Ана өмірдің шуағы тәрбие сағаты 1-сыныпқа

Тәрбие сағатының тақырыбы: «Ана – өмірдің шуағы»Мақсаты: Көктемнің алғашқы аналар мерекесі жайлы түсінік бере отырып, ананы құрметтеуге, сыйлауға, анаға деген сүйіспеншілікке тәрбиелеу. Оқушының бойындағы өнері мен дарындылығын дамыту.

Көрнекілігі: «Ана» туралы нақыл сөздер, тақырып, шарлар, суреттер,слайдтар.

Барысы:

І Ұйымдастыру кезеңі

ІІ Мұғалімнің кіріспе сөзі: - Әке - өмірдің берік тірегі болса, ана - ағынды арнасы. Ана жаны сондай нәзік, ана жүрегі сондай ізгі, мейірімді. Нәресте шыр етіп дүниеге келгеннен бастап оны алақанына аялап, ақ сүт емізіп, әлпештеп баулитын - ана. Ананың асыл қасиеттерін аз ғана сөзге сыйғызу мүмкін емес. Ана дегеніміз – әлемнің жан дүниесі, оның бастауы мен таусылмайтын жалғасы. «Ана»деген сөздің қуаты дарияға тең. Ол сарқылмайды, ұмытылмайды, ескірмейді. Бала - ананың асыл арманы, алтын кені. Ендеше сол балаларыңыздың дайындаған шағын мерекелік сый тартуын қабыл алыңыздар. «Ана – өмірдің шуағы»атты тәрбие сағатына қош келдіңіздер!

Жүргізушілер: Серікбекқызы Жібек пен Алтынбекқызы Нұрайым

1 - жүргізуші:

Сенен өскен балалар.

Батырлар мен даналар.

Құттықтаймыз мейраммен.

Құрметті жан аналар!

2 - жүргізуші:

Құрметтейік,о адамдар,аналарды,

Бізде өмірге әкелген даналарды.

Себебі ана деген асыл жан ғой,

Ойлауменен істелік әр қадамды

1 - жүргізуші:

Көктем күні көрікті.

Күн шұғыла төгіпті

Сол көктемде мереке,

Дүниеге келіпті.

Көктем күні қуатты.

Шашты әлемге шуақты.

Наурыз өзі өмірді.

Нұрландырған сияқты.

2 - жүргізуші:

Наурыз келді Анажан серпіліңіз.

Шуақтанып.

Шаттанып желпініңіз.

Кеудеңізде керемет оттар жатыр.

Сізден жылу әлемін күткеніміз.

Хор: «Нұрын төккен маған»

1 - жүргізуші: Адам бойындағы барлық жақсы қасиет күннің нұрынан, ананың сүтінен таралған2 - жүргізуші: Сондықтан құрметті асыл аналар, өздеріңізге арнау - өлеңдерді қабыл алыңыздар.

Нұрмұхаммед:

Өмірде ана бұлақ, ана панаӨмірді өркендетер ана ғана.Өсірген талай көсем, талай шешен,.Талай ер, талай ақын, талай дана,

Аяулым:

Сізге арналады бүгінгі ұлы ісіміз.

Ардақтайтын,мақтанатын кезіміз.

Тәрбиелі ұл-қыздарды өсірген.

Ұлы Ұстаз-ана мына отырған өзіңіз.

Рахат:

Ана десем,алғыс алам халқымнан,

Ана десем,теңіз болам шалқыған.

Ана десем,ашылады қабағым,

Ана десем,әділдікті ұғынам.

1-жүргізуші: -Бүгінгі күн,жер бетіндегі барлық аналардың қуаныш,шаттық мерекесі . Адамзат ең алдымен ана алдында қарыздар. Ана қарызы алтынға бөлеуді,ақ орда салуды қаламайды,ана баласының ер жетіп,адам болуын қалайды.Анаға одан артық тартудың қажеті жоқ. Барлық аналарға арнап қазақтың ақиық ақыны Мұқағали Мақатаевтың «Шеше сен бақыттысың» өлеңінен үзіндіні сыныбымыздың үздігі Жауынбекова Жансая айтып береді.

Шеше!

Сен бақыттысың,жыламаған,

Жай түсіп жатқанда да құламадың.

Тәңіріңнен мен едім ғой сұрағаның.

Сондықтан жыламаған,жыламағын.

Бармын ғой.

Тірімін ғой.

Қасыңдамын.

Өлмеймін,мен өзіңдей асылданмын.

Таусылып өз-өзіңмен шашылмағын,

Байырғы берекеңді қашырмағын.

Мен сенің қанықпын ғой көз жасыңа.

Өзім кепіл тот басып тозбасыңа,

Екі жыр жазсам саған арнап,

«Шеше»деп жаздым ылғи сөз басына,

Тәңірім кеше көрсің кесірімді,

Аспанға жазам сенің есіміңді,

Шеше!

Сен бақыттысың,тербете бер,

Құба талдан иілген бесігімді.

Хасан:

Ана деген адамға Атамекен.

Әр адам анаменен адам екен.

Бір өзіңе көрсеткен жақсылығым.

Бір күнгі тәтті ұйқыдан садаға екен

Нұрсая:Ана деген - бәйтерегі өмірдің,Ана деген - қуанышы өмірдің.Ана деген - әрбір үйдің жылуы,Ана деген - гүлі туған өмірдің.

Манушаһар:

Өмірге Ана-бақыт,ана-пана,

Өмірді өркендетер ана ғана.

Өсірген талай шешен,талай көсем,

Талай ер,талай дана,талай ақын.

Мәди: