Ана тілім ажарым білімдік сайысы 7 сыныпқа

Ақтөбе қаласы, Есет батыр атындағы олимпиада резервінің облыстық мамандандырылған мектеп-интернат-колледжінің қазақ тілі мен әдебиеті пәнінің мұғалімдері Балмағамбетова Айгүл Жақсыбекқызы, Жақсылықова Әлия Бекболатқызы

7-8 класс оқушылары арасындағы қазақ тілі мен әдебиеті пәнінен

«Ана тілім - ажарым» атты білімділік сайысы

Мақсаты: Оқушыларының пәндер бойынша алған білімдерін саралау, ой ұшқырлықтарын байқау, топпен бірлесе отырып жұмыс істей білуге және өз білімін көрсете білуге үйрету. Оқушылардың сөздік қорын молайту, дүниетанымдарын кеңейту, тіл байлығын, шығармашылық қиялын, логикалық ойлау қабілетін дамыту, өз ойын еркін жеткізе білуге және шығармашылықпен еңбек ете білуге дағдыландыру.Түрі: топтық сайыс

Көрнекілігі: Топ аттары жазылған қағаздар, қима қағаздар, ақын-жазушылар туралы буклеттер көрмесі, интерактивті тақта.Ұйымдастыру кезеңі:

Құрметті ұстаздар және оқушылар! Бүгінгі 7 – 8 кластар арасында өткелі отырған «Ана тілім - ажарым» атты білімділік сайысқа қош келдіңіздер!

Оқушылар әр түрлі түстерді таңдау арқылы екі топқа бөлініп отырады.І топ – «Білімділер», ІІ топ – «Ойшылдар»

Шын жүйріктер сыналады жарыста,Жарыстың ба, орта жолда қалыспа!Әділқазы бағалайды сіздерді,Жеңіс мәре жақын ба, әлде алыс па?- деп бүгінгі сайысымыздың әділ қазылар алқасымен таныс болайық:

Тарих пәнінің мұғалімі Атыбаева Г.Н

Орыс тілі пәнінің мұғалімі Катпина Б.К

Ал енді сайысымыздың жоспарымен таныс болыңыздар:

1. «Мыңның жүзін білгенше – бірдің атын біл!» /таныстыру/2. «Білімді болсаң, байқап көр»3. «Ойлы болсаң, ойлап көр»4. «Жүйрік болсаң, озып көр»5. «Тапқыр болсаң, тауып көр»6. «Сөз ойла, тез ойла»1. «Мыңның жүзін білгенше – бірдің атын біл!» /таныстыру/

(екі топ өздерін таныстырады)

1.«Білімділер» тобының ұраны:

Білім алып бүгін алтын ұяда,

Ертең әлі шарықтаймыз қияда!

Таңбасы: көгершін суреті

2.«Ойшылдар» тобының ұраны:

Асау тұлпар желдей ескен арынды,

Оқу менен еңбекке сал барыңды!

Таңбасы: кітап пен қалам суреті

2. «Білімді болсаң, байқап көр»

Білім деген биік шың,Бақытқа сені жеткізер.Білім деген ақылшың,Қиындықтан өткізер - деп 2-кезекті «Білімді болсаң, байқап көр» кезеңіне береміз.

Әр топқа 5 сұрақтан беріледі. Кестені толтырыңыз. Қай топтың жауабы көп, сол топ ұтады.

Қазақтың ұлттық аспаптары

Қазақтың ұлттық киімдері

Қазақтың ұлттық ойындары

Қазақтың ұлттық тағамдары

Қазақтың ұлттық ою – өрнектері

Адырна, аса таяқ, домбыра, жетіген, қыл қобыз

Сәукеле, тақия, ішік, шапан, кимешек, кебіс, мәсі

Орамал тастау, арқан тарту, ақ сүйек, бәйге, арқан тарту, асық ойындары

Тары, талқан, құрт, айран, қымыз, шұбат, қазы, қарта

Қошқар мүйіз, төртқұлақ, түйе табан, құстұмсық, түлкібас.

3.«Ойлы болсаң, ойлап көр». Берілген суреттерден бірнеше мақал-мәтелдер шығару. Қай топ көп жауап берсе, сол топ ұтады.

Жауаптары:

1.Ит жоқта шошқа үреді қорада.

2.Айдағаны бес ешкі, ысқырығы жер жарар.