Ана өмір шуағы тәрбие сағаты 3 сыныпқа арналған

«Ана – өмір шуағы»

Сабақтың мақсаты: Оқушыларға 8 наурыз туралы түсінік беру. Балаларды барлық аналарға деген сүйіспеншілікке баулу, ана еңбегін ардақтап, құрметтей білуге тәрбиелеу. Оқушылардың логикалық ой-өрісін, тіл байлығын, сөздік қорын, ойлау қабілетін дамыту.

Түрі: ашық тәрбие сағаты

Көрнекілігі: нақыл сөздер, аналарының фотосуреті, үнтаспа, сыйлықтар, шарлар т.б.

Той пердесін ашайық,

Тойға шашу шашайық.

Аналарды құрметтеп,

Ән маржанын шашайық.

Сіздерден өскен балалар,

Батырлар мен даналар.

Құттықтаймыз мейраммен,

Құрметті аналар!

Ән: «Құттықтаймын мама»

Мұғалім: Адам бойындағы барлық жақсы қасиет күннің нұрынан, ананың сүтінен таралған. Сондықтан құрметті асыл аналар, апайлар, қызғалдақ қыздар бүгінгі «Ана – өмір шуағы» атты ертеңгілігімізді сіздерге арнаймыз.

Балалар, сендер білесіңдер ме, дүниедегі ең сұлу жан кім?

Дүниедегі ең сұлу адам ол – біздің анамыз.

Біздің анамыз – бар тілегін перзентінің жолына арнаған әлемдегі ең мейірбан ана!

Ана – жанұяның ұйтқысы.

Ана – өмір нұры.

Ия, бүгін мақтасақ – тіршіліктің бұлағы – әйел ананы мақтайық.

Ана – өмір шуағы.

Бізге қажымас қайрат беретін ана. Қожа Ахмет Яссауи мен Абай Құнанбаев, Махамбет пен Исатай, Мағжан мен Қайрат, Нұрсұлтан мен Тоқтар – аналардың ұлдары, бәрі ананың сүтінен нәр алған.

1-оқушы:

Менің әжем, гүл әжем,

Алтын әжем, күн әжем.

Апам үшін мен үшін,

Нағыз ана сіз – әже.

2-оқушы:

«Балапаным» дейді әжем,

«Балақаным» дейді әжем.

Ұзақ күнге бүкшеңдеп,

Біздің қамды жейді әжем.

Ән: «Әже туралы»

3-оқушы:

Әлпештеген баласын,

Ана – бақыт, ана күн.

Әркім сүйіп өзінің,

Мақтан етер анасын.

4-оқушы:

Айтсаң болды, тіл алам,

Әйбат мамам, ай мамам.

Сені көрсем қуанам,

Сен керексің қайда да.

Ән: «Анаға сәлем».

5-оқушы:

Ұстаздардың ұлағатты сөзінен,

Өмір бойы таусылмас нәр аламыз.

Ұстаздардың мейірімді көзінен,

Бізге деген жылылықты табамыз.

6-оқушы:

Мұғалім, ғазиз мұғалім –

Сарқылмас мәңгі бұлағым!

Ұланның бүгін тойында,

Арналды саған бұл әнім.

Ән: «Ұстазым».

7-оқушы:

Кеудемнен сезім селі ақтарылсын,

Болармын күні ертең-ақ мақтанышың.

Білім алып, тер төгемін еңбек етіп,

Өзіңнің сезіміңді ақтау үшін.

8-оқушы: