, құрсау, үнтаспа, муляждар, себеттер, Күз кейіпкері (қонақ), ноутбук, сары, қызыл, жасыл жапырақтар.

Билингвизм: Күз-осень- autumn, сары- желтый-yellow, жапырақ-листья- leaf

Әрекеттің кезеңдері

Тәрбиешінің әрекеті

Балалардың әрекеті

Мотивациялы-ынталандыру

кезең

Кіріспе бөлім:

Ұйымдастырукезеңі:

-Goodmorningboys&gilrs.

-How are you?

-I’m very glad to have seen you.

-Балалар, сендерді көргеніме өте қуаныштымын.

-Бір-бірімізге қарайық. Мен сендердің көздеріңнен қуаныш пен қызығушылық көріп тұрмын.

-Бүгінгі күнімізді бір-бірімізге жылы сөз айтудан бастайықшы.

-Very good.

-Көңіл-күйлерің қалай?

-Ендеше осы жақсы көңіл-күйімізбен іс-әрекетімізді бастайық.

-Бүгін бізде ерекше күн. Бізге бүгін қонақтар келіп отыр.

-Олай болса, апайларға өз білімімізді көрсетейік.

--Sit down,straight please!

Look at me children & answers my questions

Кіріспе сұрақтар қою:

-Балалар жылдың неше мезгілі бар?

-Жыл мезгілдерін атаңдаршы?

-Енді мен сендерге жұмбақ жасырамын.

Жұмбақ жасыру.

Жиын-терін болатын,

Қамбаға астық толатын.

Қызыл қырман ойнайтын,

Қай мезгіл деп ойлайсың?

-Дұрыс айтасыңдар, әрине бұл күз.

-Бізге бүгін қонаққа Күз келіпті.

-Сәлеметсіңдер ме, балалар?

-Бүгін мен сендерге қонаққа келдім, балалар! Мен сендерге өзімнің сиқырлы жапырақтарымды ала келдім. Бұл жапырақтарда менің сендерге арналған тапсырмаларым бар.

-Төрлет, Алтын күз.

-Бүгін біз сендермен күз тақырыбында әңгімелесеміз.

-Good morning !

-Very good

Балалар шаттық шеңберіне тұрып бір-біріне жылы лебіздерін білдіреді.

-What a happy day today,

Boys & girls are very gay.

They dance & play

What a happy, happy day.

-Жақсы

Балалар өз орындарын отырады.

Балалар сұрақтарға жауап береді.

-Жылдың 4 мезгілі бар.

- Қыс, көктем, жаз, күз

Балалар жұмбақтың шешімін табады.

(Күз)

Балалар амандасады.

-Сәлеметсің бе, Күз?

-Алтын күз орындыққа отырады.

Ұйымдастыру-ізденгіш кезең

Негізгі бөлім:

-Енді назарларыңды мына көрініске аударыңдаршы.

-What can you see in the picture?

-Суретте не көріп тұрсыңдар?

-Бұл суретте күз мезгілі бейнеленген. Күз жылдың төрт мезгілінің бірі. Күзде күн суытып, көлдер мен өзендер тартылып, өсімдіктер қурап, ағаштардың жапырақтары сарғайып түсе бастайды. Күзде табиғаттың бәрі сап-сары түске енеді. Жәндіктердің барлығы жоқ болып азайып жоқ болып кетеді. Құстар жылы жаққа ұшып кетеді. Күн қысқарып, түн ұзара бастайды. Күз мезгілі өте бай мезгіл деп атауға болады.

-Несімен бай?

Өйткені күз мезгілінде арпа- бидай піседі, егіншілер егін жинайды,қамбалалардың барлығы астыққа толады, мал семіреді, көкеністер мен жемістер піседі.

( Муляждар көрсету).

-Үш тілде айтайықшы?

Билингвизм:Күз-осень- autumn

Сары-желтый-yellow, жапырақ-листья-leaf

Ағылшын тілінде жыл мезгілдері туралы өлең оқу.

