Алтын күз тақырыбындағы мектепке дейінгі тәрбие сағаты

Тақырыбы: «Алтын күз» Мақсаты: Күз мезгілініңерекшеліктерін ұғындыру.Күз өнімдерімен таныстыру,олардың ағзаға пайдасын түсіндіру.Мерекелік көңіл-күй орнату.Балаларды ән салуға,би билеуге,бейімдіктерін арттыру.Шығармашылық ой-қиалдарынының дамуына ықпал ету.

1-жүргізуші: Қарсы алайық бәріміз

Жасымызбен кәріміз

Қырдан кепті қыдырып

Алтын күз бізге нұр беріп

Армысыздар құрметті ата-аналар,ұстаздар. Бүгінгі күз мезгіліндегі ең тамаша «Алтын күз» атты ертеңгілігімізге қош келдіңіздер. Ел байлығын арттырған,сары алтындай сары күз бізге дәмді жемістерін,қамбағы толы астығын сыйлады. Ендеше «Алтын күз» атты ертеңгілігімізді бастайық.Ортаға ду -қол шапалақпен « Мектеп алды даярлық» тобын қарсы алайық.

Балалар ішке билеп кіреді.

2-Жүргізуші: Сәламатсыздар ма, құрметті ата-аналар,балпандар!Мен сіздерге жұмбақ жасырайын табуға дайынбыз ба?

Балалар: Иа

2-Жүргізуші: Бұлттар төніп

Жерге шөгіп

Дымқыл тұман басады

Өңі тайып

Дала нұры қашады

Айтыңдаршы балалар

Бұл қай кезде болады?

Балалар: Күз мезгілі.

2-Жүргізуші: Күз иезгілінде неше ай болады?

Балалар: 3-ай

2 жүргізуші : Кәне атап өтейік.

Балалар: Қыркүйек,қазан,қараша.

-Балалар қараңдаршы айнала қандай әдемі

-Керемет мынау нелер?

Балалар: Жапырақтар

2 жүргізуші: Айнала қандай түске боялып тұр?

Балалар: Сары түске

Жүргізуші: Бүгін біз балалар барлығымыз күз мерекесіне жиналдық. Қонақтарда келіпті. Бірақ, біздің мерекеге біреу жетіспей тұрған сияқты. Сендер білесіңдер ме ол кім?

Балалар; Ол күз

1-Жүргізуші: Ендеше күзді ортаға шақырайық

Балалар; Берекелі күз келді, мерекелі күз келді.

Күз: Сәлеметсіздер ме балалар

Балалар: Сәлеметсіз бе, Алтын күз!

Күз ханшайымы:

Уа, халайық, дархан далам армысың

Табиғатым жаны жайсаң тал мүсін

Ханшайымы күздің бүгін келіп тұр

Алмақ болып, бал халқымның алғысын.

1-жүргізуші: Қощ келдің, күз ханшайымы, біз сізді асыға күттік

Күз: Менде сендерге асығып келдім.

2-жүргізуші: балалар, табиғаттың бізге берер байлығы мен берекесін сыйлайтын сары алтын күзіміз тағы келді. Жылдың қай мезгілін алсақта. Табиғат өз ерекшелігімен сұлу болып көрінеді. Табиғатты сүйіп, оны аялап күту әрбір адамның міндеті. Өйткені бізді қоршаған табиғат аман болса, біз де әрқашан көңілді боламыз.

2-жүргізуші; Қызыл жасыл,сары алтындай

Жапырақтар күздің көркі

Ән салайық,би билейік

Күз әніне қосыла –деп «Күз келді» әнін тыңдаңыздар.

Ән; «Күз келді

2-жүргізуші : Жарайсыңдар балалар.

1-жүргізуші; Балдырғандар бүгінгі

Еркелігін тастайды

Күз туралы сіздерге

Тақпақтарын бастайды – деп балалардың мерекеге арнап дайындаған өлең шумақтарына назар аударсақ.

Марлен; Қара бұлт қабағын түйеді

Бұталар боз қырау киеді

Осы ма, осы ма күз деген

Бақшаға баратын бізбенен.

О Ибрахим: Гүл жайнаған даланың

Жапырағы солыпты

Таңырқадым қарадым

Танымастай болыпты.

Нұрислам:

О. Алақай тамаша

Шашу шашады жапырақ

Бақтың іші алаша,

Аунар ма еді жатып ап!

Айлина: Астық жеміс жиылды,

Қамбамызға құйылды

Ардақты күз мың алғыс

Алдық өнім сыйыңды.

1-жүргізуші: Жарайсыңдар,балалар.Балалар тыңдайықшы бір дыбыс шығатын сыйақты.Қоян даусы.

Қоян: Сәлеметсіздер ме балалар, Көңіл күйлерің қалай, менің көңіл күйім онша болмай тұр, себебі Қыс мезгілі келе жатыр, ал мен көжектеріме сәбіздерін жинай алмай қалдым.

1-жүргізуші: Сәлеметсің бе ,Аққоян біз сенің көжектеріңе сәбіз жинап беруге көмектесеміз. Ол үшін сенде бізге жемістерді көкөністен ажыратын жинап бересің бе?

Қоян: Жарайды балалар

2-жүргізуші: Ерте, ерте ертеде

Бау-бақшасы көп елде

Көкөніспен жемістер

Үлкен айтыс құрыпты.

Балалар олай болса қоянмен ойын ойнауға дайынбыз ба?

Балалар: иа

2-жүргізуші; Олай болса бұл ойынға екі ата-ана және торт бала керек. Әуелі 1-ші балалар екі топта екі арбамен жеміс жинап аламыз,келесі ойыншылар көкөністі,яғни сәбізді жинап алады. Ойын шарты: Балалар арбамен шалшық сулардың арасынан өтіп жемістерді көкөністерден ажыратып жинап шығу.Жиналған жемістен екі ата-ана шырын жасау керек

2-жүргізуші:Жарайсыңдар балалар.

Қоян: Балалар көп-көп рахмет маған көмектескендеріңізге мен орманға көжектеріме барайын.