Ана аса қымбат жан тақырыбындағы балабақша ойыны

Қарағады облысы, Теміртау қаласы, №5 «Сәуле» бөбекжайы 1-санатты тәрбиеші: Бектемирова Құралай Жолдыбаевна

«Ана –аса қымбат жан!»

Жүргізуші: Қош келдіңіздер аяулы аналар, асыл әжелер, қызғалдақ қыздар. Сіздерді көктемнің алғашқы айында еліміздің барлық жерінде тойланатын

8 - наурыз әжелер, аналар, қыздар мейрамымен шын жүректен құттықтаймыз!Сіздерге әлемнің нұрын, өмірдің гүлін, көктемнің шуағын тілейміз! Мына жарық дүниенің мәні де, сәні де сіздерсіздер!

Бала:

Той пердесін ашайық,

Тойға шашу шашайық.

Аналарды құрметтеп,

Ән маржанын ашайық.

Жүргізуші:көктемнің алғашқы күндеріне арналған ертеңгілігімізді бастауға рұқсат етіңіздер.Зал іші мерекеге сай безендірілген. Балалар баяу әуенмен жүрекшелер ұстап кіреді.

Жүргізуші:

Армысың мейірімді аналарым,

Мейірбан аппақ көңіл даналарым,

Гүл көктемнің алғашқы мейрамымен,

Құттықтайды сіздерді балаларың-деп кезекті балаларымызға береміз.

Бала:Жеңге,мама,тәтені,

Қарындаспен пен әпкені.

Құттықтаймыз мейраммен,

Ақылшы дана әжені.

Бала:Жанымызды жайнатқан,

Сіздерсіз ғой аналар.

Зор денсаулық,мол бақыт,

Тілейміз біз балалар.

Бала:Сенен өскен балалар,

Батырлар мен даналар.

Құттықтаймыз мейраммен,

Құрметті ата-аналар.

Ән: «Көктем келді».

(Балалар отырады)

Музыка әуенімен Көктем келеді.

Жүргізуші:

Жер әлемді жайнатып,

Әнші құстарды сайратып,

Гүлге бөлеп даланы,

Әнге бөлеп қаланы,

Көрікті көктем келді

Көктем:

Сәлем менің достарым,

Қайта сізге оралдым.

Борандарды мен қуып,

Күн шуағын әкелдім.

Сендер мені күттіңдер ме?

Балалар:-Йә.

Көктем:Балалар мен сендерге жұмбақ жасырамын:

Еркелесең-күлімдейтін,

Ұрысқаны білінбейтін.

Маңдайыңнан иіскеп сенің,

Құлыншағым, күнім дейтін,

Ол кім,балалар?

Балалар: Ана!

Көктем: Дұрыс,ең қымбатты,ең нәзік,ең керек сөз ол-ана деген сөз екен. Сондықтан осы сөзді мен сендерге сыйлағым келіп тұр(жүрекшеде «ана»деп жазылған сөзді ұсынады)Бірақ сендер бұл сөзді жоғалтып алмаңдар!

Жүргізуші:Жарайды Көктем,бұл сөзді мен төрге алып қояйын.

(Үрейлі әуенмен залға Кикимора кіреді.)

Кикимора:Барлықтарың жиналып қалыпсыңдар ғой,ал мені,дүниедегі ең сұлу Кикимораны мерекелеріңе шақырмапсыңдар ғой. (айнаға қарап)

Мен де әйелмін ғой!Ендеше мен сендердің «ана» деген сөздеріңді орманға алып кетемін!(жүрекшені алып қашып кетеді)

Жүргізуші:

Балалар,енді не істейміз,мерекемізді «ана» деген сөзсіз қалай өткіземіз? Мүмкін Кикимораны тауып сазасын береміз?

Көктем:

Жоқ балалар,тұра тұрыңдар,расында да Кикимора әйел емес пе,оны құттықтауға ұмытып кетіппіз ғой,мен барып оны ерітіп келейін,біздің концертымызды тамашаласын,мүмкін сонда жібіп бізге…