Ана өмір шуағы тақырыбындағы тәрбие сағаты

« Ғ. Абдуллин атындағы орта жалпы білім беретін мектебі»

КММ жанындағы жатақхана.

Тақырыбы:

«Ана – өмір шуағы»

\8-наурызға арналған мерекелік кеш\

Дайындаған: тәрбиеші А.Ж.Есенова

2018-2019 оқу жылы

Мақсаты: 8-наурыз аналар мен қыздар мерекесін атап өту. Отбасының берекесі, бүкіл адамзаттың өмірі, өмір гүлі – аналарды, нәзік жанды ару-қыздарды сыйлауға тәрбиелеу. Қыз балаларды өнерлі, инабатты, ақылды да парасатты болуға баулу. Ер балаларды қыз балаларға қамқор, жанашыр болуға, қыздарды сыйлауға, құрметтеуге машықтандыру.

Көрнекілігі: гүлдер, шарлар, тақырып атауы.

Өтетін орны: Жатақхана

Түрі: мерекелік кеш

Барысы: І Ұйымдастыру

ІІ Негізгі бөлім

жүргізуші: Армысың асыл халқым, дана халқым,

Жанбыз ғой берік ұстар қазақ салтын.

Сол салттың бір тармағы сәлемдесу,

Аман ба, үлкен-кіші, барша жалпың?

-Міне, көгілдір көктем де келіп жетті. Қар еріп, жылғалардан су ақты. Көктем жаршысы бәйшешектер бүр жарды. Жыл құстары да келе бастады. Олармен бірге көктемнің алғашқы мерекесі-8 наурыз –Халықаралық әйелдер күні-аналар, әжелер, қыздар мерекесі де келді! Ана-өмірдің гүлі, отбасының берекесі, бүкіл адамзатқа өмір сыйлаушы. Олай болса, жатақхана тәрбиеленушілерінің «Ана-өмір шуағы» атты мерекелік кешіне қош келдіңіздер!

Алғашқы құттықтау сөзді: Мектеп басшысы Гүлсара Қисашқызына беріледі.

Тамылжытып бұлбұл құс ән салғанда,

Ұйып тыңдар құстар да ну орманда

Ал енді қошеметтеп қарсы алыңыз,

Алдарыңызда Аида қыздарыңыз. Ән: «Бақытты әйел»

жүргізуші: Ана деген-асқақ ән,

Орындайтын әрқашан.

Анадай қымбат сыйлықты

Таба алмайсың ешқашан.

Ана-деген ақылшың,

Анаң барда батырсың.

Қасыңда кім болса да,

Тек анаңа жақынсың! Би: «Лалалэй»

жүргізуші: Ана-біздің елде ардақты адам,

Кіші де, үлкен де оны ардақтаған.

Өзінің аяулысы-Отанды да,

Ана деп біздің халық текке айтпаған. М.Мақатаев «Шеше сен бақыттысың»

жүргізуші: Ана-біздің күніміз,

Ананың біз гүліміз.

Ұландарды қуантып.

Ұзақ өмір сүріңіз! Ән: «Аналардың тілегі»

жүргізуші: «Өнерлі өрге жүзеді» деген халық даналығы бар. Ендеше 8-наурыз мерекесіне орай ұйымдастырылған «Көктем аруы» сайысын тамашалаймыз.

жүргізуші: Келбетіңде ұлылық,

Даладан кең пейілі.

Ана деген-жылылық,

Ана деген-мейірім.

Ақыл құйған санама,

Күннен де артық, расында.

Күн алыста, ал анам,