Аналар асыл жандар балабақшаға арналған материал

«Аналар, асыл жандар»

Мақсаты: Балаларға көктем айының алғашқы мерекесі «Аналар мерекесі» екені ұғындыру. Аналарды сыйлау, құрметтеу және арнау ұғымдарын түсіндіру. Эстетикалық тәрбиеге баулу.

Жүргізуші: 8 Наурыз – аяулы аналарымыздың мерекесі – көктемнің алғашқы айында келіп тұр. Бұл мереке жылдың басқа мезгілінде болуы келіспейтін секілді. Өйткені көктем секілді әйелдер де адамзатқа өмір, жылылық пен әсемдік сыйлайды.

Құрметті де қадірлі аналар! Мерекелеріңіз құтты болсын. Өмір сыйлаған сәбилеріңіз сіздерге тек қуаныш пен шаттық сыйласын.

Сіздерден өскен балалар

Батырлар мен даналар.

Құттықтаймыз мейраммен,

Құрметті абзал аналар – дей отырып бүгінгі «Қарлығаш» тобында болғалы тұрған«Аналар, асыл жандар» ертеңгілігімізге қош келдіңіздер!

Алинұр: Той пердесін ашайық

Тойға шашу шашайық

Аналарды құрметтеп

Ән маржанын ашайық.

Ұлан: Көктем қандай көрікті,

Күн сәулесін төгіпті.

Мерекені тойлауға

Көп қонақтар келіпті.

Көңілдіміз бәріміз,

Атты күткен таңымыз.

Ардақты ӘЖЕЛЕРДІ,

Аяулы АНАЛАРДЫ,

Сұлу қыздарымызды,

Шын жүректен

ҚҰТТЫҚТАЙМЫЗ бәріміз.(әуенмен қол шапалақ)

(Әуенмен залға ұлдар кіреді жан жақтарына қарайды.)

Ерасыл: Бақытты ғой шынында

Анасымен балалар.

Құтты болсын мереке

Аман болсын АНАЛАР

Жүргізуші:

- Балалар, бүгін бізде қандай мереке?

- Аналар, әжелер күні.

- Ал біздің қыздарымыз жок кой, қане бәріміз қол соғып ортаға қыздарымызды шақырайық.

(Ұл балдар қыздарға гүл сыйлайды)

Балалар биі: «Мама»

Жүргізуші: Балалар қазір жылдың қай мезгілі деп ойлайсыңдар?

Балалар: Көктем

Жүргізуші: Көктем екенін қайдан білесіңдер?

Балалар: Көктемде қар ери бастайды. Күн жылынады. Құстар сайрайды.

Жердің беті көктей бастайды.

Жүргізуші: Ендеше балалар Көктем Аруын шақырайық.

(Әсем әуенмен көктем келеді)

Көктем: Мен көктеммін, көктеммін

Былтыр келіп кеткенмін

Көзін ашып бұлақтың

Түбіне тал еккенмін.

Тілеп жылға оң қадам

Ән арнайды ел маған

Тіршіліктің бастауы

Көктем айы мен болам.

Көктем: Сәлеметсіздер ме, балалар! Көктемгі көңіл күйлеріңіз қалай? (Балалар, хормен жақсы тілектерін білдіреді)

Мен осы балабақшаға сәбилеріне жету үшін көп айлар жүріп келдім. Бірақ мен шаршаған жоқпын. Сендерді көріп көңілім жадырап сала берді. Сондықтан сендермен бірге көңіл көтерейін, өнерлеріңді көрейін.

І Тәрбиеші: Ия, Ару Көктем! Біздің балабақшаға қош келдіңіз! Сізбен бірге біздің де көңіліміз көтеріліп қалды. Ендеше балаларымыздың өнерін тамашалаңыз.

Ән: «Ақ мамам»

Жүргізуші: Көктем Аруы біздің аналарымыздың да өнері бар. Ендеше құрметті қонақтар аналарымыздың өнерін тамашаланыздар.

Ойын: «Аналар гүлі»

Жүргізуші: Олай болса аяулы аналарын құттықтауға келген бүлдіршіндердің ыстық ықыласын таңдайық.

Сезім Т: Әлпештеген аялаған Ақ сүт берген апатайым Сәлем жазып бүгін саған Мейрамымен құттықтаймын

: Аяулым: Гүлдерді мен жұлмаймын, Торғайларды қумаймын, Айтқан сөзін тыңдаймын. Анашымды сыйлаймын.Сезім А: Жанымызды жайнатқан

Сіздерсіз ғой аналар

Зор денсаулық, мол бақыт

Тілейміз біз балалар!

Аруна: Аялаған анашым

Мәпелеген анашым

Менің саған тілегім

Қартаймашы анашым!

Амина: Сіздерден өскен балалар.

Батырлар мен даналар

Құтты болсын мерекең

Құтты болсын аналар!

Томирис: Аналарды сүйеміз

Сөзін ойға түйеміз

Әжені де ардақтап,

Әдеппен бас иеміз!

Жасмин: Баланың да тірегі, Дананың да тірегі. Ауырмасын ешқашан. Аналардың жүрегі.

Айару: Анам менің сүйіктім Тек өзіңе табынам. Қасымда жүрсең биікпін, Алыстасаң сағынам.

Расима: Анам менің ардақты

Алтыннан да салмақты

Жақсы көріп баласын,

Мәпелейді анашым.

Жүргізуші: Біздің қыздарымыздың аналарға, әжелерге, және көктем сізге арналған тосын сыйлары бар. Қыздарымыздың орындауында бір тамаша би.

Жүргізуші: келесі кезекте « Көктем » биі.

Жүргізуші: Көктем, балаларымыздың өнері сізге ұнадыма?

Көктем: Әрине ұнады, өте өнерлі балалар екен, өркендерің өссін.

Көктем: Рахмет, Ал мен балалардың көңілін көтеру үшін бір ойын

әкелдім. Кім бірінші күн сәулесін жинайды?