Ана деген тіршіліктің тірегі 9 сыныпқа арналған

9 «Б» сыныбы 2.03.2019

Тақырыбы: Ана деген тіршіліктің тірегі

Мақсаты: Ана - өмірдің шуағы, ана - өмір гүлі, анаға тек ұлылық тән екенін ұғындыру. Анаға деген бала махаббатын ояту: Анасын сүю арқылы еліне, жеріне деген сүйіспеншілігін арттыру. Оқушыларды аналардың еңбегін бағалай, құрметтей білуге тәрбиелеу.

Сабақ барысы

Фанфары.

Оқушылардың сахнаға шығуы. (ай секілді дөңгеленіп тұрады да орталарына екі жүргізуші келіп тұрады).

Қалдықұл Ару «Шеше» мәнерлеп оқу

«Анам мен әкем» әні хор

І-жүргізуші:

Қош келдіңіздер аяулы аналар, асыл әжелер, қызғалдақ қыздар. Көңілдеріңізге көктем шуағындай, сезім мен нұр құйып 8-наурыз халықаралық әйелдер мерекесі де келіп жетті.

ІІ-жүргізуші:

Осынау көктем мерекесінің қай кезде де орны бөлек. Өйткені аналарға ыстық сезім, алғыс пен құрмет ешқашан сөнбек емес. Себебі, ана өмірдің гүлі көңілдің жыры әр отбасының алтын діңгегі. Ендеше көктемнің алғашқы күні аналарымыздың мерекесіне арналған «Ана деген тіршіліктің тірегі» атты мерекелік кешімізді бастауға рұқсат етіңіздер.

І-жүргізуші: Ардақты аналарымыз! Сіздерді мерекелеріңізбен шын жүректен құттықтаймыз. (Құттықтаймыз 3 рет хормен)

ІІ- жүргізуші:

Құттықтау сөзді сыныбымыздың жетекшісі: Тоқтарбаева Айнұр апайға береміз

Апай:

Аяулысың, ауылымның асылдары,Жайнасын көңілдердің жасыл бағы.Сендер үшін ән менен күй, өлең мен би,Сендер үшін мереке шашулары,- дегендей, ардақты аналарымыз, бүгінгі шырқалар ән мен жыр, бар өнеріміз Сіздерге арналады.

Аружан:

Әр адам көзін ашып дүниеге келгенде мейірімді, жүрегі жылы жанды көреді. Ол – ана. Қанаттыға қақтырмай, тұмсықтыға шоқыттырмай бауырына басып, біз үшін жанұшыра шырылдайтын да – Ана. Әрқашан дұрыс, таза жүр, адал бол деп тілейтін де – Ана. Ана дегенде сөзге келмейтін тіл, лүпіл қақпайтын жүрек, мөлтілдемейтін жанар жоқ. Балаға анадан артық, анадан қымбат жан жоқ.

Мақсат:

Тіршілікке нәр берген ана сүті қандай құдіретті. Әлемдегі жақсылық көзі, адамдық қасиет, ақ тілек мейірбандықтың бәрі ана деген сөзбен астасып жатыр.

Алдияр:

Әйел-Ана, Әйел-Өмір, Әйел-тіршілік өзегі. Өмір бесігінде іңгә тербетіп, адамзат баласына ұрпақ сыйлар ұлы құдірет иесінің есімі әрқашанда қастерлі, сөзі-өсиет, тұғыры биік. Алтын құрсағынан адамзаттың алабы жаратылған асыл ананың жүрегі үлкен, жүзі мейірімді, қолы қайырымды.

Аяулым:

Көңіл шуағына мейірім төгілген аяулы жанның өмірден алар несібе жемісі-алтын босағасы мен сүйкімді перзенті болар. «Анаңды Меккеге үш рет арқалап апарсаң да қарызыңнан құтыла алмайсың» деген ұлы ғұламалардың сөзі бар. Шынымен солай.

Жұлдыз:

Адамзат жүріп өткен небір ауыр жол, алмағайып заманнан ұрпағын аман-есен бүгінгі күнге жеткізген әйел-ана құдіретін жырмен өрнектеп, әнмен әлпештеп, сөзбен айтып тауысу мүмкін емес. Ана-болашақтың демеушісі,ұлттың жебеушісі,сәбилердің бақыты.

Бағдаулет: