Алтын күз мерекесіне арналған ертеңгілік сценарийі

Тақырыбы: «Күздің көркем сиқыры»

Мақсаты: Күз мезгілінің ерекшеліктерін ұғындыру. Мерекелік көңіл – күй орнату. Балаларды ән салуға, би билеуге, түрлі іс — әрекеттерге тарту, бейімділіктерін арттыру. Шығармашылық ой — қиялдарының дамуына ықпал ету. Ата — аналар қауымымен тығыз қарым – қатынас қалыптастыру

Жүргізуші: Украйн халық ертегісі «Бидай сабағы»

Жүргізуші: Ертеде бір үйшікте екі тышқан өмір сүріпті. Олар тату-тәтті дос болыпты.

(Сахнада үйшіктің жанында екі тышқан ойнап отырады).

Жүргізуші: Олардың жанына әтеш келіпті.

Әтеш:

Мен көңілді әтешпін,

Топ-топ-топ, топ-топ-топ

Менде басқа уайым,

Жоқ-жоқ-жоқ, жоқ-жоқ-жоқ.

Елден бұрын тұрамын,

Ку-ка-ре-ку, ку-ка-ре-ку.

Әтеш: Достарым, бері келіңдерші, тез келіңдерші. Менің не тауып алғанымды қараңдаршы. Енді осы бидайдан ұн жасап келу керек.

1 тышқан: Жоқ, жоқ менің қолым тимейді.

2 тышқан: Жоқ, жоқ менің де қолым бос емес.

Әтеш: Жарайды, онда өзім-ақ апарып келемін.

Тышқандар: Біз көңілді тышқандар, интернетке кіріп балалардың биін тамашалайық.

Би: «Кішкентай бидайлар»

Әтеш: Менің көңілді достарым, бері келіңдер, тезірек келіңдер. Мен бидайдан ұн жасап әкелдім, енді осы ұннан бауырсақ пісіруіміз керек. Тәтті бауырсақтарды кім пісіреді?

1 тышқан: Бауырсақты пісіріп жүргенше дүкеннен сатып ала салайық та.

2 тышқан: Иә, жұмыс істеп қайтеміз, дүкеннен сатып алайық.

Әтеш: Қолдан пісірген бауырсақ тәтті болады. Онда өзім-ақ пісіре салайын.

Тышқандар: Біз көңілді тышқандар, ұйықтап демалып алайық.

Күні бойы ойнаған тышқандар шаршап ұйықтап қалады. Түстерінде бауырсақ көреді, бауырсақ өте дәмді болған екен.

Би: «Ботқа пісіреміз»

Жүргізуші: Тәтті бауырсақтардың исінен тышқандар оянып кетеді.

Әтеш орындыққа жайғасып отырып, бауырсақ жеп отырады.

Тышқандар: Әтеш досым, біз де жейік, бізге де бауырсақ берші.

Әтеш: Бидайды тауып алған кім?

Тышқандар: Сен.

Әтеш: Диірменге апарып тартқызған кім?

Тышқандар: Сен.

Әтеш: Бауырсақты пісірген кім?

Тышқандар: Сен, сен, сен.

Әтеш: Нан қоқымын шашпаңдар,

Жерде жатса баспаңдар.

Теріп алып қастерлеп,

Торғайларға тастаңдар.

Еңбек етсең ерінбей,

Тояды қарның тіленбей.

Тышқандар: Ұят болды ғой, енді істесек болар екен?

Әтеш: Келіңдер барлығымыз қосылып ән айтайық.

Ән: «Жапырақ»

Ән: «Күз келгенде»