Алтын қақпа лингвистикалық ойын авторлық бағдарламасы

Лингвистикалық ойыны

Авторлық жоба

ПАВЛОДАР 2020 ж

Авторы: Каппасова Алия Кадыровна

«Алтын қақпа»

Лингвистикалық ойыны

Көрнекілігі:

Ана тілі жайындғы кітаптар, даналық сөздер.

І Ұйымдастыру кезеңі:

Қайырлы күн құрметті оқушылар! «Өнер алды- қызыл тіл» деп Абай атамыз айтқандай, сіздер сөз өнері байқауы «Алтын қақпа» сайысын тамашалағалы отырсыздар. Бүгін біз «Алтын қақпа» лингвистикалық ойынында мақал-мәтелдердің тереңде жатқан қыр-сырына үңілеміз.

Ойын шарты бойынша қатысушылардың арасынан І кезеңннің ойыншысын анықтау үшін мынадай мақал-мәтел жасырамыз, жалғасын табыңыз:

Тойға барсаң – бұрын бар,

(бұрын барсаң – орын бар)

І кезең ойыншысын анықтадық.

Сізге сәтті ойын тілейміз. Ендеше, «Тас қақпаның» сұрағына жауап беріп көрелік.

Адамның жүзі – ақылдың айнасы.

Жүз сөзінің мағынасын ашыңыз (адамның бет әлпеті, өңі)

«Тас қақпамыз» ашылды. Ішінен күміс шашылды демекші, енді «Күміс қақпаның» сұрағына назар салайық.

Қонақ жаман болса,

Үй иесі қыдырады,

Үй иесі жаман болса,

Қонақ қыдырады.

Қыдырады сөзінің мағынасын ашыңыз, (билейді, басқарады).

«Күміс қақпаның » сұрағына дұрыс жауап бердіңіз, сізге «Алтын қақпаны» ашу үлесі тиіп отыр

Ақыл ағадан, ілтипат ініден.

Ілтипат сөзінің мағынасын ашыңыз (ықылас, пейіл, көңіл)

«Алтын қақпаның» сұрағына дұрыс жауап бердіңіз. Нар тәуекел деп аталатын «Алтын сандықты» ашасыз ба, әлде осыны қанағат етесіз бе? Алтын сандықтың ішінде екі конверт, біреуін ашайық. Сұрақ:

Жүрек – ер, бас – кемеңгер.

Кемеңгер сөзінің мағынасын ашыңыз (дана, данышпан)

ІІ кезең ойыншысын анықтау үшін мына жұмбақтың шешуін кім табады, сол ІІ кезең ойыншысы боп аталады.

Жоқ қолы, не аяғы,

Терезеге қонады,

Әсем ою ояды,

Көркем сурет салады. (Аяз)

ІІ кезең ойыншысын анықтадық.

Адамның әдемілігі – шыншылдығында.

Шыншыл сөзінің мағынасын ашыңыз. (турашыл, адал).

«Тас қақпамыз» ашылды. Ішінен күміс шашылды демекші, «Күміс қақпаның» сұрағына назар салайық.

Ақыл азбайды,

Әділдік тозбайды

Арамдық озбайды

Әділдік сөзінің мағынасын ашыңыз.(дұрыстық, шындық, жақсы ниет)

«Күміс қақпаның» сұрағына дұрыс жауап бердіңіз. Сізге «Алтын қақпаны» ашу үлесі тиіп тұр.

Ақылсыз адам менмен келер,

Ақылды адам кеңінен келер.

Менмен сөзінің мағынасын ашыңыз. (тәкәппар, өр көкірек, өзімшіл)