Ана өмір шуағы тақырыбындағы сегізінші сынып сағаты

Тақырыбы: Ана-өмір шуағы

(8- Наурыз «Халықаралық әйелдер күні» мерекесіне арналған сынып сағаты)

Мақсаты: Аналар мерекесі қарсаңында асыл аналарды құттықтау, оқушылардың бойына адамгершілік деген асыл қасиетті сіңіру.

Көрнекілігі: Интерактивтік тақта, шарлар, ұлағатты сөздер жазылған плакат. Барысы

1. Құрметті- асыл аналар,

Қырмызы қызғалдақ- қыздар!

2. Қар астынан қылтиып шыққан қызғалдақтай болып, келіп қалған, гүлдей құлпырған мерекелеріңіз, күн мерекелеріңіз құтты болсын!

Слайд видео 8 наурыз аналарға арналған

Ана әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы. Мен ана деген сөзді қанша айтсам да жалықпаймын. Өйткені ол дүниедегі ең ардақты жан. Ана баланы тоғыз ай көтеріп, толғатып, дүниеге келтіріп қана қоймайды, оны көзінің қарашығындай қорғап, аялап өсіріп аяғынан тік тұрғызады. Өмір есігін жаңа ашқан баланың бойына елінің рухын сіңіретін, жылауын қойғызатын ана. Ана баланың амандығын бақытты, абыройлы болуын тілейді. Бойымыздағы ең жақсы қасиеттер бізге алдымен анадан тарайды. Қайран ана, өз перзентін әдемі не ұсқынсыз, ақылды не ақымақ, мейірімді не рақымсыз, кесір-қырсық болса да бәрібір шексіз сүйеді. Дүниеде ананың көз жасынан салмақты, одан ауыр таразы басын басатын ештеңе жоқ. Өйткені ананың көз жасы өзінің киесімен ауыр. Алайда «Ананың көңілі-балада, баланың көңілі -далада» демекші, өзінің перзентік борышын ұмытқан, сөйтіп ата-анасын сыйламайтын адамдарды да өмірден кездестіруге болады. Ана-тіршіліктің гүлі, отбасының берекесі, бүкіл адамзаттың тәрбиешісі. Анасы жоқ балалар да аз емес. Олар ананың мейірімін, аялағанын ешқашан сезген емес. Ендеше, анамызды сыйлап, құрметтейікші достар! Қош келдіңізд

Аналарға арналған жыр шумақтарына кезек берсек.

Видео ана туралы ролик. Айдана мен Аяулым өлең оқиды

"Əке, əке, сен айтатын жақсы сөздер көп еді,

Айтшы енді, ана жайлы ең жақсы сөз не?" деді,

Ана жайлы...

Ана жайлы пайғамбарлар сəлемі,

Ана жайлы ақындардың өлеңі.

Ана жайлы - қара жердің төзгені,

Ана жайлы - уақыттың безбені,

Ана жайлы айтылмаған бір сөз болса əлемде,

Ол да ананың айта алмаған сөздері.

Ана жайлы жақсы сөзді есту үшін тыңдағын,

Тыныштықты, Тауды, Көлді, Ай сəулесін, Күн нұрын,

Ана жайлы сенің тəтті қиялдарың, арманың,

Ана жайлы менің барлық шындығым.

Мен айтатын жақсы сөздер көп еді,

Мен де анамды жақсы көрем, себебі!

Білесің бе, бұл əлемге адамдар,

Ана жайлы айту үшін келеді!

Адамзаттың ең бір асқақ бар əні,

Жыр еткемен, пір еткенмен ананы,

Бұл өмірді қалай сүріп өткені –

Ана жайлы айтқан сөзі болады.

Ана жайлы - кең дүние - бесігің,

Ана жайлы аманат пен кешірім,

Анаң үшін ең жақсы сөз дүниеде - ол, сенің есімің!..Асыл анам, нұр шашқандай келбетің,Сенсіз басып жүре алам ба жер бетін?Бір қолыңмен балаң жатқан бесікті,Бір қолыңмен ұлы әлемді тербеттің. Ана, жаным, жүре берші қасымда,Сен өтпеген, бәлкім, осы асу ма?Әркез маған бата беріп жол нұсқап,Айтатынсың: «Құлыным-ау, жасыма!».Оқушылардың сіздерге арнаған өнерін тамашалаңыздар.

1. Қыздар. Слайд ана (көрсету)

2.Ұлдар

Мерейлі сәт мерекеге ұласып,

Сегізінші наурыз келді қыр асып.

Қыз- келіншек, нәзік жандар мейрамы-

Көктемімнің шапағатын тұр шашып.

Құттықтаймыз аналарды, қыздарды,

Мерекеден шуақты бір із қалды.

Болсын әркез көтеріңкі көңілдер,

Нұрын шашсын мерекеге өңірлер!

Дүниеде ең кемеңгер дананы,

Ана табады, аялайды бағады.

Сол үшінде құдіретіңе бас иіп,

Құрметтейік қасиетті – ананы