Ана – өмірдің шуағы тәрбие сағаты 2 сыныпқа

Тақырыбы: Ана - өмірдің шуағы.

Мақсаты: Ана - өмірдің шуағы, ана - өмір гүлі, анаға тек ұлылық тән екенін ұғындыру. Анаға деген бала махаббатын ояту: Анасын сүю арқылы еліне, жеріне деген сүйіспеншілігін арттыру. Оқушыларды аналардың еңбегін бағалай, құрметтей білуге тәрбиелеу.Барысы:.1 - жүргізуші: Құрметті асыл аналар мен әжелер және қыздар!Сіздерді көктемнің алғашқы айында тойланатын 8 - наурыз мерекесімен шын жүректен құттықтаймыз.

2 - жүргізуші: Сіздерге әлемнің нұрын, өмірдің гүлін, көктемнің шуағын тілейміз. Мына жарық дүниенің мәні де, сәні де сіздерсіздер!1 - жүргізуші: Ананың тілегі, ананың жүрегі, ананың махаббаты, ананың ыстық құшағынан қасиетті ештеңе жоқ. Ең ыстық күннің нұры да, ананың шапағат мейіріміне жетпейді.2 - жүргізуші: Иа, Фатих, дұрыс айтасың. Анаңды Меккеге үш рет арқалап барсаң да, қарызын өтей алмайсың.1 - жүргізуші: Иә, Медина. Біздің әрқайсымыз үшін өмірдегі ең жақын, ең әзиз жан ол – анамыз.2 - жүргізуші: Бүгінгі 8 - наурыз – аналар мерекесіне арналған «Ана - өмірдің шуағы» атты мерекелік кешімізді бастаймыз.! Барлық өнеріміз, аналар, сіздер үшін!1 - жүргізуші: Бүгінгі мейрамда көктемдей көңіл сыйлайтын оқушыларымыздың аналарға арнаған өлең шумақтарын қабыл алыңыздар.

Міржақып Дулатов «Шешенің балаларын сүюі» 1. Кім сендерді, балалар, сүйетұғын, Қуанышына қуанып, қайғыңа - күйетұғын?- Түн ұйқысын төрт бөліп, кірпік қақпай,Шешең байғұс дамылсыз жүретұғын. 2. Кім сендерді, балалар тербететін, Еркелетіп, ойнатып, сергітетін? - Жалқау болсаң, балалар, жаман болсаң, Қамқор анаң көз жасын көлдететін. 3. Кім сендерді сағынар шетке кетсең, Ғылым іздеп, тез қайтпай, көпке кетсең?

-Бетін жуған жасымен сорлы анаңа Хат жазып тұр, төбесі көкке жетсін.

4. Кім сағынар сендерді келгеніңше, Құлындарын көзімен көргенінше?

Сендер қайтып келсеңдер адам болып. Еш арманым болмас еді өлгенімше..

1 - оқушы:

Ана дейміз бәріміз де аңқылдап.Ана дейді жас сәби де жарқылдап.Ана деген – бәйтерегі өмірдіңАна деген – алтын қазық, алтын бақ2 - оқушы:Ана деген асыл жандар болаттай,Ана деген мөлдір жандар бұлақтай.О, адамдар қадірлей біл ананы,Жат қылыққа ақыл ойды тонатпай.3 - оқушы:

Ана десем шешек ашып жанары,Өмірімнің бастау алар жанары.Ана деген тіршілікке пана боп,Әрбір үйде жұлдыз болып жанады.

4-оқушы:

Мен өзіңмен қайда болса біргемін,

Махаббатың жүрегімде жүр менің.

Күн нұрындай жадырай бір күлгенің,

Қандай жақсы ортамызда жүргенің.

5-оқушы:

Ана - көркі көгімнің,

Ана – нұры жерімнің.

Ана – бағы баланың,

Мақтанышы елімнің.

Ән «Ақ мамам» (хор)1 - жүргізуші: - Медина, дүниеде ең тәтті не екенін білесің бе?

2 – жүргізуші: - Әрине. Ананың сүті тәтті ?

1 - жүргізуші: - Ал, ең жұмсақ не?

2 - жүргізуші: - Фатих, ол ананың қолы ғой.

1 - жүргізуші: - Ендеше, балалар аналарын қолынан тани ма екен? Тексеріп көрейікші.

Ойын «Ананың алақаны» (ортаға 4 ана мен бала шығады)

Би «Ана» әніне2 - жүргізуші:Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз Көрініс «Әжесі мен немересі»

Немересі: - Әже деймін, әже,Сұрақ қойғым келеді сізге.Мен түсінбейтін бір жәйт бар.Түсіндірші соны бізге.Бірінші сұрағым сізге:Дүниеде не қымбат?Әжесі: - Адам қымбат, қалқам.Немересі: - Адамға не қымбат?Әжесі: - Бала қымбат, қалқам.Немересі:- Балаға не қымбат?Әжесі: - Ана қымбат, қалқам.Немересі:- Түсіндім, әже. «Дүниеде не қымбат екенін?» енді мен айтайын:

Әжесі: - Айта ғой, балам!Немересі:- Алтын ұяң - Отан қымбат,Құт берекең - атаң қымбат.Аймалайтын - анаң қымбат.Мейірімді - әжең қымбат.Асқар тауың - әкең қымбат.Бәрінен де ұят пенен ар қымбат!