Ана өмірдің шуағы тәрбие сағаты 1 сынып

Тақырыбы: Ана - өмірдің шуағы.

Мақсаты:

1. Оқушыларға ана туралы ананың өмірде алатын ерекше орны туралы мағлумат беру.

2. Ананың еңбегін ақтауға, анаға деген сүйіспеншілік, ананы құрметтеп сыйлауға тәрбиелеу.

Әдісі: Әңгімелеу, түсіндіру, сұрақ-жауап.

Көрнекілігі: Интерактивті тақта слайд, гүлдер, шаралар,нақыл сөздер.

Барысы:Ұйымдастыру.

Мұғалімнің сөзі:

Ана – барлық өмірдің бастауы. Ол адамды өмірге әкеледі, оны тәрбиелейді, өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана – ұлы адам. Ана құдіретті жан, ендеше бүгінгі біздің «Ана – өмірдің шуағы» атты тәрбие сағатымызға қош келдіңіздер.

Ана бұл аяулы да мейірімді жан. Баланың тілі шыққаннан-ақ бірінші сөзін ана деп атайды. Өмірдің есігін ашқаннан соң осы өмірдегі өзіңнің жан анаңды көресің.

Адамды дүниеге әкелетін, өмір сыйлайтын құдіретті ана емес пе?

Сол құдіретті иесінің алдында бәріміз де бас июге тиіспіз.

Хормен:

Ақ сүтінен жаралған,Ақ сүтінен нәр алған,Анаға бас иеміз!

Мұғалім:

Адамзат ең алдымен ана алдында қарыздар. Ана қарызы алтынға бөлеуді, ақ орда салуды қаламайды. Ана баласының ер жетіп, адам болуын қалайды.

Ана баласының қорғаушысы емес, ол бүкіл адамзат атаулының амандығын тілейді.

1 оқушы:Ана десем – алғыс алам халқымнан!Ана десем – теңіз балам шалқыған.Ана десем – ашылады қабағым,Ана десем – әділдікті ұғамын.2 оқушы:Дүниеде ең кемеңгер дананы,Ана табады, аялайды бағады.Сол үшінде құдіретіңе бас иіп,Құрметтейік қасиетті – ананы.

3 оқушы:Ана – өмірдің қуанышы жүрегі,Бала оның жұбанышы жүрегі.Ана алдында ел жауы да бас иген.Олар дәйім тыныштықты тілейді.

4 оқушы:Ана дейміз бәрімізде анқылдап,Ана дейді сәби де жарқылдап.Ана деген – бәйтерегі өмірдің.Ана деген – алтын қазық, алтын бақ.

5 оқушы:Ана десем сезім білер тым ыстық,Жарасымды адамдарға туыстық.Бар адамға берсе ананың мейірінОрнар еді бар әлемге тыныштық.

6 оқушы:Ана - деген асыл сөз,Құрметтей біл, сен оны.Анадай адам табылмас,Араласаң әлемді.Ардақтай біл сен оны,Баға жетпес адамды.Қадірлеймін әрқашан,Ақ жаулықты анамды.

7 оқушы:Анам менің – сарқылмайтын бұлағым,Анам – менің таусылмайтын жыр – әнім.Анам сенің күлімдеген бейнеңді,Түсімде де жиі көріп тұрамын

8 оқушы:Құрметтейік, о адамдар аналардыБізді өмірге әкелген даналарды.Себебі ана деген асыл жан ғойОйлауменен істелік әр қадамды.

Мұғалім:

Өмір бесігінде бала тербетіп, адамзат баласына ұрпақ сыйлап ұлы құдірет иесінің есімі әрқашанда қастерлі сөз – өсиет, тұғыры биік.

Алтын құрсағынан адамзаттың алабы жаратылған асыл ананың жүрегі үлкен, жүзі мейірімді, қолы қайырымды жан.

Бойыңа бар сұлулық жиылғандай,Мүсінің ақ мәрмәрдан құйылғандай.Жарқ етіп шыға келген ел алдында.Биші қыздар ғажап еді биің қандай.

«Мама Мариа» биі

Мұғалім:Ана деген адамға АтамекенӘр адам анаменен адам екенӘн: Анашым қартаймашы Орындайтын: 1 в сынып оқушылыры Анама Ф.Оңғарсынова (мәнерлеп оқу.). Оқитын Жақсыбай Нұрбану

Мұғалім:

Ана – өмірдің жыры тіпті айта берсең сөз жетпейді. Әйел бір қолымен бесікті тербетсе, екінші қолымен әлемді тербетеді деген екен бір ғұлама.

Олай болса бейне роликке бир сәт назар аударайық.

Біздің жігіттер биі

Мұғалім: Расында да бар әйел қауымынсыз мына әлемді елестету мүмкін емес. Бүгінгі қоғам өмірінің әйелдер араласпайтын саласы жоқ десе де болады. Бірі ғалым, бірі саясаткер, енді бірі дәрігер, кәсіпкер, тізе берсең жалғаса береді. Солардың бірі осы отырған аяулы ұстаздар:

9 оқушы:Адамзат қуат алар ақ сүтіненМәпелеп әлдилеген пейілің кең .Аналық махаббатың – кәусар бұлақСөнбейтін ақ жүрегің – мәңгі шырақ.

10 оқушы:Өмір иесі сен, ғазиз Ана,Келтірген дүниеде нелер дана.Анасыз батыр да жоқ, ақын да жоқ,Өмірдің алтын кілті сонда ғана.

11 оқушы:Алтын анам жасымнан аялаған,Мен үшін игілікті аямаған.Сабақтан шаршап үйге келгенімде.Бал сөзі жаным деген сая маған.

12 оқушы:Өзіңсің сүйікті анам, құдіретім,Жанымды жадыратып күлдіретін.Сендей маған деген мол мейірімді,Нұр толы қос жанарың білдіретін.

Көрініс: Ата мен бала.

Ассалаумағалейкум ата.

Уағалейкүм ассалам балам.

Кел отыр балам.