Алтын күз тақырыбындағы балабақша семинары

Алтын Күз

Мақсаты:

1) табиғаттың күз мезгіліндегі өзгерістері жайлы балалардың білімдерін кеңейту; 2) күз мезгілінің берекелі екенін айтып, түсінік беру, ойлау қабілетін дамыту. 3) балаларды еңбекқорлыққа тәрбиелеу.

(Топтың іші мерекеге сай безендірілген, әдемі сазды әуен ойналып тұрады)

Тәрбиеші: Сәлеметсіздер ме, ата-аналар, бала-бақша ұжымы, және де бүлдіршіндер! Бүгінгі Алтын күз мерекесіне «Еркетай» тобының тәрбиеленушілері дайындаған «Алтын Күз» атты ертеңгілігіне қош келдіңіздер!

Армысыздар, халайық,

Бармысыздар халайық!

Күзгі тойды жұп жазбай,

Келіңдер қарсы алайық! - Қараңдаршы, бүгін біздің тобымыз қандай әдемі болып кеткен.

(Сырттан бір дыбыс естіледі,желдің шуы естіледі.)

 Балалар, тыңдаңыздаршы бұл не шу? (Осы кезде әдемі әуенмен Күз ханшайымы келеді)

 Күз ханшайымы: Сәлеметсіңдер ме, балалар!

 Балалар: Сәлеметсіз бе!

 Күз ханшайымы: Уа, халайық, дархан далам армысың, Табиғатым жаны жайсаң тал мүсін. Мен – Күз ханшайымның. Сендерді көргеніме өте қуаныштымын. Сендердің Алтын күз мерекесіне дайындаған ертеңгіліктеріңді көруге сонау алыс жерден келіп қалдым. Және сендерге тапсырмалар мен сыйлықтар ала келдім. Егерде тапсырмамды жақсы орындасаңдар, сыйлық беремін. Сендер менің тапсырмамды орындауға дайынсыңдарма? Олай болса бастайық.

 Тәрбиеші: Балалар Күз ханшайымын төрімзге отырғызайық. Күз ханшайымы сендердің өнерлеріңді тамашалағысы келеді. Олай болса «Күз жомарт» әнін орындап берейік.

Ән: «Күз жомарт» (хормен)

Тәрбиеші: Өте жақсы балалар, жарайсыңдар! Балалар күз ханшайымының әкелген тапсырмасын орындайық.

Ойын шарты: Жасыл жапырақты жасыл қорапқа, сары жапырақта сары қорапқа, қызыл жапырақты қызыл қорапқа салу.

Тәрбиеші: Жарайсыңдар, балалар! Біздің кішкентай бүлдіршін қыздарымыздың дайындаған «Құлпынай» биін тамашалаңыздар.

«Қолшатыр» биі: (Аяла, Айсана, Айзере, Зере, Талшын, Ақнұр, Нұрайым, Фарида,)

Тәрбиеші: Енді кезекте балалардың күз туралы өлең жолдарын қабыл алыңыздар.

Құсайын:О, балалар, балалар,

Қоңырқай күз болыпты.

Гүл жапырақ солыпты,

Ел егінін орыпты.

Фарида: Алақай, алақай!

Шаттанды балақай.

Күз түсті, дән пісті

Айтамыз алғысты.

Аяла: Жапырақтар сарғайған,

Күн бұлтты болады.

Жаңбыр жиі жауады.

Құстар ұшып барады.

Жігер: Алтын, алтын, сары алтын,

Алтын күзге нұр жатыр,

Біз бақшаға баратын

Алақай-ау күн жақын.

Әлихан: Күн суытып келеді,

Жапырақтар түседі.

Астық-жеміс жиылды

Қамбамызға құйылды.

Айзере: Алақай, алақай!

Шаттанды балақай.

Күз түсті, дән пісті

Айтамыз алғысты.

Тәрбиеші. Ой жарайсыңдар, балапандарым! Ал енді, бәріміз орнымыздан тұрып, сергіту сәтін жасайық.

Ән: (хормен)

Тәрбиеші: Енді, ұлдарымыздың дайындаған биін тамашалайық.

«Көкеністер мен жемістер» биі: (Барлық ұлдар)

Күз ханшайымы: Ой қандай өнерлі балалар өздері! Мен сендерге ризамын, рахмет балалар. Өнершіл-өрендерім! Міне, менің сыйлығым бір себет Күз сыйы. Сендерге денсаулық, шаттық пен байлық әкелсін.

Тәрбиеші: Күз ханшайымы саған мың алғыс! Бүгінгі сыйлығына көп рахмет. Бізге тағы кел, сағына күтеміз.

Күз ханшайымы: Берекелі бақ дәулет,

Арта түссін тойланып.

Сау болыңдар, балалар,

Келгенше жыл айланып.

(Осы кезде әуен ойналады, Күз ханшайымы қоштасып шығып кетеді.)

Тәрбиеші. Күздің кереметі, байлығы өте көп. Күзде біздің дастарханымыз дәнді дақылдарға, көкеністерге, жеміс- жидектерге толы болады. Бірақ, осы байлыққа жету үшін көп еңбек ету керек. Сондықтан сендер болашақта еңбекшіл болыңдар. Міне, осымен «Еркетай» тобының дайындаған ертеңгілігіміз аяқталды. Сіздерді Күз мерекесімен