Алтын жапырақ төккен күз сабақ жоспары

«Алтын жапырық төккен күз»

Мақсаты:Балаларға жыл мезгілдерінің айырмашылығы барын түсіндіру.Күз айларының халыққа молшылық әкелетінін,қуаныш сыйлайтынын жеткізу.Табиғатты сүюге тәрбиелеу.Өнерге қызығушылықтарын арттыру.

Балалар әдемі безендірілген залға қолдарында жапырақтарымен келіп «Жапырақтар»биін билейді. Жүргізуші:Сәлеметсіздерме қадірлі ата-аналар,қонақтар!Бүгін «Ақкөгершін» ортаңғы тобының дайындаған «Алтын жапырақ төккен күз»атты мереклік ертеңгілігіне қош келдіңіздер! Ертеңгілігімізді ашып беруге балабақшамыздың меңгерушісі Г.Тажмаганбетованы шақырамыз. Жүргізуші: Бұлттар төніп,

Жерге шөгіп,

Дымқыл тұман басады.

Шөп сарғайып,

Өңі тайып,

Дала сұры қашады.

Бой жаза алмай,

Ойнай алмай,

Денең мұздап тоңады.

Бөбектерім айтыңдаршы,

Бұл қай кезде болады?-Балалар бұл өлең қай жыл мезгілі туралы айтылған? -Ия күз мезгілінде күн салқындап,құстар жылы жаққа ұшып кетеді, әлсін-әлсін жаңбыр жауады.Егістіктегі егіндер,бау-бақшадағы көкөністер,жемістер піседі.Сол себепті күзді молшылық айы ,жомарт күз деп атаймыз. Ендеше балалар күздің де бірнеше түрі болады екен.Қоңыр күз,Күрең күз,Алтын күз. –Біз бүгін қандай күзді тойлауға келдік? –Алтын күзді.

Ән: «Алтын күз»

Күз туралы тақпаққа кезек берейік.

Іңкар.А

Көк майсалы, көрікті

Алқаптағы көп егін.

Бұл күндері киіпті,

Сары жібек көйлегін.

Жел тынымсыз гуілдеп,

Болып кетті тым бұзық.

Шуылдайды тал терек

Жапырағын жұлғызып.

Кәмшат

Күзім-ау, күзім-ау,

Мінезің бұзық-ау.

Жаңбырың сіркіреп,

Келгенің қызық-ау.

Ғаламат

Ұшты талдан жапырақ

Сары көбелек секілді.

Аспанда жәй шатырлап,

Тамшы жерге секірді.

Барын беріп халыққа,

Жұмыстан соң қалжырап,

Дала ұқсайды алыпқа,

Дамыл алған маужырап.

Сұңғат

Берекесін сыйлауға,

Өлкемізге күз келді.

Жемістерін жинауға,

Шақырады біздерді.

Айзере

Алтын, сары, қызыл, көк,

Алуан-алуан жапырақ.

Күзгі бақта күлімдеп,

Көз тартады атырап,

-Балалар жаңа айттым егістіктегі егіндер пісіп,қамбамыз мол астыққа толады.Егін мол шықса адамдардың көңілі жайлы болады.Ендеше «Қайдан келдің келдің бауырсақ» диалогын тыңдайық.

Автор: Дастарханда шашылып,

Жатты аппақ бауырсақ.

Бауырсаққа қызығып,

Қарап тұрып көзін сап:

А.Іңкәр: Қайдан келдің бауырсақ?-деп сұрады қуыршақ

Ғаламат: Дүкеннен келдім нан сатқан,-Деді оған бауырсақ

А.Іңкәр: Дүкенге келдің қай жақтан?

Ғаламат: Наубайдан келдім нан жапқан.

А.Іңкәр: Наубайға келдің қай жақтан?

Ғаламат: Дирменнен келдім ұн жапқан.

А.Іңкәр: Дирменге келдің қай жақтан?

Ғаламат: Даладан келдім кең жатқан.

Жер анам менің көсілген,

Диқандар мені өсірген. -Қуыршақ, міне нанның бізге қалай келгенін түсіндің бе? –Балалар нан үлкен еңбекпен келеді ,нанды қадірлеуіміз керек,жерге шашуға болмайды,ысырап қылуға болмайды. –Рахмет саған бауырсақ,біздің балалар түсінді сенің еңбекпен келгеніңді.

Дән туралы тақпаққа кезек берейік.

Үмітхан

Жатыр дала жалтырап,

Жаз шуағын мол құйды.

Күн асында алтын дән

Тербеледі, толқиды.

Толықсыған тасқындай,

Көк жиекпен ұштасып

Күн астында ақ бидай,

Билейді қол ұстасып.

Айша

Жарып шыққан қауызын,

Дән-өмірлік азығың.

Жегеніңде ақ нанды

Нәрге толар ауызың.

Ерте тұрып ақ таңың,

Қара жерге нәр құйған,

Айналайын диқаннан,

Егін егіп, нан жиған.

-Балалар,тыңдаңдаршы бұл не шу.(Осы кезде әдемі әуенмен күз ханшайымы келеді.Қолында жеміс жеміс толы себеті бар)

Күз ханшайымы балалармен амандасады.

-Уа халайық ,дархан далам армысың,

Табиғатым,жаны жайсаң тал мүсін.

Ханшайымы күздің бүгін келіп тұр,

Алмақшы боп бар халқымның алғысын. -Мен күз ханшайымымын,сіздерді көргеніме өте қуаныштымын.

Жүргізуші:Қымбатты күз ханшайымы, біздің балалар шет шетінен өнерлі,әнде айтады,биде билейді,тақпақта айтады.Сіз жайланып отырып балалардың өнерін тамашалаңыз.

Би : «Құстар биі»

-Берекесін жинауға ,

Өлкемізге күз келді.

Жемістерін жинауға,

Шақырады біздерді. -Күз мезгілінде көкөністер мен жемістер піседі.Олар дәрумендерге бай болады.Үнемі тамаққа қосып жеп тұру керек,әйтпесе ауырып қаласыңдар.

-Жемістер мен көкөністер айтысына кезек береміз.

Ақжан (пияз)

Асханадан шықпаймын,

Атым-пияз, бұқпаймын.

Көзден жасты шығарып,

Тұмаудан бірақ сақтаймын.

Дамир (сәбіз)

Өсіретін бойыңды,

Дамытатын ойыңды,

Қоянғада азықпыз

Сәбіздерміз жазықсыз.

Ибрагим (шие)

Тіл үйірген шырынмын,

Жемістердің бірімін.