Ана өмір шуағы тәрбие материалы мектепалды даярлық

Сабақтың тақырыбы:Ана – өмір гүлі!

Сабақтың мақсаты:

Ана жайлы ұлағатты сөздер, өлеңдер, мақал-мәтелдер арқылы анаға сүйіспеншілікпен қарауға, ана мейірімін, махаббатын,

жақсылығын түсіндіру.

2. Балалардың ойлау,есту, есте сақтау қабілетін дамыту.

Балаларды аналарын құрметтеуге, сыйлауға тәрбиелеу.

Сабақтың әдісі: Түсіндіру, сұрақ - жауап

Сабақтың көрнекілігі: суреттер, қанатты сөздер.

Сабақты барысы:

І.Ұйымдастыру кезеңі.

Оқушылармен амандасып, назарларын сабаққа аудару.

І. Негізгі бөлім

1.Кіріспе.

Ана! Ана десе толқымайтын жүрек, тасымайтын қан, тербелмейтін сезім болмауы мүмкін емес! Қазақ әйел затын ерекше қастерлеген. Өмірдің ащы-тұщысын көріп, ысыла білген, тұяғы тасқа салса кетілер, суға салса жетілер деген оймен ұлын жел өтінде ұстаса, қызын аз күндік қонағым, алтынның сынығы, шұғының қиығы деп бөркінің төбесіне үкі қадап, үлпілдетіп өсірген. Міне, жыл аралатып көктемнің алғашқы күндерімен келетін «8 наурыз мейрамы құтты болсын!» демекпін.

Ана – әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы.

Ана – жүрек, жүректі құдіретте,

Ана – тірек, тіректі құрметте.

Ана – шыңың, шыңыңа сағынып жет,

Ана – күнің, күніңе табынып өт.

Расында да адамның әдептілігімен жан дүниесінің сұлулығы ең алдымен балағы ақ сүтін беріп, әлпештеп өсірген ана жүрегінің жылуынан басталады. Бойымыздағы ең жақсы қасиеттер бізге алдымен анадан тарайды. Ананың нәзік үні, жұмсақ та аялы алақаны, жан жылуымен аялы бізді әлдилеп жұбатады, көңілімізді сергітеді. Қайран ана өз перзентін әдемі не ұсқынсыз, ақылды не ақымақ, мейірімді не рақымсыз, кесір – қырсық болса да бәрібір шексіз сүйеді. Дүниеде ананың көз жасынан салмақты, одан ауыр таразы басын басатын ештеңе жоқ. Өйткені ананың көз жасы өзінің қасиетімен ауыр. Дүниеде анасыз адам жоқ. Қаламы жүйрік жазушы да, данышпан ғалым да, ел басқарған көсем де, күміс көмей әнші мен мың бұралған биші де анадан туып, соның көкірегінен нәр алып өскен. Ана – тіршіліктің гүлі, отбасының берекесі, бүкіл адамзаттың тәрбиешісі. Анаға қанша мақтау айтсақ та жеткіліксіз. Сыныптас достарымның ана туралы өлең шумақтарына кезек беремін.

Жыр – шумақ.

Балалардан ана туралы тақпақтар сұрау.

Мақал – мәтелдер.

Енді мақалды жалғастыру ойынын ойнайық. Мен алғашқы жолын айтамын, сендер мақалды аяқтайсыңдар.

Мақал – мәтел жарысы:

Анасын сүйгеннің баласын сүй.

Ананың көңілі балада,

Баланың көңілі далада.

Ананың сүті – бал,

Баланың тілі – бал.

Анаңды меккеге үш рет арқалап апарсаң да қарызыңнан құтыла алмайсың.

Атадан өсиет,

Анадан қасиет.

Атасыз үй батасыз,

Анасыз үй панасыз.

Ағайын алтау,

Ана біреу.

Ана сүтін ақтамағанды,

Ешкім жақтамайды.

Ата – асқар тау,