Армысың, алтын күз мерекелік іс-шарасы

«Армысың , алтын күз!»

Балалар музыка ырғағымен залға кіреді.

Жүргізуші:

Армысыздар құрметті ата-аналар , әріптестер!

Берекелі, мерекелі алтын күз мерекесіне арналған «Күншуақ» тобы бүлдіршіндерінің «Армысың , алтын күз!» мерекесіне хош келдіңіздер.

Тәрбиеші: Ал,балалар, балалар,

Енді бері қараңдар

Бізге қонақ келмекші

Сендерді бір көрмекші

Әуелі жұмбақ жасырам

Қулығымды асырам.

Таба алсаңдар шешімін

Қонағымды ортаға шақырамын.

Бұлттар төгіп жерге шөгіп,

Дымқыл тұман басады,

Шөп сарғайып,өңі тайып,

Дала сұры қашады.

Бой жаза алмай, ойнай алмай,

Денең мұздап тоңады,

Бөбектерім айтыңдаршы

Бұл қай кезде болады?

Балалар: « Күз мезгілінде»

(Сырттан бір дыбыс естіледі)

Балалар тыңдаңыздаршы бұл не шу?

(Осы кезде әдемі әуенмен Күз ханшайымы келеді)

Күз ханшайымы:

Уа халайық, дархан далам армысың,

Табиғатым жаны жайсаң тал мүсін

Ханшайымы Күздің бүгін келіп тұр,

Алмақ болып бар халқымның алғысын.

Мен Күз ханшайымымын.Сендерді көргеніме қуаныштымын.

Тәрбиеші.Қош келдің Күз ханшайымы!Төрлет!

Күз ханшайымы: Мен өзіммен алтын жапырақтарымды ала келдім , әр жапырағымда сұрақтарым бар.Егер сұрақтарыма дұрыс жауап берсеедер, менің де сендерге деген сыйлығым бар.

1)Күз мезгіліне қандай айлар жатады?

2) Күзде ауа райында қандай құбылыстарды байқадындар?

3)Күз бізге қандай жемістерін сыйлайды?

Ойын: «Дәмін татта атын айт» (балалармен)

4) Ағайынды бәрі ,

Шықса – жасыл.

Түссе-сары. Бұл не?

Балалар: «Жапырақ»

Тәрбиеші: Олай болса бүлдіршіндеріміздің «Жапырақтар» әнін тамашалайық.

Балалардың күз туралы тақпақтары:

Берекесін сыйлауға,

Өлкемізге күз келді.

Жемістерін жинауға,

Шақырады біздерді. (Арсен)

Берекелі,мерекелі,

Келді жомарт алтын күз.

Қалада да,далада да ,

Жанның бәрі жарқын күз. (Ғазиз)

Жемісі мол теретін,

Күз дос екен бізбенен.

Бәрін тауып беретін ,

Жомарт екен күз деген. (Аяна)

Жатыр дала жалтылдап,

Күз шуағын мол құйды.

Күн астында алтын дән,

Тербеледі, толқиды. (Мұхамед Әли)

Ой балалар,балалар,

Қоңырқай күз болыпты,

Қурап жапырақ салыпты,

Ел егінің орыпты. (Дастан)

Жайдары күз, жарқын күз,

Аяулы күз, алтын күз

Дәнге толы ен далам

Дариядай шалқып жүр. (Бекарыс)

Мейірлі күз ,мырза күз,

Сыйлығыңа, ырзамыз

Аппақ арай таңында

Шашыламыз нұрға біз. (Айя)

Күнді көрсе толғанар