Ана мен қыз тақырыбында тәрбие сағаты 2-сынып

06.03.2018 ж.

Тәрбие сағаты

Тақырыбы: Өнегелі ана, өнерлі қыз

Мақсаты:

Оқушыларға ұлттық құндылықтарымыз арқылы салт-дәстүрлер мен әдет-ғұрпымызды ардақтауға тәрбиелеу.

Көрнекілігі: нақыл сөздер ,плакаттар, гүлдер,шарлар.

Ұйымдастыру

Психологиялық дайындық

Егер сен бақытты болсаң...... ағылшын тілінде айтады.

Мұғалімнің құттықтау сөзі

Ән: Анашым,анажаным

Орындайтындар: Мейрамбек пен Арай

1-жүргізуші: Мадияр

Қайырлы күн халайық, өнер сүйген,

Көрермендер көңілге көп ой түйген.

Құттықтаймыз арулар, аналарды,

Сый тартайық әсем ән, тәтті күймен.

2-жүргізуші: Мейрамбек

Жыр арнайық оларға жігері ассын,

Гүл арнайық көңілі шалқып тассын.

Сыр арнайық жүректі жарып шыққан

Нұр арнайық қуатын беріп жастың.

1-жүргізуші: Мадияр

Құрметті ұстаздар, аяулы да, ардақты асыл аналар және ару қыздар!

Сіздерді алда келе жатқан 8-наурыз мерекесімен шын жүректен құттықтаймыз!

Сіздердің отбастарыңызға амандық, дендеріңізге саулық, бастарыңызға бақыт тілейміз.

2-жүргізуші: Мейрамбек

Бүгін мерекеге орай өткізілгелі отырған қыз балалар мен олардың аналарына арналған «Өнегелі ана, өнерлі қыз» атты сайысқа қош келдіңіздер. Бұл сайыста қыздар мен аналар өз өнері, білімі, шеберліктерін көрсетіп сынға түскелі отыр.

1-жүргізуші: Мадияр

Ендеше сайысымызға қатысушы сайыскерлерді ортаға шақырайық.

1. «Гүлдер» тобы Қаршыға Назерке анасымен

2. «Арулар» тобы Салимова Арыужан анасымен

3. «Қызғалдақ» тобы Шикалова Шапағат анасымен

4. «Жауқазын» тобы Амырханова Айсүйкім анасымен

5. «Бәйшешек» тобы Куанышова Гаухар анасымен

Алдымен сайыскер ару мен аналарымыздың ішінен білімі мен білігі, бағы мен бабы қатар жанған жандарды дәл анықтап беретін әділ-қазы алқасымен таныстырып алайық:

2-жүргізуші: Мейрамбек

Ендеше сайыскерлерді сайыстың шарттарымен таныстырып өтейік.

Сайыс 5 бөлімнен тұрады.

1. «Сәлем – сөздің анасы» (өзін таныстыру)

2. «Өнерлі өрге жүзер»( өз өнерлерін көрсетеді)

3. «Шебердің қолы алтын» (ою өрнек үлгісін қияды)

4. «Сән үлгісі» сайыскерлер өз сән үлгілерін көрсетеді.

5. Үй тапсырмасы (жасап келген тағамдарын аналар түсіндіріп береді)

1-жүргізуші: Мадияр

Сәлемдесу атадан қалған салтымыз,

Осы салтты ұстанады халқымыз.

Сайыскерлер өнерді сал ендеше,

Амандасып көріңіздер өзгеше, - дей келе сайысымыздың алғашқы шарты

«Сәлем – сөздің анасы» бөліміне кезек береміз.

2-жүргізуші: Мейрамбек

Құрметті қазылар алқасы өз бағаларыңызды берсеңіздер.

Бағаларын айтады