Туған тілім ана тілім тәрбие сағаты 2 сынып

Табантал орта мектебі

Ашық тәрбие сағаты

Тақырыбы: "Туған тілім-ана тілім"

1класс

Өткізген: Есенаманова Қ.Қ.

2015 жыл

Тақырыбы: «Туған тілім- ана тілім»

Мақсаты: 1.Тәрбиеленушілерді өз ана тілінің қадір-қасиетін біліп,өз ана тілінің көркемдігін сезініп,сөз құдіретін түсініп, оның адам өміріндегі маңызын ұғуға үйрету.

2. Тіл әуезділігін, көркемдігін, байлығын, шешендігін, көрсететін нақыл сөздер, мақал- мәтелдер арқылы тәрбиеленушілердің дүниетанымын, ой өрісін дамыту.

3. Тіл тазалығын сақтау,мәдениетті сөйлеу, шешендік өнерді тәрбиеленушінің бойына сіңіре отыра, ана тіліне сүйіспеншілігін қалыптастыру, мемлекеттік тіл мәртебесін көтеруге атсалысуға шақыру.

Көрнекіліктері: Тақырып жазылған сөз, қанатты сөздер, гүлдер, шарлар,

Барысы:

І Ұйымдастыру кезеңі

Амандасу

Біз әдепті баламыз,

Біз ерекше боламыз,

Қонақтарды көргенде,

Сәлеметсіздер ме! – деп

Сәлемдесіп аламыз.

Қазақстан Республикасының – әнұраны орындалады.

ІІ. Мұғалім сөзі:

Құрметті Ұстаздар мен ата-аналар,балалар!

Бүгінгі балауса шағын балалар орталығының «Туған тілім- ана тілім» атты ертеңгілігіне қош келдіңіздер!

Туған елім – тірлігімнің айғағы,

Тілім барда айтылар сыр ойдағы,

Өссе тілім, мен де бірге өсемін,

Өшсе тілім, мен де бірге өшемін! – деп, ақын Әбділдә Тәжібаев ағамыз жырлағандай тіл қай елде болса да қастерлі, құдіретті.

Тіл мәселесі қазір ең өзекті мәселе болып тұр. Оның бүгінгі халі мен ертеңгі болашағына алаңдаушылық та бар.Мына алдарыңызда тұрған шағын балалар орталығының тәрбиеленушілері келешек ғасырымыздың азаматтары мен азаматшалары. Бүгінгі ертеңгілігіміз «Туған тілім- ана тілім»- деп аталуының себебі осында. Тіл - таусылмайтын байлық.

Тақпақтар:

1. Отан – жерім,

Отан – суым,

Отан – қуат, нәр береді.

2. Отан деген- Атамекен,

Отан деген туған жер.

3. Отан – Ұран,

Отан – туым,

Отан мәңгі гүлденеді.

Отан – туған үйіміз,

Отан – туған жеріміз.

5. Отан сенің ата-анаң,

Отан – досың, бауырың,

Отан – өлкең, астанаң,

Отан – аудан, ауылың.

6. Отан,Отан,

Бәрінен биік екен,

Мен оны мәңгілікке сүйіп өтем.

7. Мен оның қасиетті тілін сүйем,

Мен оның құдіретті үнін сүйем.

8. Отан – деген атамекен,

Отан – деген туған жер.

9. Қазақ тілі ата-анаң,

Қуат алар Отан одан да.

10. Мен оның түнін сүйем,күнін сүйем.

Ағынды өзен, асқар тау, гүлін сүйем.

Ана тілім – тірегім,

Ана тілім – жүрегім.

12. Отан бізде біреу-ақ,

Ол – біздің Қазақстан.

13. Туыспыз біз бәріміз,

Біз Отанды сүйеміз.

ІІІ. Ән «Қошақаным»

ІV Мақал-мәтелдер.

V. Би «балалар биі»

Таза сәби жүректен,

Қабылдаңыз мың алғыс!

Бізді жақтап отырған,

Сіздерге де мың алғыс!- дей отырып құттықтау сөз кезегін Қонақтарға сөз беріледі.

Осымен « Туған тілім – ана тілім» атты ертеңгілігіміз аяқталды. Келгендеріңізге көптен – көп рахмет.

1.Жазда апамның ауылына,

барып едім қыдырып.

Бір қошақан алдымнан,

Шыға келді жүгіріп.

Қайырмасы:

Ақ маңдайы Ай ма екен.

Шекер ме екен, бал ма екен.

Кеттім оны сағынып,

Қошақаным қайда екен.

2. Анаң кетті жайлауға,

Оны іздеп қайғырма.

Анаң бізге келеді,

Ақ сүтінен береді.

Қайырмасы:

Ақ маңдайы Ай ма екен.

Шекер ме екен, бал ма екен.

Кеттім оны сағынып,

Қошақаным қайда екен.

1. Бекзат.

Отан оттан да ыстық.

2. Іңкәр

Отанның ауасы да дәрі.

3. Айжан

Отан үшін отқа түс, күймейсің.

4. Жасмин.

Отансыз адам,

Ормансыз бұлбұл.

5. Айгерім

Өнер алды қызыл тіл.

6. Камила

Тіл – көңілдің кілті.

7. Айсұлтан

Отан – елдің анасы

8. Жанбота

Тіл қылыштан өткір

Тақырыбы:

«Ана тілім –асылым, асыл мұрам»

ІІ-ТӘРБИЕ САҒ.

Мақсаты: Оқушыларды өз халқын, туған жерін сүюге,

қастерлеуге, бағалап мақтан етуге тәрбиелеу.

Оқушылардың тілін, ой-өрісін дамыту, мәнерлеп

оқуға, машықтандырып жетілдіру.

Көрнекілігі: Тіл туралы нақыл сөздер.

Барысы:

1-жүргізуші: Құрметті қонақтар!

2-жүргізуші: Ұлағатты ұстаздар, білімді шәкірттер!

2-жүргізуші: Қош келіпсіз бәріңіз!

1-оқушы: Келе жатқан мәңгіден дара салтым,

Мақтанышым, елдігім, парасатым.

Сенсіз тілім, теңі жоқ тіршілігім,

Өміріме өң беріп жарасатын.

2-оқушы: Тілден өткен інжуді іздемеген,

Көрмеген ел қаймығып түзде неден.

Бас кеспек болғанымен , тіл кеспек жоқ,

Тірлігімнен тілімді үзбе деген.

3-оқушы: Аман өтіп қиямет өткелдерден

Жығылмадым не дауыл , өткел желден.

Жаз бағындай жадырап шуағын төк,

Жарқын дәурен өмірлі көктемдерден.

4-оқушы: Аман жетті көне күн алыстардан,

Алыс қалған ғасырдан, ғарыштардан.

Баба санап сырласып, сүйем сені,

Бір өзіңмен мың жылдар табысты арман.

1-жүргізуші: Деп ақындар жырлағандай халқымыздың өшпес

асылы, сөнбес шырағы, мол қазынасы, сан ғасыр тарихы бар қасиетті тіл мен өнеріне арналған «Тіліңді де,дініңді де құрметте!» атты әдеби кешімізді бастаймыз.

2-жүргізуші: Қазақстан Республикасының «Тіл туралы»

Заңы1989 жылы 22 қыркүйекте, Жоғары кеңестің сессиясында қабылданған болатын.

Бүгінде сол Заңымызға 20 жыл толып отыр.

1-жүргізуші: Ерлік, елдік, бірлік, қайрат , бақ ардың,

Жауыз тағдыр жойды бәрін не бардың.

Алтын күннен бағасыз бір белгі боп,

Нұрлы жұлдыз, бабам тілі, сен қалдың.

2-жүргізуші: Ана тілім- ана күтім, арым менің,

Сәулетім сая бағым, сәнім менің.

Аспаным өзіңменен арайланып,

Нұрланып атар ылғи таңым менің.

жүргізуші: Ана тілі - әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры. Онсыз адам – мәңгүрт.

Жүргізуші: Ұлттық тіл- әр халықтың өзіндік ой санасы мен парасатын, бүкіл болмыс тіршілігі мен сезім – түйсігін, ұрпақтан –ұрпаққа жеткізетін күре тамыр. Онсыз халық – аты бар да заты жоқ тобыр.

1-жүргізуші: Ана тілім- ұраным,

Ана тілім- құралым.

Ана тілім болмаса,

Мықты болмас тұрағым.

2-жүргізуші: Ана тілім- елдігім,

Ана тілім- ерлігім.

Ана тілім болмаса,

Бүтінделмес кемдігім.

1-оқушы: Әлдилеп көзді ілдірген,

Марқайта мәз ғып күлдірген.

Үйретіп өмір сырларын,

Ананың тіллін бүлдірген.

Аяулы тілім, ардақтым,

Шырыным, шекер бал тәттім.

Қазақтың талай қыранын

Көтеріп көкте самғаттың.

2-оқушы: Тілі боп қазақ келгенсің,

Дей алмас ешкім сөнгенсің.

Жамиғат жұртың сау болса,

Әлі де талай ерлерсің.