Ана тілім – ардағым тақырыбындағы ашық сабақ, балабақша

Ақмола обл.Целиноград ауд. Талапкер ауылы. «Әсем -Ай» экологиялық балабақшасы. Серикова Алмагүл Өндірісқызы. ІІ санатты тәрбиеші.

Сабақтың тақырыбы: «Ана тілім - ардағым». Мақсаты: Халық тәуелсіздігінің ең басты белгісі – оның ана тілі, ұлттық мәдениеті екенін түсіндіру. Тіл туралы жазылған мақалаларды тадап, өлең, жаңылтпаштарды айтқызу арқылы білімдерін дамыту. «Тілін білмеген - түбін білмейді» демекші, өз ана тілін, халқын құрметтеуге баулу. Көрнекілігі: Суреттер Барысы: Жүргізуші: Ана тілім-дана тілім айбарлым, Сырың терең, тұнығындай қайнардың. Ана тілім-қасиетім қастерлім, Бір өзіңнен бақыт нәрін алғанмын - деп ақындар жырлағандай халқымыздың өшпес асылы, сөнбес шырағы, мол қазынасы, сан ғасырлық тарихы бар, қасиетті тіл мен өнеріне арналған «Ана тілім – ардағым» атты тақырыптық сабағымызды бастаймыз. - Балалар, қандай мерекені атап өтеміз? - Тіл мерекесін. -Елбасымыз Нұрсұлтан Әбішұлы Назарбавтың 1998 жылғы 20 қаңтардағы жарлығына сәйкес «22 қыркүйек – Қазақстан халықтарының тілдер күні» ретінде аталып келеді. Қане балалар осы тілдер мерекесіне ән – жыр тақпақтарымызды арнайық.

Ортаға бүлдіршіндерімізді шақырамыз. Алдияр: Менің тілім біреу – ақ, Сөйейтін де, жазатын. Тауып қойған тілеуі – ақ, Қазақ деген өз атын. Дариядай пейілі, Тілі, діні, жыры да. Димаш: Ана тілім –ана күнім, арым менің, Сәулетім – сая бағым, сәнім менің Аспаным өзіңменен арайланып, Нұрланып атар ылғи таңым менің. Камила: Тілім барда мақтанам,

Тілім менің аппақ ән. Бірлігімде бүгінгі, Ана тілім сақтаған. Аружан: Ана тілім ұраным, Ана тілім құралым. Ана тілім болмаса, Мықты болмас тұрағым. Аңсар: Ана тілім менің Әлдилеген әнім, Ана тілім болмаса, Мықты болмас тұрағым. Адина: Ана тілім менің, Әлдиеген әнім, Ана тілім демім, Ана тілім жаным. Мирас: Желеп – жебеп піріміз, Таза болсын деніміз. Жауқазындай жалындап, Өркендесін тіліміз. Жүргізуші: - Ті не үшін керек? – деген сұраққа Әдия мен Санжар былай деп жауап береді. Әдия: Мен саған сұрақ қойғым келіп тұр? Осы тіл не үшін керек? Санжар: Досым – тіл бір – бірімізбен сөйлесу үшін керек қой. Әдия: Жарайды, онда адамдардың бәрі бір ғана тілде сөйлей ме? «Неге ана тілі деп бөледі»? Санжар: Себебі, әр елдің өз Отаны, өз тілі бар емес пе. - Балалар сендер бір – біріңмен сөйлескенде қай тілд сөйлсесіңдер? - Қазақ тілінде, ана тілінде сөйлсеміз. - Неге біз өз тілімізді ана тілі дейміз? - Себебі бұл тілді анамыздың аузынан естиміз. - Дұрыс айтасыңдар. Ана тілі дегеніміз, ананың ақ сүтімен бойға дарыған өз анамыздың тілі ғой. Ал, ана деген бәрінен д қастерлі, аяулы да асыл жан. Ал енді барығымыз орнымыздан тұрып, «Ана тілін сүйеміз» әнін орындайық.

Жүргізуші: Тіл халықпен бірге өмір сүріп дамиды. Әр ұлттың тілі, оның бақыты, тірегі.