-Repeat after me in chorus,please

Seasons

Spring is green

Summer is bright

Autumn is yellow

Winter is white

-Енді біраз балалар сергіп алайықшы?

Сергіту сәті. (Ағылшын тілінде)

-And now, let’s rest a littie! Stand up!

Clap, clap clap your hands,

clap your hands together.

Stamp, stamp stamp your feet,

stamp your feet together.

-Күз мезгілінің жапырақтарының тапсырмаларын орындайық.

-Мынау жапырақтың түсі қандай?

-Ендеше сары жапырақта берілген тапсырманы орындайық.

-Мұнда жұмбақ жасырылған екен.

-Жұмбақ шешкенді жақсы көресіңдер ме?

-Балалар, ендеше мен сендерге мен жұмбақтар жасырамын.

Жұмбақтар жасыру.

Көктемде ақ гүлге оранады,

Күзде қолға доп балып оранады.

Қалың киімді ұнатады,

Шешіндірсең жылатады.

Жерге қазық қақтым,

Басына айдар тақтым

-Мынау жапырақтың түсі қандай?

-Ендеше тоқ сары жапырақта берілген тапсырманы орындайық. Мында ойын берілген екен.

-Менің сендермен мынадай ойын ойнағым келіп тұр?

Ойынның аты «Көкеніс мен жемістерді ажырат» деп аталады.

Ойынның мақсаты: балалар көкеністер мен жемістерді бір-бірінен ажырата білуге үйрету, ойлау қабілетін, зейінін арттыру, қызығушылықтарын ояту.

Ойынның шарты: Балалар, екі құрсаудың ішіне көкеністер мен жемістерді араластырып тастаймын. Екі топқа бөлініп сендер себеттің біреуіне көкеністерді, екінші себетке жемістерді жинауларың керек. Әуен қосылған кезде құрсауды айналып жүгіресіңдер.

-Міне, қараңдаршы бір себетке көкеністерді жинадық, екінші себетке көкеністерді жинадық.

Сұрақ-жауап сәті.

-Жинаған жемістердің аттарын тайықшы?

-Көкеністердің аттарын тайықшы?

-Жемістер қайда өседі?

-Көкеністер қайда өседі?

Балалардың назарын суреттерге аударту.

-Күз мезгілін көріп тұрмыз.

Балалар тыңдап отырады.

Балалар үш тілде айтады.

Балалар өлеңді хормен қайталайды.

Балалар қимылмен бірге көрсетіп жасайды.

-Сары жапырақ.

-иә.

Балалар жұмбақтардың шешуін табады.

(Алма)

(Пияз)

(Сәбіз)

-Тоқ сары жапырақ.

Балалар орындарынан тұрады.

Балалар екіге бөлініп, құрсауды айналып жүріп әуен тоқтағанда себеттің біреуіне жемістерді, екіншісіне көкеністерді жинайды.

Балалар сұрақтарға жауап береді.

-Алма, алмұрт, жүзім, банан, апельсин, лимон

-Картоп, сәбіз, қызанақ, орамжапырақ, жүгері, бұрыш.

-Ағаштың басында өседі.

-Жерде өседі.

Рефлексиялы –

түзету кезең

Қортынды бөлім:

Мынау жапырақтың түсі қандай?

-Ендеше жасыл жапырақта берілген тапсырманы орындайық.

-Күз мезгілі туралы кім өлең-тақпақтар біледі?

Сұрақ-жауап сәті.

Answer my questions

-Балалар, бүгін біз қандай тақырыпта әңгімелестік? (Суреттерін көрсетіп отыру)

-Күзде қандай өзгерістер болады?

-Күзде жапырақтар қандай түске енеді?

- Күзде тағы нелер піседі?

Балаларды мақтау, мадақтау.

Күз сөйлейді.

-Балалар бүгін сендер, оқу іс-әрекетке өте жақсы қатыстыңдар. Рақмет.

-Балалар қараңдаршы Күз сендерге өзінің жемістерін ала келіпті. Сендерге мынадай алмалар әкеліпті.

-Балалар сендер бүгінгі оқу іс-әрекетке өте жақсы қатыстыңдар, ақылды, зейінді екенсіңдер.

-Мен сендерге құр қол келген жоқпын, өзімнің сыйымды ала келдім.

-Сау болыңдар, балалар! (Күз кетіп қалады)

Thank you children, the lesson is over.

-Жасыл жапырақ.

Балалар күз туралы білетін өлеңдерін айтады.

1-бала:

Жайдары күз, жарқын күз

Аяулы күз, алтын күз

Дәнге толы ен далам,

Дариядай шалқып жүр.

2-бала:

Мейірлі күз, мырза күз

Сыйлығыңа ырзамыз

Аппақ арай таңында,

Шомыламыз нұрға біз.

3-бала:

Күз де келді. Күз келді,

Көкте бұлттар жүді енді.

Күз де келді, күз келді,

Құстар мекен іздеді.

Балалар сұрақтарға жауап береді.

-Күз

-Құстар жылы жаққа ұшады, шөптер қурайды, күн қысқарып, түн ұзарады.

-Сары түске енеді.

-Жемістер мен көкеністер

Балалар тыңдап отырады.

Балаларға алмалар таратылады.

Балалар қонақпен қоштасады.

-сау, болыңыз!

Күтілетін нәтиже: Күз мезгілі жайлы күзде қандай маусымдық өзгерістер болатыны жайлы білді. Күз мезгілі жомарт күз, өте бай мезгіл екенін білді. Суреттерге қарап өз ойларын айта білді. Ағылшын және қазақ тілдерінде күз мезгілі туралы өлең-тақпақтар айтты.

Болу керек. Қойылған сұрақтарға толық әрі нақты жауап берді. Сөздерді үш тілде айта білді. Көкеністер мен жемістерді ажырата білді, аттарын атай алады. Күз мезгілінің тапсырмаларын орындай білді.

Істей білу керек: Шыдамдылық, шапшаңдылық, қабілеттерін, достықты, ұйымшылдықты көрсете білді.

Күні: 18.11.2013

Уақыты: 9.05-9.50

«Балауса» тобының ұйымдастырылған

оқу-іс-әрекетінің технологиялық картасы

Білім беру саласы: «Шығармашылық» / «Таным»

Бөлімі: Сурет салу/ қоршаған ортамен таныстыру.

Тақырыбы: «Ұя» (Түрлі-түсті бояумен салу)/Құстар әлеміндегі күздік өзгерістер».

Мақсаты:

Білімділік: Балаларға құстар жайлы түсініктер беру, олардың түрлерін ажырата білуге үйрету. Құстар әлеміндегі күздік өзгерістер жайлы айту. Сурет бойынша әңгімелеу.

Дамытушылық: Логикалық ойлауын, есте сақтау қабілеттерін, қиялын арттыру, зейінін дамыту, тілдік қорларын молайту, жұмбақтар жасыру арқылы ойлауын, қиялын дамыту, тілдерін жетілдіру. Қызығушылықтарын, белсенділіктерін арттыру.

Тәрбиелік: Құстарды аялауға, қамқорлық жасауға, сүйіспеншілікке баулу.

Еңбексүйгіштікке, табандылыққа тәрбиелеу.

Әдіс-тәсілдер: Көрнекілік, көрсету, түсіндіру, сұрақ – жауап, суретпен жұмыс, қайталау.

Қолданатын көрнекілік: Ұя суретінің үлгісі, ноутбук (слайд), құстардың суреті, жұмбақтар, тыйым сөздер, ойын, түрлі – түсті бояулар, қағаз, қылқалам.

Билингвизм: Ұя-гнездо-nest, құстар – птицы – birds.

Әрекеттің кезеңдері

Тәрбиешінің әрекеті

Балалардың әрекеті

Мотивациялы-ынталандыру

кезең

Ұйымдастыру кезеңі:

-Балалар барлығымыз орнымыздан тұрып бүгінгі күнмен, бір-бірімізбен амандасып алайық.

