Ана тілін ардақтайық поэзиялық таным сабағы

Поэзиялық таным сабағы. Әдеби кеш: «Ана тілін ардақтайық!»

Пәні: қазақ тілі

Сыныбы : 5

Күні :

Мұғалімнің аты-жөні: Альмишева Л.Ш

Сабақтың мақсаты:

1. Елімізде тұрып жатқан ұлттар арасындағы достықпен ынтымақты дәріптеу;

2. Әр ұлттың тілі мен дәстүріне құрмет көрсету;

3. Мемлекеттік тіл қазақ тіліміздің қыр-сырына терең үнілуге, сыйлауға, қастерлеуге тәрбиелеу;

4. Ана тілінде таза, саутты сөйлеуге баулу;

5. Туған жерге сүйіспеншілігін арттыру, елжандыққа, отаншылдыққа тәрбиелеу;

6. Жас ұрпақтың ана тілінің қадір-қасиетін түсіне білуін, сүйе білуін арттыру.

Мұғалім:

Сәлеметсіздерме, қадірлі ұстаздар, оқушылар! Осы тіл мерекесіне арналған сабағымызды бастауға рұқсат етіңіздер.

1-оқушы :

О, туған тіл! Тас бұлақтың тұнығы да сенде, ана сүттінің жұғымы да сенде, райхан гүлдің жұпары да сенде, Мәжнүн ғашықтың іңкәрі де сенде, қыран құстың жанары да сенде, шымыр ұланның талабы да сенде, назды сұлудың нәзіктігі де сенде, сахара даланың жазықтығы да сенде...

Мұғалім:

Қазақ халқы бар тарихын көшіп жүріп өткізсе де барлық жинаған сөз байлығын, күй мен жырын бізге жеткізді. Бұл бәрімізге де қымбатты мұра, бай қазына.

2-оқушы:

Сол тілменен махаббатқа тіл қаттым,

Сол тіліменен талай гүлді жырлаттым.

Сол тілменен сәбилерді сөйлетіп,

Талайлардың көз жастарын құрғаттым.

3-оқушы:

Сол тілменен аспан көрдім, жер көрдім,

Сол тілменен көгершінге жем бердім.

Сол тілменен дүниеден кетемін,

Сол тілменен дүниеге мен келдім.

Мұғалім :

Тіл- адамға берілген керемет қасиет. Тіл арқылы жақсылық пен жамандықты білеміз. Халқымыз осы баға жетпес қазынаны, болашаққа мұра етіп қалдырды. Қазақстан Республиканың мемлекеттік тілі-қазақ тілі. Біз мемлекеттік тілде еркін сөйлеуіміз керек.

4-оқушы :

Тілім менің!

Осы тілде шежірем, жырым менің,

Асан қайғы арманы,

Қорқыт күйі-

Тағдырыммен тамырлас мұным менің.

5-оқушы :

Тілім менің!

Жауға айбарым, ұраным, туым менің.

Найзасымен тең ұстап осы тілді,

Намысымды қорғады Сырым менің.

6-оқушы :

Тілім менің!

Ұлы Абай, Мұқтардай пірім менің.

Тұнығым, рухани жан азығым,

Ол бүлінсе, менің де бүлінгенім.

7-оқушы:

Тілім менің!

Тілім үшін мың өліп, тірілді елім.

Аралыммен,

Арыммен қатар қойып,

Тілді қорғау-парызым бүгін менің!

8-оқушы :

Ана тіл-тағдыр-талайым,

Ана тіл-ырыс-құтпаным.

Ана тіл-ұлы Абайым,

Ана тіл-дана Мұқтарым.

Мұғалім:

Туған тіліміз туралы асыл ойлар мен шешендік сөздер, нақыл сөздер, мақал-мәтелдер көп.

(Оқушылар нақыл сөздерді оқып шығады)

Ақыл көркі-тіл,

Тілдің көркі-сөз

Ж. Баласағұн

Айтар сөзді алдымен ойлап ал

Қорқыт ата

Өнер алды-қызыл тіл

Піл көтермегенді

Тіл көтереді.

Тіл қылыштан өткір.

Тіл қаруы-сөз,

Сөз қаруы-ой.

Язык - это мысли и чувства народа, его история и культура .

Язык - это орудие дружбы, и с тех пор как стоит мир, лучшего орудия еще никто не придумал .

Язык-это самое человечное, что есть на свете.

Язык - это окно в новый мир.

Ничто на свете не связано с человеком так прочно, как язык. Нет на свете лучшего средства общения.