Алтын күз тақырыбындағы мектепалды ертеңгілік сценарийі

Жүргізуші: Қарсы алайық бәріміз,

Жасымызбен кәріміз

Қырдан кепті қыдырып,

Алтын күз бізге нұр төгіп.

Тілегім аман болсын ел іргесі

Алтын күз қайта келді берекесі

Молшылықтың жаршысы бола білген,

Алтын күз ырыс береке ала келді.

Армысыздар, ата-аналар, қадірлі қонақтар! Бүлдіршіндеріміздің «Алтын күз әсем айналам, Еліне береке сыйлаған» атты ертеңгілігін тамашалауға қош келдіңіздер! Ендеше қол соғып қошеметтеп балаларды қарсы алайық.

(Музыка ойнап, әсем безендірілген залға балалар кіреді).

Жүргізуші: Балалар мен сендерге бір жұмбақ жасырғым келіп тұр. Мұқият тыңдап жауап берейік. Көк майсалы көрікті, алқаптағы көп егін,

Бұл күндері киіпті, сары жібек көйлегін. (Күз мезігілі)

Ал, балалар, өнерімізді көрсетіп, мерекені тойлайық.

Әмірхан:

Күздің қазан айында,

Алма, алмұрт піседі.

Жапырақтар сарғайып

Сыбдыр-сыбдыр түседі.

Раяна:

Қыстың жақын қалғанын,

Жапырақтар білгендей

Желмен ұшып барады

Жерге қонып үлгермей.

Нұрислам:

Жайдары күз, жарқын күз

Аяулы күз, алтын күз

Дәнге толы кең далам

Дариядай шалқар күз

Данара:

Көктен көзін бір алмай,

Қызғылт тартты кәрі күз

Жер қызығын қия алмай

Маужырап тұр сары күз

Ислам:

Қарашы күз келді, күз келді

Сары алтын жауыпты іздері

Құс біткен керуен түзеді

Көңілсіз неліктен күз енді?

Айсәуле:

Жапырақ ұшты,

Суық та түсті.

Сонда да бізге

Қызық көп күзде.

Айболат:

Листья желтые танцуют

С веток падают, летят

Эту сказку золотую

Называют «Листопад».

Жүргізуші: Балалар бізге қонақ келе жатқан сияқты. Ол кім болды екен?

Күз ханшайымы:

Сәлем менің достарым,

Өмірге көп қосқаным

Күз сыйлығын алыңдар!

Сыйлығына қаныңдар!

Молшылыққа кенеліп,

Шаттық әнге салыңдар!

Жүргізуші: Сәлеметсіз бе, Күз ханшайымы! Біздің балалар сізді асыға күтті. Қош келдіңіз!

Күз ханшайымы: Рахмет менің достарым!

Жүргізуші: Күз ханшайымы балаларымыздың сізге арнаған өлеңін қабыл алыңыз.

Ән: «Көкөністер мен жемістер!»

Күз ханшайымы: Жарайсыңдар қандай өнерлі балалар екен.

Жүргізуші: Ендеше тақпаққа кезекті берейік.

Айқын:

Ой, балалар, балалар

Қоңырқай күз болыпты

Қурап жапырақ түсіпті,

Ел егінін орыпты.

Назым:

Көктемде егін егетін,

Күзде жиып беретін

Біздің дала бай дала

Алтын астық айнала.

Амир:

Алтын-сары, қызыл көк