Сұрақ-жауап сәті

-Қазір жылдың қай мезгілі?

-Күз айларын атаңдаршы?

-Күз мезгілінде қандай маусымдық өзгерістер болады?

Шеңберге тұрып жылы сөздерді айту арқылы бір-біріне көтеріңкі көңіл-күй сыйлайды. Тақпақты барлығы бірге қуанышты түрде айтып береді.

Біз қандаймыз, қандаймыз,

Шұғылалы таңдаймыз.

Күлімдеген күндейміз,

Ренжісуді білмейміз.

Қуанамын менде,

Қуанасың сенде,

Қуанайық достарым,

Арайлап атқан күнге.

Балалардың жауаптары тыңдалады.

-Жыл мезгілі күз

-Қыркүйек, қазан, қараша.

-Күз мезгілін көріп тұрмыз.

Жаңбыр жауады, күн қысқарып, түн ұзарады.

Ұйымдастыру-ізденгіш кезең

Негізгі бөлім:

Таңғалдыру сәті:

-Бүгін бізге сабаққа бір топ дала құстары ұшып келді.

Ноутбуктен слайд көрсету.

-Осы дала құстардың аттарын атаңдаршы?

Құстар өзбетінше табиғатта тіршілік етеді. Олар ағаш немесе бұта арасына ұя салып өмір сүреді.

Өз тамақтарын тауып жейді. Құстар тамақ қалдықтарымен, дәндермен, ағаш басында тұрып қалған кепкен жемістермен қоректенеді.

-Құстардың ішінде жылы жаққа ұшатын құстар болады, және қыстап қалатын құстар болады.

Жылы жаққа ұшып кететін құстар: қарлығаш, қараторғай, ұзақ

Қыстап қалатын құстар: қарға, сауысқан, бозторғай, көгершін.

Суық жақта қалатын құстардың жүні денесіне тығыз орналасады, қанаттарының астына қалың мамық өседі. Өйткені олар суыққа төзімді.

- Мынадай тыйым сөздер бар.

* Құстардың ұясын бұзба.

* Құстың жұмытрқасын жарма.

* Құсты өлтірме, атпа.

-Қане, балалар үш дауыс әдісімен жай дауыспен, орташа дауыспен, көтеріңкі дауыспен үш тілде хормен қайталап айтайықшы?

(Үш дауыс әдісімен қайталау)

Билингвизм: Ұя-гнездо-nest, құстар – птицы – birds.

Ноутбуктен слайд арқылы көрсету.

-Мынау не?

-Аттарын атайықшы?

Ұяның үлгісінің тақтаға іліп қою.

-Енді мына ұяның салынған үлгісіне қарайық.

-Қандай геометриялық пішіндерден құралған.

-Дұрыс, айтасыңдар.

-Олай болса бүгін біз қыстап қалатын құстарға арнап ұяның суретін саламыз.

Бір үлгісін салып көрсету.

-Ең бірінші шаршыдан ұяның қабырғасын жасаймыз, оны қоңыр түспен бояймыз, үшбұрыштан ұяның шатырын жасаймыз, сары түспен бояймыз, дөңгелектен ұяның есігін жасаймыз.

Балалардың жұмыстарын қадағалау.

-Енді біраз балалар сергіп алайықшы?

Сергіту сәті.

Біз кішкентай баламыз,

Өсіп-өніп толамыз

Көкке қарай талпынып,

Күнге қолды созамыз.

Қанат қағып ұшамыз,

Қарлығаштай қалықтап

Бір отырып, бір тұрып

Жаттығулар жасаймыз.

-Балалар жұмбақ шешкілерің келе ме?

Жұмбақ жасыру.

-Балалар мен сендерге жұмбақ жасырамын. Сендер шешуін табыңдар

Күндіз соқыр не деген?

Түнде қандай көреген

Екі айыр құйрығы

Қия мұрт қанаты

Ол құстардың жүйрігі

-Қарға, жапалақ, сауысқан, тоқылдақ, торғай, көгершін, бүркіт.

Балалар тыңдап отырады.