Ана тілім – ардағым тақырыбындағы тәрбие сағаты

-Балалар, біз бүгінгі мерекелерімізді бастамас бұрын, қонақтармен сәлемдесіп алайықшы! Арайлап таң атты

Алтын сәуле таратты

Жарқырайды күніміз Жарқырайды даламыз Қайырлы таң,балалар!

Қайырлы күн қонақтар!

-Балалар,біз қай мемлекетте тұрамыз? -Қазақстан Республикасында тұрамыз. -Қазақстан Республикасының ел ордасы қалай аталады? -Астана қаласы. -Еліміздің қандай рәміздерін білесіңдер? -Елтаңба, Көк ту, Әнұран. -Жарайсыңдар, балалар, еліміздің рәміздерін жақсы біледі екенсіңдер. -Ал, біз еліміздің қай қаласында тұрамыз? -Біз Қызылорда қаласында тұрамыз.

-Біз қай тілде сөйлейміз? -Біз қазақ тілінде сөйлейміз.

-Дұрыс айтасыңдар, балалар, біздің Отанымыз- Қазақстан, Ұлтымыз-Қазақ,ал ана тіліміз-қазақ тілі.

-Балалар, бүгін қандай мереке?

-Бүгін «Тіл» мерекесі. -Дұрыс айтасыңдар, бүгін «Тіл» мерекесі. -Ендеше, бүгінгі мерекеміз, «Ана тілім-ардағым»- деп аталады.

-Қазақ тілі-дүние жүзіндегі ең бай тілдердің бірі. Ана тілі әр адамға ана сүтімен бірге еніп қалыптасады.

Қазақ тілім өз тілім, ана тілім Абай, Мұхтар сойлеген дана тілім.

Қастерлейді ұл-қызың мәңгі сені

Болашағым,бақытым дара тілім Хор: «Туған жер»

Тәрбиеші: Балалар бізге қонақ келген сияқты, қане бәріміз қошеметпен қарсы алайықшы (Әуенмен залға Ару Ана кіреді) Ару Ана:-Сәлеметсіңдер ме, балалар, құрметті қонақтар, мен Ару Анамын сендердің балабақшаларыңда тіл мерекесі болып жатқанын естіп сендерге қонаққа келдім. Сендердің өнерлеріңді тамашалауға келдім

Тәрбиеші:Сәлеметсіз бе, Ару Ана, біздің мерекеге қош келдіңіз! Жоғары шығыңыз! Тіл мерекесіне біздің балалар өз өнерлерін ала келіпті.

Нұрдана: Жаңа ғасыр жүрегі боп соғамыз. Ел бірлігін еңкейтпеген санамыз. Қазақ деген қасиетті пір тұтып, Жасарамыз,жалындаймыз,жанамыз.

Расул: Егеменді достық жүрек Сыр гүлі, Егемендік бауырластар бұлбұлы. Сыр елі де кемелденіп келеді, Барлық ұлттың баяндалып бірлігі.

Аянат: Аға,апа,інім-деп, Қарындасым,гүлім деп, Қандай тәтті өз тілің, Сөйлегенде күлімдеп. Ана тілің- қаның бұл Жан бітірер тасқа да, Қуат берер нәрің бұл Үлкенге де,жасқа да.

Дамелия: Көк туды асқақ көтерген, Елді мақтан етем мен, Терезесі тең сыйлас, Алыс,жақын шет елмен. Іші-алтын,сырты-нұр, Бұзылмаған шырқы бір. Ұлы достық мекені- Қазақстан жұрты бұл.

Тәрбиеші: Құлақтан кіріп бойды алар Әсем ән мен тәтті күй Көңілге сырлы ой салар Әнді сүйсең менше сүй- деп Абай атамыз айтқандай келесі кезекті әсем әнге берейік

С.Амина: «Қасиетті домбыра»

Ару Ана: «Өнер алды-қызыл тіл» дегендей, өнерлі балалар екенсіңдер, қане тағы кімнің қандай өнері бар?

Ж.Мадияр: Ана тілі-тірлігімнің айғағы. Тілім барда айтылар сөз ойдағы.